. ළාබාල ඒරන්ගෙන් ලොකු හපන්කමක් | කෙළිමඬල
2018 ජූනි මස 23 වැනි සෙනසුරාදා
ළාබාල ඒරන්ගෙන් ලොකු හපන්කමක්
2017-04-18 20:25:01 | ශානුක අරවින්ද

තායිලන්තයේ බුරිරැම් ජාත්‍යන්තර ධාවන පථයේදී පැවැති ආසියානු මාර්ග ධාවන යතුරුපැදි ශූරතාවලියේ දෙවැනි අදියරේ අනු ශූරතාව හිමිකර ගැනීමට ශ්‍රී ලංකාවේ ඒරන් ගුණවර්ධන සමත් විය.

සුසුකි ජී. එක්ස්. එස්. ආර්. (2017) වර්ගයේ යතුරුපැදියක් භාවිතා කරමින් තරගයට සහභාගි වූ ඒරන්, වට 7 කින් සමන්විත වූ තරගය විනාඩි 16 යි, තත්ත්පර 07 කින් (16:07.214) නිමා කරමින් එහිදී දෙවැනි ස්ථානයට හිමිකම් කීවේය.

තවමත් 13 වැනි වියේ පසුවන ඒරන්, මේ දක්වා ආසියානු මාර්ග ධාවන යතුරුපැදි ශූරතාවලියේදී ලබා ඇති ඉහළම ජයග්‍රහණය මෙය වන අතර මෙම ජයග්‍රහණයත් සමගින් එවන් දස්කමක් දැක්වූ ළාබාලතම ශ්‍රී ලංකා ක්‍රීඩකයා බවට පත්වීමටද ඔහු සමත් විය.

තරගාවලියට සහභාගි වූ ඒරන් සහ ඔහුගේ සහායක කණ්ඩායම ඊයේ (18 වැනිදා) අළුයම දිවයිනට ලගා වූ අතර එහිදී ඔහු පිළිගැනීම සඳහා ක්‍රීඩා අමාත්‍යංශයේ සහ යතුරුපැදි සම්මේලනයේ නිලධාරීන් පිරිසක් ගුවන්තොටුපොළට පැමිණ සිටියහ. ඒ අතර මොටර් රථ ධාවන ශූර ඩිලන්ත මාලගමුව සහ මොටෝ ක්‍රොස් යතුරුපැදි ශූර ගයාන් සඳරුවන්ද වූහ.

දෙවැනි අදියරේ ප්‍රථම ස්ථානය දිනාගැනීමට විනාඩි 16 යි, තත්ත්පර 06 කින් (16:06.086) තරගය නිමා කළ ජපානයේ ටෙට්සුයා ෆුජිටා සමත් විය. විනාඩි 16 යි, තත්ත්පර 08 කින් (16:08.969) තරගය නිමා කළ ඉන්දුනීසියාවේ අහමඞ් සවුගි මුච්තාර් එහි තෙවැනි ස්ථානයට පත් විය.

ශ්‍රී ලංකාව, ජපානය, තායිලන්තය, ඉන්දුනීසියාව, පිලිපීනය, නේපාලය, ඉන්දියාව, ඕස්ටේ්‍රලියාව සහ මැලේසියාව යන රටවල් නියෝජනය කරමින් මෙම තරගාවලිය සඳහා ක්‍රීඩකයෝ 16 දෙනෙක් සහභාගි වූහ.

අදියර 6 කින් සමන්විත වන මෙම ශූරතාවලියේ තෙවැනි අදියර ජූලි මස 3 වැනිදා සහ 4 වැනිදා ජපානයේදී පැවැත්වීමට නියමිතය.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...