. අෂ්විතා ද්විත්ව ශූරතා දිනයි | කෙළිමඬල
2018 මැයි මස 24 වැනි බ‍්‍රහස්පතින්දා
අෂ්විතා ද්විත්ව ශූරතා දිනයි
2017-04-18 20:56:41 | ශානුක අරවින්ද

බී. ජී. ආර්. එස්. කාර්ටින් මෝටර් රථ ශූරතාවලියේ පළමු අදියරේදී ද්විත්ව ජයග්‍රහණයක් අත්කර ගැනීමට අෂ්විතා වික්‍රම සමත් වූවාය. කාන්තා විවෘත කාණ්ඩයේ ශූරතාව දිනාගත් අෂ්විතා, ඉන් නොනැවතී ජ්‍යෙෂ්ඨ ‘ඩී’ කාණ්ඩයේ ශූරතාවද දිනාගනිමින් එම ද්විත්ව ජයග්‍රහණයට හිමිකම් කීවාය.

මේරීස් නවරත්න දෙවැනි ස්ථානයටත්, සහන්දී මීගම තෙවැනි ස්ථානයටත් ඇද දමමින් කාන්තා විවෘත කාණ්ඩයේ ශූරතාව දිනාගත් අෂ්විතා වික්‍රම, ජ්‍යෙෂ්ඨ ‘ඩී’ කාණ්ඩයේ ශූරතාව දිනාගත්තේ සයුරික ලිවිඳු (දෙවැනියා) සහ විනුෂ සංජුල (තෙවැනියා) පරාජය කරමිනි.

බණ්ඩාරගම ගෝ කාර්ට් ක්‍රීඩා සමාජය සංවිධානය කළ මෙම තරගාවලිය ඉකුත්දා බණ්ඩාරගම කාර්ටින් ධාවන පථයේදී පැවැත්විණ. එහිදී ආධුනික තරගකරුවන් සඳහා ‘ඒ’, ‘බී’ සහ ‘ඩී’ යන කාණ්ඩ යටතේද, ජ්‍යෙෂ්ඨ තරගකරුවන් සඳහා ‘ඩී’, ‘ඊ’ සහ ‘එෆ්’ යන කාණ්ඩ යටතේද තරග පැවැත්විණ.

ආධුනික ‘ඒ’ කාණ්ඩයේ ජය තමන් සතුකර ගැනීමට අනිෂ් රයන් රණසිංහ සමත් වෙද්දී එම කාණ්ඩයේ දෙවැනි සහ තෙවැනි ස්ථාන පිළිවෙළින් අවිෂ්ක ප්‍රේමදාසට සහ ලිනාල් ගුණතිලකට හිමිවිය.  

තියුණු තරගයකින් අනතුරුව ආධුනික ‘බී’ කාණ්ඩයේ ශූරතාව දිනාගැනීමට හරේන්ද්‍ර කරුණාරත්න සමත් වූයේ ලවන් කොදාගොඩ සහ අසංක රත්නප්‍රිය පසුපසට ඇද දමමිනි. ආධුනික ‘සී’ කාණ්ඩයේ ජය චරිත් ද අල්විස් සතු වෙද්දී ලලිත් කුලතුංග සහ කනිෂ්ක රඹුක්වැල්ල පිළිවෙලින් එහි දෙවැනි සහ තෙවැනි ස්ථාන වලට පත් වූහ.

ජ්‍යෙෂ්ඨ ‘ඊ’ කාණ්ඩය ජය ගන්නා ලද්දේ ශ්‍යාමාල් මෙන්ඩිස් විසිනි. එහි දෙවැනි ස්ථානය ඇන්ජලෝ සේනාරත්නටත්, තෙවැනි ස්ථානය අනුරාධ ගුණසේකරටත් හිමි විය. ජ්‍යෙෂ්ඨ ‘එෆ්’ කාණ්ඩයේ ජයග්‍රහණය සියතට ගැනීමට රංජන දිසානායක සමත් වූ අතර භාග්‍ය සේනාරත්න සහ රයන් ඩි’බෘයින් එහි දෙවැනි හා තෙවැනි ස්ථාන හිමිකර ගත්හ.

තරග ප්‍රතිඵල

ආධුනික ‘ඒ’ කාණ්ඩය
1 රයන් රණසිංහ
2 අවිෂ්ක ප්‍රේමදාස
3 ලිනාල් ගුණතිලක

ආධුනික ‘බී’ කාණ්ඩය
1 හරේන්ද්‍ර කරුණාරත්න
2 ලවන් කෝදාගොඩ
3 අසංක රත්නප්‍රිය

ආධුනික ‘සී’ කාණ්ඩය
1 චරිත් ද අල්විස්
2 ලසිත් කුලතුංග
3 කනිෂ්ක රඹුක්වැල්ල

ජ්‍යෙෂ්ඨ ‘ඩී’ කාණ්ඩය
1 අෂ්විතා වික්‍රම
2 සයුරික ලිවිඳු
3 විනුෂ සංජුල

ජ්‍යෙෂ්ඨ ‘ඊ’ කාණ්ඩය
1 ශ්‍යාමාල් මෙන්ඩිස්
2 ඇන්ජලෝ සෙනෙවිරත්න
3 අනුරාධ ගුණසේකර

ජ්‍යෙෂ්ඨ ‘එෆ්’ කාණ්ඩය
1 රංජන දිසානායක
2 භාග්‍ය සේනාරත්න
3 රයන් ඩි’බෘයින්

කාන්තා විවෘත කාණ්ඩය
1. අෂ්විතා වික්‍රම
2. මේරීස් නවරත්න
3. සහන්දී මීගම

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...
චෙන්නායි පිල අවසන් තරගයට...
2018-05-22 18:53:38
හුදකලා සටනක නිරතවූ ෆැෆ් ඩු ප්ලේසීස්ගේ විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ අවසන් මහ තරගය සඳහා සුදුසුකම් ලබාගැනීමට චෙන්...