. ටී-කප් පාපැදි සවාරියට විදෙස් කණ්ඩායම් 7 ක් | කෙළිමඬල
2018 ජූනි මස 24 වැනි ඉරිදා
ටී-කප් පාපැදි සවාරියට විදෙස් කණ්ඩායම් 7 ක්
2017-04-02 15:42:27 | ශානුක අරවින්ද

ලංකා ස්පෝට්රයිසන් ප්‍රවාහන නියෝජිත ආයතනය පළමු වරට සංවිධානය කරන ‘ටී-කප්’ පාපැදි සවාරිය සඳහා මේ වන විට විදෙස් කණ්ඩායම් 7 ක් සහ දේශීය කණ්ඩායම් 7 ක් ලියාපදිංචි වී ඇති බව වාර්තා වේ. අප්‍රේල් මස 7, 8 සහ 9 යන දින වලදී දිවයිනේ නැගෙනහිර වෙරළ තීරයේ (පාසිකුඩා) සිට බස්නාහිර වෙරළ තීරය (මීගමුව) දක්වා දක්වා මෙම තරගය පැවැත්වේ.

බංග්ලාදේශය, නෙදර්ලන්තය, කෙන්යාව, මැලේසියාව, පාකිස්තානය, පිලිපීනය සහ සිංගප්පූරුව යන රටවල් නියෝජය කරමින් එම විදෙස් කණ්ඩායම් 7 තරගාවලියට සහභාගි වීමට නියමිතය.

තරගාවලියට සහභාගි වන දේශිය කණ්ඩායම් 7 වන්නේ යුද හමුදාව, නාවික හමුදාව, ගුවන් හමුදාව, පොලිසිය, වරාය අධිකාරිය, දෙහිවල - ගල්කිස්ස මහ නරග සභාව සහ ටෙලිකොම් සමාගමයි.

අදියර තුනකින් සමන්විත වන මෙම පාපැදි සවාරියේ පළමු අදියර අප්‍රේල් මස 7 වැනිදා ආරම්භ වන අතර එහිදී තරගකරුවන්ට පාසිකුඩා සිට වැලිකන්ද, දිඹුලාගල, පල්ලේගම, දෙහිඅත්තකණ්ඩිය සහ ගිරාදුරුකොට්ටේ හරහා මහියංගනයට පැමිණීමට සිදුවේ. එම අදියරේ මුලු දුර කිලෝ මීටර් 140 කි.

දෙවැනි අදියර අප්‍රේල් මස 8 වැනිදා මහියංගනයෙන් ආරම්භ වන අතර එහිදී තරගකරුවන් හසලක, උඩුදුම්බර, හුන්නස්ගිරිය, රඹුක්වැල්ල, ඔරුතොට, කිරිමැටිය සහ මහයියාව පසුකරමින් මහනුවර දක්වා කිලෝ මීටර් 80 ක දුරක් ගමන් කළ යුතුය.

අප්‍රේල් මස 9 වැනිදා මහනුවරින් ආරම්භ වන තෙවැනි අදියරේදී තරගකරුවන්ට කිලෝ මීටර් 120 ක දුරක් ගමන් කිරීමට සිදුවන අතර කටුගස්තොට, ගලගෙදර, මාවතගම, කුරුණෑගල, නාරම්මල, ගිරිඋල්ල, පන්නල සහ දංකොටුව හරහා මීගමුවට පැමිණිමෙන් එම අදියර අවසන් වේ.

තරගයට සහභාගි වන තරගකරුවන් ලියාපදිංචි කිරීම අප්‍රේල් මස 5 වැනිදා මීගමුව කැටමරන්ස් හෝටලයේදී පැවැත්වෙන අතර 6 වැනිදා එම තරගකරුවන් සියලු දෙනා තරග ආරම්භය සඳහා මීගමුවේ සිට පාසිකුඩා දක්වා රැගෙන යනු ලැබේ.

තරගයේ පළමු ස්ථානය දිනා ගන්නා ක්‍රීඩකයාගේ සිට 20 වැනි ස්ථානය හිමිකර ගන්නා ක්‍රීඩකයා දක්වා මුදල් ත්‍යාග පිරිනැමෙන අතර ඒ සඳහා වෙන්කර ඇති මුලු මුදල රුපියල් මිලියන 3 කට ආසන්න වන බව සංවිධායකයෝ පවසති.

ක්‍රීඩා අමාත්‍යංශයේ සහ ශ්‍රී ලංකා පාපැදි සම්මේලනයේ අධීක්ෂණය යටතේ මෙම තරගය පැවැත්වෙන අතර ඊට සහභාගි වන සියලුම තරගකරුවන්ට නවාතැන් සහ ප්‍රවාහන පහසුකම් සැපයීමට ලංකා ස්පෝට්රයිසන් ප්‍රවාහන නියෝජිත ආයතනය සූදානමින් සිටියි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
ශ්‍රී ලංකා කණ්ඩායම දුර්වල අඩියක...
2018-06-22 14:46:32
පන්දුවේ ස්භාවය වෙනස් කිරීමට උත්සාහ ගත්තේ යැයි චෝදනා ලැබ තරග තහනමකට ලක්ව සිටින ශ්‍රී ලංකා කණ්ඩායමේ නායක දිනේෂ් චන්දිමාල් බාර්බඩෝස් හිදී...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...