. පාපන්දු මුල් පුටුවට හිටපු සභාපතිවරු පොර | කෙළිමඬල
2017 සැප්තැම්බර් මස 23 වැනි සෙනසුරාදා
පාපන්දු මුල් පුටුවට හිටපු සභාපතිවරු පොර
2017-04-12 13:45:38 | නාමල් පතිරගේ

එළඹෙන ජූලි 1 වැනිදා පැවැත්වීමට නියමිත ශ්‍රී ලංකා පාපන්දු සම්මේලනයේ නිලවරණයට හිටපු සභාපතිවරුන් රැසක් ඉදිරිපත්වීමට සූදානමින් සිටින බව පාපන්දු ක්‍රීඩා ක්ෂේත්‍රයේ ආරංචි මාර්ග සඳහන් කරයි. මෙම නිලවරණයේදී පත්වන සභාපතිවරයා වසර 2019 දක්වා සභාපති තනතුරේ රැඳී සිටිනු ඇත. ඔවුන් වැඩි දෙනකු එහිදී උප සභාපති ධුර සඳහා ඉදිරිපත් වන බව දැනගන්නට  ලැබෙන අතර, හිටපු සභාපතිවරුන් වන හර්ලි සිල්වේරා හා ගාමිණී රන්දෙණි යන මහත්වරු මෙවර නිලවරණයේදී උප සභාපති ධුර සඳහා නාමයෝජනා බාරදීමට දැනටමත් තීරණය කර ඇතැයි වාර්තා වේ.

පාපන්දු සම්මේලනයේ හිටපු සභාපති මෙන්ම එහි වත්මන් මූල්‍ය කමිටුවේ සභාපති රංජිත් රුද්‍රිගු මහතා මෙවර නිලවරණයේදී නැවත සභාපති ධුරයට නාමයෝජනා බාර දෙන බව ප්‍රකාශ කර තිබේ. පාපන්දු සම්මේලනයේ වත්මන් සභාපති අනුර ද සිල්වා මහතා හා එහි වත්මන් ලේකම් බාලෙන්ද්‍ර ඇන්තනි මහතා ද මෙවර නිලවරණයට තරග වදින බව ප්‍රකාශ කර තිබේ.

පාපන්දු විධායක සභික, නියෝජ්‍ය පොලිස්පති පත්මසිරි මුණසිංහ මහතා මෙවර නිලවරණයේදී සභාපති ධුරයට ඉදිරිපත් කිරීමට හිටපු නිලධාරීන්ගෙන් සමන්විත ප්‍රබල පාර්ශ්වයක් ගනු ලබන බව කියන උත්සාහය සම්බන්ධයෙන් මෙතෙක් අවසන් තීරණයකට පැමිිණ නැති බවද වාර්තා වේ.

මේ අතර පාපන්දු සම්මේලනයේ 2016 වාර්ෂික මහ සභා රැස්වීම මෙම 22 වැනිදා පැවැත්වීමට නියමිතය. ඒ සඳහා පාපන්දු ලීග 67 කින් නියෝජිතයෝ සහභාගි වෙති. එහිදී මඩුමන්තෙයි - බටහිර, ශ්‍රී ලංකා විශ්වවිද්‍යාල, කුච්චවේලි හා ඔඞ්ඩමාවඩි යන නව ලීග සඳහා අනුමැතිය ලබාදීමටත්, ක්‍රීඩා ඇමැතිවරයා ගැසට් නිවේදන මගින් නිකුත් කළ නව ක්‍රීඩා රෙගුලාසි පිළිබඳව මහ සභාව දැනුවත් කිරීමත් එහි න්‍යාය පත්‍රයට ඇතුළත්ව තිබේ.

මේ වන විටත් පාපන්දු සම්මේලනයේ 2016 වසර සම්බන්ධයෙන් විගණනය කරන ලද අයවැය වාර්තාව නිකුත් වී නොමැත. එසේ වුවත් නිලවරණය පැවැත්වීම යටතේ ක්‍රීඩා පනතේ නව රෙගුලාසි 6-ඒ අංක ඞඪෂෂ යටතේ මෙසේ අර්ථගන්වා තිබේ.

“නාමිකයන්ගේ නම්  ලැයිස්තුව සමග වාර්ෂික මහ සභා රැස්වීමට පැමිණ ඡනදය ප්‍රකාශ කිරීමේ හිමිකම් ඇති සාමාජිකයන්ගේ ලැයිස්තුව ද කලින් මුදල් වර්ෂයේ විගණන මූල්‍ය ප්‍රකාශයේ සහතික කරන ලද පිටපතක් ද ඇතුළත් දැනුම්දීමක් වාර්ෂික මහ සභා රැස්වීමට අවම වශයෙන් දින 40 කට පෙර එහි අනුබද්ධ ආයතනවලට ඉදිරිපත් කිරීම” මැයෙන් එහි දැක්වේ. ඒ අනුව 2016 විගණන වාර්තාව නියමිත පරිදි ජූලි 1 වැනිදා නිලවරණයට පෙර  ඉදිරිපත් කිරීමට පාපන්දු සම්මේලනය අපොහොසත් වුවහොත් එදිනට නිලවරණය පැවැත්වීම අහෝසි කර දැමීමට සිදු වනු ඇතැයි ඒ පිළිබඳව ‘ලංකාදීප’යට අදහස් දැක්වූ පාපන්දු ලිග නියෝජිතවරු පිරිසක් පැවසූහ.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
හර්දික් පාණ්ඩ්‍යා ඉන්දියාවට ජය ගෙනෙයි...
2017-09-17 18:40:28
හර්දික් පාණ්ඩ්‍යා (83) සහ මහේන්ද්‍ර සිං දෝනි (79) එක්ව හයවැනි කඩුල්ල සදහා පැවැත්වූ ලකුණු 118 ක සම්බන්ධතාවය හේතුවෙන් චෙන්නායිහිදී අ...
ක්‍රිකට් ක්‍රීඩකයෝ පරීක්‍ෂණයක් ඉල්ලති...
පරීක්ෂණයක් තියනවා නම් ඒක සී.අයි.ඩී. එකට දෙන්න ඕනෑ. ඒ වගේම හැම ක්‍රීඩකයෙක්ගේම වත්කම් විගණනය කරන්නත් ඕනෑ. ක්‍රිකට් ආයතනයෙන් පරීක්ෂණයක් තියනවා කියන්නේ ...
මැතිව්ස්ට පළමු ටෙස්ට් තරගය අහිමි වෙයි...
ලෙඩ්ඩු නැති ටීම් එකක් හදාගන්න බැරිද? වෙන කවුරු හරි දාලා... මේක කරන්න. එයා සනීප වෙනකම් වත්. අනික මෙයා මැච් එකකට කලින් දවසේ ලෙඩ වෙනවා. ලෙඩ ගුහාවක්නේ... ...
උපුල් තරංග ...
ඔව්, අපිට අපේ ක්‍රිකට් ආපහු ඕනේ... අපි අයට උදව් කරනවා. අතීතය අමතක කරලා සැබෑ සිංහයන් ලෙසින් වැඩ පෙන්වන්න. ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...