. වයස 18 න් පහළ රග්බි තේරීම් හෙට | කෙළිමඬල
2018 පෙබරවාරි මස 21 වැනි බදාදා
වයස 18 න් පහළ රග්බි තේරීම් හෙට
2017-04-19 18:05:04 | යොහාන් භාසුර

බාහමාස්හිදී ලබන ජූලි මස 16 වැනිදා ආරම්භ වන පොදු රාජ්‍ය මණ්ඩල යොවුන් ක්‍රීඩා උළෙලට සහභාගි වන ශ්‍රී ලංකා වයස 18 න් පහළ රග්බි සංචිතය තේරා ගැනීමේ පළමු තේරීම් පරීක්‍ෂණය කොළඹ පැරණි තුරඟ තරග පිටියේදී හෙට (20) පෙරවරු 8.00 ට ආරම්භ වීමට නියමිතය.

මෙම තේරීම් පරීක්‍ෂණයට 1999 සහ 2000 වසරවල උපන් ක්‍රීඩකයන්ට සහභාගි විය හැකිය.

තේරීම් පරීජෂණය අද පැවැත්වුණ ද 30 දෙනකුගෙන් යුත් සංචිතයක් මේ මස අවසන් වීමට පෙර ජාතික ඔලිම්පික් කමිටුවට යොමු කළ යුතුව තිබේ.

පාසල් රග්බි සංගමයේ පරිපාලනයේ පසුගිය කාලයේ පැවැති ව්‍යාකූල තත්ත්වය හේතුවෙන් මෙම සංචිතයේ තේරීමේ කටයුතු මඟ හැර ඇති බවට මේ වන විට චෝදනා එල්ල වී තිබේ.

පාසල් රග්බි සංගමයේ නිලධාරියකුගෙන් මේ පිළිබඳව කළ විමසුමකදී පැවසුවේ වියදම් පිළිබඳව ශ්‍රී ලංකා රග්බි සංගමය සමඟ ඇති වූ ගැටලුවක් හේතුවෙන් සංචිතයේ පුහුණුවීම් ආරම්භ කිරීම ප්‍රමාද වූ බවයි.

“මුලික වියදම් අපි දරන්න මේ වන විට එකඟ වෙලා තියෙනවා. ජාතික සංගමය සෙසු වියදම් දරයි” යැයි එම නිලධාරියා වැඩි දුරටත් පැවසීය.

ශ්‍රී ලංකා රග්බි සංගමයේ නිලධාරියකු පැවසුවේ පාසල් සංගමය අනුග්‍රහකයා සොයා ගන්නා විට සංචාර සඳහා ද මුදල් ලබාදෙන බව පැවසූ බවයි.

“අපි මීට මාස කීපයකට පෙර මෙම සංචිතය සඳහා වැය වන මුදල් පිළිබඳව පාසල් සංගමය දැනුවත් කළා. නමුත් ඔවුන් කිසිම දෙයක් කළේ නෑ. දැන් තමයි මතක් වෙලා තියෙන්නේ” යැයි ජාතික සංගමයේ නිලධාරියා වැඩි දුරටත් පැවසීය.

පාසල් සංගමය අද පස්වරුව වන විටත් පාසල් නිලධාරීන්ට දුරකථනය ඔස්සේ මෙම තේරීම් පරීක්‍ෂණයට ක්‍රීඩකයන් සහභාගි කරවන ලෙස දැනුම් දෙමින් සිටි බව වාර්තා වේ.   

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අවදානමෙන් ගැලවෙන්න ශ්‍රී ලංකාව ජය සොයයි ...
2018-02-14 18:39:38
බංග්ලාදේශය, පාකිස්තානය සහ ඉන්දියාව හමුවේ පිට පිටම ලද විස්සයි20 තරග 8 ක පරාජයන් පසෙකලා, මාසයකට ආසන්න කාලයක් තුළ බංග්ලදේශයේදී ලැබූ සාර්ථකත්ව...
පිතිකරුවෝ ශ්‍රී ලංකාව දිනවති...
2018-02-15 16:44:38
ශ්‍රී ලංකාව සහ බංග්ලාදේශය අතර ඩකාහි ශ්‍රේ බංග්ලා ක්‍රීඩාංගණයේදී අද (15 වැනිදා) පැවැති පළමු විස්සයි20 ක්‍රිකට් තරගයෙන් කඩුල...
ශ්‍රී ලංකාවට සටනකින් තොර ජයක්...
2018-02-18 16:52:41
බංග්ලාදේශ ක්‍රීඩකයින්ගෙන් සටන්කාමී ක්‍රීඩා විලාශයක් දක්නට නොලැබීම හේතුවෙන් ශිලාත්හිදි අද (18 වැනිදා) පැවැති දෙවැනි සහ අවසන් විස්සය...
විස්සයි-20 අන්තර්ජාතික තරග එපා...
2018-02-19 21:22:04
ක්‍රිකට් ක්‍රීඩාවේ ඉදිරියෙන් සිටින ක්‍රීඩකයන්ගේත් පුහුණුකරුවන්ගේත් පීඩනය අඩුකිරීම සඳහා විස්සයි-20 තරග දින දර්ශනයෙන් කපා හැරිය ...