. මනෙල්කගේ ශතකය ශා. පීතරට ජය ගෙනෙයි | කෙළිමඬල
2017 මැයි මස 25 වැනි බ‍්‍රහස්පතින්දා
මනෙල්කගේ ශතකය ශා. පීතරට ජය ගෙනෙයි
2017-03-26 19:15:32 | ශානුක අරවින්ද

බම්බලපිටිය ශාන්ත පීතර විදුහල සහ මරදාන ශාන්ත ජෝෂප් විදුහල අතර පැවැති 83 වැනි ‘ශාන්තුවරුන්ගේ සටන’ වාර්ෂික මහ ක්‍රිකට් තරගයට සමගාමීව කොළඹ එස්. එස්. සී. ක්‍රීඩාංගණයේදී ඊයේ (25 වැනිදා) පැවැති 43 වැනි සීමිත ඕවර ක්‍රිකට් තරගයෙන් ලකුණු 54 ක ජයක් අත්කර ගැනීමට ශාන්ත පීතර විදුහල සමත් විය.
 
ජයග්‍රහණය සඳහා ලකුණු 312 ක ඉලක්කයක් හඹාගිය ශාන්ත ජෝෂප් විදුහලට ඕවර 49.3 ක් අවසානයේ සියලු දෙනා දැවී රැස්කරගත හැකි වූයේ ලකුණු 257 ක් පමණි. එහිදී දක්ෂ පිතිහරඹයක නිතර වූ දිනෙත් මඳුරවල ලකුණු 73 ක් රැස්කිරීමට සමත් වුවද, ශාන්ත ජෝෂප් විදුහල ජයග්‍රහණය කරා රැගෙන යෑමට තරම් එය ප්‍රමාණවත් නොවීය.

කාසියේ වාසිය දිනා පළමුවෙන් පන්දුවට පහරදුන් ශාන්ත පීතර විදුහල වෙනුවෙන් ශතකයක් ලබාගැනීමට මනෙල්ක ද සිල්වා (නොදැවී 107) සමත් වූ අතර සුලක්ෂණ ප්‍රනාන්දු ලකුණු 90 ක් ලබා සිටියදී ශතකය පෙනි පෙනී ඉතා අවාසනාවන්ත ලෙස දැවී ගියේය.


ශාන්ත පීතර විදුහල - ඕවර 50 කදී කඩුලු 8 ක් දැවී 311
(මනෙල්ක ද සිල්වා නොදැවී 107, සුලක්ෂණ ප්‍රනාන්දු 90, සන්තුෂ් ගුණතිලක 31, ලක්ෂිණ රොද්‍රිගූ 23, දිනෙත් මඳුරවල 22/2, නිපුන් සමරසිංහ 58/2)

ශාන්ත ජෝෂප් විදුහල - ඕවර 49.3 කදී සියලු දෙනා දැවී 257
(දිනෙත් මඳුරවල 73, හවින් පෙරේරා 47, ජෙහාන් ඩැනියෙල් 35, පහන් පෙරේරා 23, සචින් සිල්වා 55/3, මනෙල්ක ද සිල්වා 23/2, සන්තුෂ් ගුණතිලක 30/2)

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :

ශ්‍රී ලංකාවට කඩුලු 9 ක පහසු ජයක්...
2017-05-23 22:43:08
ස්කොට්ලන්තයට එරෙහිව එංගලන්තයේ බෙකන්හැම්හිදී අද (23 වැනිදා) පැවැති දෙවැනි නිල නොවන එක්දින ක්‍රිකට් තරගයෙන් කඩුලු 9 ක පහසු ජයක් අතර ගැනී...
මාලිංග ශ්‍රී ලංකා පිලට එක්වෙයි...
2017-05-24 17:00:33
එංගලන්තයේදී ලබන 01 වැනිදා ආරම්භ වන ‘අයි.සී.සී. ශූරයන්ගේ කුසලාන’ ක්‍රිකට් තරගාවලියට සහභාගි වන ශ්‍රී ලංකා සුපිරි වේග පන්...
ස්කොට්ලන්තය ශ්‍රී ලංකාව පරදවයි...
2017-05-22 13:05:22
ආරම්භක පිතිකරුවන් වූ කයිල් කොයිට්සර් සහ මැතිව් ක්‍රොස් දෙදෙනාම ශතක ලබාගැනීම නිසා ජවය ලද ස්කොට්ලන්ත ක්‍රීඩකයෝ ශ්‍රී ලංකා කණ්ඩාය...
ශ්‍රී ලංකාව පහළට ඇද වැටීමේ අවදානමක්...
2017-05-24 18:48:02
මැලේසියාවේ ඉපෝ නුවරදී අවසන් වූ ආසියානු පළමු කොටසේ රග්බි තරගාවලියේදී ආසියානු ශ්‍රේණිගත කිරීමේ සිවුවැනි ස්ථානයේ පසු වූ ශ්‍රී ලංකාව ශ...