. ශ්‍රී ලංකා - හොං කොං තරගය හෙට | කෙළිමඬල
2018 ජූනි මස 24 වැනි ඉරිදා
ශ්‍රී ලංකා - හොං කොං තරගය හෙට
2017-03-31 22:19:09 | නාමල් පතිරගේ

මියන්මාරයේ තායි-ෆෙයි-තාව් හිදී රටවල් 12ක සහභාගීත්වයෙන් පැවැත්වෙන ආසියානු වයස 19න් පහළ යොවුන් වොලිබෝල් තරගාවලියේදී ශ්‍රී ලංකාව හෙට (1) හොං කොං රාජ්‍යයට එරෙහිව ශ්‍රේණිගත කිරීමේ තරග වටයට සහභාගි වීමට නියමිතය.

මූලික වටයේ දෙවැනි තරගයට ඊයේ (30) සහභාගිවූ ශ්‍රී ලංකාව එහිදී ජපානය හමුවේ වට 3-0 ක පරාජයක් ලැබීමත් සමග අර්ධ අවසන් වටයට පිවිසීමේ ඔවුන්ගේ අපේක්ෂා බිඳ වැටුණි. ඒ වට 3-0ක් (ලකුණු 25/14, 25/21, 25/17ක්) ලෙස පරාජයට පත්වෙමිනි.

ශ්‍රී ලංකාව මූලික වටයේ සහභාගි වූ පළමු තරගයෙන් ද වට 3-0 ක පරාජයක් ලැබුවේ සත්කාරක මියන්මාරයට එරෙහිව තරග වදිමිනි.

ශ්‍රේණිගත කිරීමේ තරග වටයට අද සිට තරග වදින ශ්‍රී ලංකාව, බංගලාදේශය හා හොංකොං රාජ්‍යය අතර තරගයේ ජයග්‍රාහකයා සමග 3 වැනිදා ශ්‍රේණිගත කිරීමේ තවත් තරගයකට සහභාගී වේ.

කෙසේ වුවත් ශ්‍රී ලංකාව අද තරගයෙන් ජය ලබා අනිද්දා පැවැත්වෙන තරගයද ජය ගතහොත් ඔවුන් තරගාවලියේ නවවැනි ස්ථානය ලැබීමේ අවස්ථාව හිමිවේ. එම තරග දෙකම පරාජයට පත්වුවහොත් ශ්‍රී ලංකාවට තරගාවලියේ අවසන් (12 වැනි) ස්ථානයට පත්වීමට සිදුවනු ඇත.

තරගාවලියේ අවසන් පූර්ව තරග ලබන අඟහරුවාදා (4) පැවැත්වෙන අතර අවසන් මහා තරගය පැවැත්වීමට නියමිතව ඇත්තේ ලබන බදාදා (5) ය. සංචාරක ශ්‍රී ලංකා කණ්ඩායම ලබන අඟහරුවාදා තරග සංචාරය නිමවා දිවයිනට පැමිණීමට නියමිතය.

මෙම තරග සංචාරය සඳහා ශ්‍රී ලංකා වොලිබෝල් සම්මේලනය ක්‍රීඩා අමාත්‍යංශයේ ද සහයෝගයෙන් රුපියල් මිලියන හයකට ආසන්න මුදලක් වැය කළේය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
ශ්‍රී ලංකා කණ්ඩායම දුර්වල අඩියක...
2018-06-22 14:46:32
පන්දුවේ ස්භාවය වෙනස් කිරීමට උත්සාහ ගත්තේ යැයි චෝදනා ලැබ තරග තහනමකට ලක්ව සිටින ශ්‍රී ලංකා කණ්ඩායමේ නායක දිනේෂ් චන්දිමාල් බාර්බඩෝස් හිදී...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...