. රිච්මන්ඩ් විදුහලට කඩුලු 8 ක පහසු ජයක් | කෙළිමඬල
2018 අපේ‍්‍රල් මස 22 වැනි ඉරිදා
රිච්මන්ඩ් විදුහලට කඩුලු 8 ක පහසු ජයක්
2017-03-26 19:47:46 | ශානුක අරවින්ද

ගාල්ල මහින්ද විදුහල සහ ගාල්ල රිච්මන්ඞ් විදුහල අතර පැවැති 112 වැනි ‘ආදරවන්තයන්ගේ සටන’ වාර්ෂික මහ ක්‍රිකට් තරගයට සමගාමීව කොළඹ ගාල්ල ජාත්‍යන්තර ක්‍රිකට් ක්‍රීඩාංගණයේදී ඊයේ (25 වැනිදා) පැවැති සීමිත ඕවර ක්‍රිකට් තරගයෙන් කඩුලු 8 ක පහසු ජයක් අත්කර ගැනීමට රිච්මන්ඞ් විදුහල සමත් විය.

ජයග්‍රහණය සඳහා ලකුණු 170 ක ඉලක්කයක් හඹාගිය රිච්මන්ඞ් විදුහල ඕවර 33.3 ක් අවසානයේ කඩුලු 2 ක් පමණක් දැවී එම ඉලක්කය පසුකර ගිය අතර නායකත්වයේ පිතිහරඹයක නිතර වූ කමිඳු මෙන්ඩිස් නොදැවී ලකුණු 84 ක් රැස්කරමින් රිච්මන්ඞ් විදුහල ජයග්‍රහණය කරා රැගෙන ගියේය.  

කාසියේ වාසිය දිනා පළමුවෙන් පන්දුවට පහරදුන් මහින්ද විදුහල ඕවර 46.4 අවසානයේ සියලු දෙනා දැවී ලකුණු 169 ක් රැස්කළ අතර එහිදී මහින්ද විදුහල වෙනුවෙන් අර්ධ ශතකයක්  ලබාගැනීමට නවෝද් පරණවිතාන (66) සමත් විය.

කමිඳු මෙන්ඩිස් තරගයේ වීරයා ලෙස සම්මාන දිනාගත් අතර රිච්මන්ඞ් විදුහලේ සඳුන් මෙන්ඩිස් සහ අවිඳු තීක්ෂණ පිළිවෙලින් දක්ෂතම පන්දුයවන්නා සහ දක්ෂතම පන්දු රකින්නා ලෙසත්, මහින්ද විදුහලේ නවෝද් පරණවිතාන දක්ෂතම පිතිකරුවා ලෙසත් සම්මාන දිනාගත්හ.


මහින්ද විදුහල - ඕවර 46.4 කදී සියලු දෙනා දැවී 169
(නවෝද් පරණවිතාන 66, ප්‍රමීත් හංසික 31, විනුර දුල්සර 21, සඳුන් මෙන්ඩිස් 30/3, අවිඳු තීක්ෂණ 29/2)

රිච්මන්ඩ් විදුහල - ඕවර 33.3 කදී කඩුලු 2 ක් දැවී 172
(කමිඳු මෙන්ඩිස් නොදැවී 84, ආදිත්‍ය සිරිවර්ධන 38)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...