. සත් සාමාජික සංචිතයට මරීජාත් එක්වෙයි | කෙළිමඬල
2018 ජූනි මස 24 වැනි ඉරිදා
සත් සාමාජික සංචිතයට මරීජාත් එක්වෙයි
2017-03-26 21:05:26 | මිලාන් පෙරේරා

ලබන මස මුල් භාගයේදී හොංකොං රාජ්‍යයේ පැවැත්වෙන ලෝක කුසලාන සත් සාමාජික රග්බි තරගමාලාවට සුදුසුකම් ලැබීමේ තරගාවලිය ඉලක්ක කරමින් ක්‍රීඩකයන් 22 ගෙන් සමන්විත සංචිතයක් කැූඳවීමට ජාතික රග්බි තේරීම් කමිටුව පියවර ගෙන තිබේ. පසුගියදා බෝර්නියෝ නුවර පැවැති සත් සාමාජික ආරාධිත රග්බි තරගාවලියට සහභාගි වූ ශ්‍රී ලංකා කණ්ඩායමේ ක්‍රීඩකයන්ද, යොවුන් ක්‍රීඩකයන්ද, හිටපු ජ්‍යෙෂ්ඨ ක්‍රීඩකයන්ද ඇතුළත් වන ලෙස පිහිටුවා ඇති මේ සංචිතයට විශිෂ්ට ක්‍රීඩකයකු වන ෆාසිල් මරිජා එක්වී සිටීම විශේෂත්වයකි.
 
කලක් පිටකොන්දේ ආබාධයක් නිසා රග්බි පිටියෙන් ඉවත්ව සිටි මරිජා නැවත ක්‍රීඩාවට එක්වූයේ අන්තර් සමාජ පළමුපෙළ ලීග් රග්බි තරගාවලියෙනි. මරීජාට අමතරව සත් සාමාජික රග්බි පිටියේ වේගවත් ක්‍රීඩකයකු ලෙස ප්‍රකට අනුරුද්ධ විල්ලර ද සංචිතයට එක්වී සිටී. මේ දෙදෙනාම මහනුවර ක්‍රීඩා සමාජය නියෝජනය කරන ක්‍රීඩකයෝ වෙති.

ලබන මස 7 වැනිදා සිට 9 වැනිදා දක්වා හොංකොං රාජ්‍යයේ පැවැත්වෙන සත් සාමාජික සුදුසුකම් ලැබීමේ තරගාවලියට නවක ක්‍රීඩකයන් වන හැව්ලොක්ස් ක්‍රීඩා සමාජයේ සුදම් සූරියආරච්චි, කෙවින් ඩික්සන්, සී.ආර් ඇන්ඞ් එෆ්.සී. ක්‍රීඩා සමාජයේ රෙහාන් සිල්වා, නාවික හමුදා ක්‍රීඩා සමාජයේ සුපුන් ඩිල්ෂාන්, තනූජ මාධවගේ, සමත් ධනංජය සහ පොලිස් ක්‍රීඩා සමාජයේ රීසා රෆායිඩීන් එක්වී සිටීම කැපී පෙනේ.


ශ්‍රී ලංකා සත් සාමාජික රග්බි සංචිතය
ධනුෂ්ක රන්ජන්, ෆාසිල් මරිජා, රිචඞ් ධර්මපාල, අනුරුද්ධ විල්ලර, සයුරි ඇන්තනී, ජේසන් දිසානායක, ශ්‍රීනාත් සුරියබණ්ඩාර, දනූෂ දයාන් (මහනුවර ක්‍රීඩා සමාජය), සුදර්ශන මුතුතන්ත්‍රී, කෙවින් ඩික්සන්, නිෂෝන් පෙරේරා, සුදම් සූරියආරච්චි (හැව්ලොක්ස් ක්‍රීඩා සමාජය), කාවින්ද පෙරේරා, ඕමල්ක ගුණරත්න, අනුරාධ හේරත්, රෙහාන් සිල්වා (සී.ආර්.ඇන්ඞ් එෆ්.සී), චානක චන්දිමාල්. සුපුන් ඩිල්ෂාන්, සාලිය හඳපාන්ගොඩ, තනූජ මාධවගේ, සමිත් ධනංජය (නාවික හමුදා ක්‍රීඩා සමාජය), රීසා රෆායිඩීන් (පොලිස් ක්‍රීඩා සමාජය)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
ශ්‍රී ලංකා කණ්ඩායම දුර්වල අඩියක...
2018-06-22 14:46:32
පන්දුවේ ස්භාවය වෙනස් කිරීමට උත්සාහ ගත්තේ යැයි චෝදනා ලැබ තරග තහනමකට ලක්ව සිටින ශ්‍රී ලංකා කණ්ඩායමේ නායක දිනේෂ් චන්දිමාල් බාර්බඩෝස් හිදී...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...