. සෙල්වරත්නම් අභියෝග කුසලාන තරග ඉරිදා | කෙළිමඬල
2017 සැප්තැම්බර් මස 25 වැනි සඳුදා
සෙල්වරත්නම් අභියෝග කුසලාන තරග ඉරිදා
2017-03-31 18:43:59 | ශානුක අරවින්ද

කොළඹ රාජකීය තුරඟ තරග සමාජය සංවිධානය කරන තුරඟ තරග මාලාවේ දෙවැනි තරගාවලිය ලබන ඉරිදා (2 වැනිදා) නුවරඑළිය තුරඟ තරග පිටියේදී පැවැත්වේ. මෙම තරගාවලිය ‘සෙල්වරත්නම් අභියෝග කුසලාන’ තුරඟ තරගාවලිය ලෙස නම් කර තිබේ.

මෙහිදී සෙල්වරත්නම් අභියෝග කුසලාන, ජනමාධ්‍ය අමාත්‍යංශ කුසලාන, බ්ලැක්පූල් හෝටල් කුසලාන, ඬේලිමිරර් කුසලාන, එච්. එන්. බී. ග්‍රාමීන් ෆිනෑන්ස් කුසලාන, නුවර එළිය උත්සව සමය කුසලාන සහ පෝනි සුබසාධන ලොතරැයි කුසලාන යන කුසලාන සඳහා තරග 7 ක් පැවැත්වේ.

එහිදී දීප්තිකා ජයකොඩි, ඉසිර දසනායක, ගාමිණී ජයරත්න, හසංග ජයරත්න, රියෙන්සි එඞ්වඞ්ස්, පූර්ණි එඞ්වඞ්ස්, අනුර දෙල්ගොඩ, ජේම්ස් මැතිව්, අනුක ද සූසා, ආර්. එම්. සී. කේ. රාජපක්ෂ, නවීන් මාධව බණ්ඩාර, එම්. සුදාගර්, එස් ලෝගනාදන්, එස්. වී. මදියලගන් සහ හසීබ් මොහොමඞ් යන මහත්ම මහත්මීන් හිමිකාරත්වය දරන අශ්වයන් 40 ක් පමණ තරග වැදීමට නියමිතය.

මෙම තරගාවලියේ ප්‍රධානතම තරගය වන ‘සෙල්වරත්නම් අභියෝග කුසලාන’ තරගය මීටර 1600 ක දුරකින් සමන්විත වන අතර එම තරගය ජයගන්නා අශ්වයාගේ හිමිකරුට රුපියල් මිලියනයක මුදල් ත්‍යාගයක් හිමිවේ. එම තරගය සඳහා අශ්වයන් 7 දෙනෙක් සහභාගි වීමට නියමිත අතර ඉන් තිදෙනෙක්ම දීප්තිකා ජයකොඩි මෙනවියගේ අශ්වයන් වීම කැපී පෙනෙන සිදුවීමකි.

ඇල්කසබා, රොස්වල්ඞ්, සිල්වර් ස්ටී්‍රක් (හිමිකරු - දීප්තිකා ජයකොඩි), මෙහෙරාන් (හිමිකරු -ගාමිණී ජයරත්න), චුල්බුල් පාණ්ඬේ (හිමිකරු - අනුර දෙල්ගොඩ), ඇට්ලාන්ටස් (හිමිකරු - හසංග ජයරත්න) සහ චාර්ලිමේන් (හිමිකරු - ජේම්ස් මැතිව්) එම තරගයේදී තරග වැදීමට නියමිත අශ්වයෝ වෙති.

ඒ අතුරන් දීප්තිකා ජයකොඩි මෙනවියගේ ඇල්කසබා, හසංග ජයරත්න මහතාගේ ඇට්ලාන්ටස් සහ ජේම්ස් මැතිව් මහතාගේ චාර්ලිමේන් යන අශ්වයන් තිදෙනා අතර ‘සෙල්වරත්නම් අභියෝග කුසලාන’ දිනාගැනීම සඳහා ඉතා තියුණු තරගයක් බලාපොරොත්තු විය හැකිය.

තවද මෙවර තරගාවලිය අතුරතුර විවිධ ආබාධ වලට ලක්වන අශ්වයන්ට ප්‍රතිකාර කිරීම නව ගිලන් රථ සේවාවක් ආරම්භ කිරීමටද, නුවර එළිය නගරය පුරා සිටින පෝනියන්ගේ සුබසාධනය උදෙසා අරමුදලක් පිහිටුවීමටද තුරඟ තරග සමාජය සූදානමින් සිටියි.

මෙම තරග මාලාවේ පළමු තරගාවලිය (නිදහස් දින තුරඟ තරගාවලිය) පෙබරවාරි මස 25 වෙනිදා නිමාවට පත් වූ අතර මේ මාසයේදී පැවැත්වෙන ඉතිරි තරගාවලි දෙක 16 සහ 29 යන දින වලදී පැවැත්වීමට නියමිතය. ඉන් 16 වැනිදා පැවැත්වීමට නියමිත තරගාවලිය ‘මැජික් මිලියන් කුසාලාන’ තරගාවලිය ලෙසත්, 29 වැනිදා පැවැත්වීමට නියමිත තරගාවලිය ‘ආණ්ඩුකාර කුසලාන’ තරගාවලිය ලෙසත් නම් කර තිබේ.

තුරඟ තරග සමාජය වෙනුවෙන් මෙම තරග මාලාවේ සංවිධාන කටයුතු මෙහෙයවනු ලබන්නේ ලොව පුරා තුරඟ තරග පිටි 163 ක සේවය කර ඇති ප්‍රවීණයකු වන වේන් වුඞ් මහතා විසිනි. ඔහු කොළඹ රාජකීය තුරඟ තරග සමාජයේ ප්‍රධාන විධායක නිලධාරී ලෙසද කටයුතු කරන අතර පණ්ඩුක කීර්තිනන්ද මහතා එම සමාජයේ සභාපතිවරයා ලෙස කටයුතු කරයි.


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
කෝලි තවත් වාර්තාවක් අභියස...
2017-09-23 20:27:41
සංචාරක ඕස්ට්‍රේලියානු කණ්ඩායමට එරෙහිව හෙට (24 වැනිදා) පැවැත්වීමට නියමිත තරගයේදී තවත් වාර්තාවක් සම කිරීමට ඉන්දීය කණ්ඩායම් නායක විරාට් ක...
සංගක්කාරගේ සරේ සංදර්ශනය සමාප්තයි...
2017-09-23 18:44:15
සිය වසර 20 ක පළමු පෙළ ක්‍රිකට් දිවියේ අවසන් තරගයේදීත් ශතයක් ලබාගත් 39 හැවිරිදි කුමාර් සංගක්කාර, පළමු පෙළ ක්‍රිකට් පිටියට සමුදුන්නේ...
ක්‍රිකට් ක්‍රීඩකයෝ පරීක්‍ෂණයක් ඉල්ලති...
පරීක්ෂණයක් තියනවා නම් ඒක සී.අයි.ඩී. එකට දෙන්න ඕනෑ. ඒ වගේම හැම ක්‍රීඩකයෙක්ගේම වත්කම් විගණනය කරන්නත් ඕනෑ. ක්‍රිකට් ආයතනයෙන් පරීක්ෂණයක් තියනවා කියන්නේ ...
මැතිව්ස්ට පළමු ටෙස්ට් තරගය අහිමි වෙයි...
ලෙඩ්ඩු නැති ටීම් එකක් හදාගන්න බැරිද? වෙන කවුරු හරි දාලා... මේක කරන්න. එයා සනීප වෙනකම් වත්. අනික මෙයා මැච් එකකට කලින් දවසේ ලෙඩ වෙනවා. ලෙඩ ගුහාවක්නේ... ...
උපුල් තරංග ...
ඔව්, අපිට අපේ ක්‍රිකට් ආපහු ඕනේ... අපි අයට උදව් කරනවා. අතීතය අමතක කරලා සැබෑ සිංහයන් ලෙසින් වැඩ පෙන්වන්න. ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...