. සෙරීනා ගැන නස්ටාසේගේ කතාව පාරා වළල්ලක් වෙයි | කෙළිමඬල
2018 මැයි මස 27 වැනි ඉරිදා
සෙරීනා ගැන නස්ටාසේගේ කතාව පාරා වළල්ලක් වෙයි
2017-04-22 20:49:26 | .

තවත් මාස කිහිපයකින් මව් පදවිය ලැබීමට නියමිත කාන්තා ටෙනිස් පිටියේ සුපිරි ක්‍රීඩිකා සෙරීනා විලියම්ස් පරිභාවට ලක් වන ප්‍රකාශයක් කළ රුමේනියාවේ ටෙනිස් පිලේ නායක, ලිලී නස්ටාසේට එරෙහිව පරීක්ෂණයක් පැවැත්වීමට අන්තර්ජාතික ටෙනිස් සම්මේලනය පියවර ගෙන තිබේ. රුමේනියාවේ ෆෙඩරේෂන් කුසලාන කණ්ඩායමේ නායකයාද වන ලිලී නස්ටාසේ ලෝක ටෙනිස් පිටියේ හිටපු අංක එකේ ක්‍රීඩකයකු මෙන්ම ග්‍රෑන්ඞ් ස්ලෑම් ටෙනිස් ශූරයකුද වෙයි.

කොන්ස්ටන්ටා හීදී පැවැති ෆෙඩරේෂන් කුසලාන ටෙනිස් තරගාවලියේ තරග වදින කණ්ඩායම් ලැයිස්තුගත කිරීමේ අවස්ථාවේදී රුමේනියානු පිලේ සිමෝනා හැලෙප් විසින් සෙරීනා විලියම්ස්  ගැබ් ගැනීම ගැන ඉංග්‍රීසි බසින් ඇසූ පැනයකට පිළිතුරු දෙමින් නස්ටාසේ කියා ඇත්තේ දෙපිට කැපෙන කතාවක

“අපි බලමු ලැබෙන බබා මොන පාටද කියලා..චොකලට් පාටද...කිරි පාටද...කියලා.” යයි නස්ටාසේ කියා තිබේ.
කිසිදු තැනැත්තකු පරිභාවට ලක්වන අන්දමේ ප්‍රකාශ කිරීමට හෝ එවැනි හැසිරීමකට තම සම්මේලනය අවසර නොදෙන බැවින් මේ ප්‍රකාශය පිළිබඳ වහාම පරීක්ෂණක් පැවැත්වීමට අන්තර්ජාතික ටෙනිස් සම්ටෙම්ලනය තීරණය කළ බැව් එම සම්මේලනයේ ප්‍රකාශකයෙක් පැවසීය.

සෙරීනාගේ පෙම්වතා සුදු ජාතිකයකු වීම අරභයා නස්ටාසේ විසින් කරනු ලැබූ මේ ප්‍රකාශය ඒ මොහොතේ එතැන සිටි මාධ්‍යවේදීන් සැලකිල්ලට නොගෙන බැහැර කර ඇත්තේ එය සරදමට කළ ප්‍රකාශයක් ලෙස සිතා බලමිනි.

මාසයක් ඇතුළත නස්ටාසේ විසින් සෙරීනා අරභයා ආන්දෝලනාත්මක ප්‍රකාශයක් කළ දෙවැනි අවස්ථාව මෙයවේ. මීට පෙර පසුගිය මාර්තුවේදී ඔහු රුමේනියානු වෙබ් අඩවියකට කියා සිටියේ සෙරීනා විලියම්ස්ට තහනම් උත්තේජනය භාවිතාව පිළිබඳ අපකීර්තිමත් ඉතිහාසයක් ඇති බවය. එහෙත් එය අසත්‍ය චෝදනාවක් බව පසුව තහවුරු විය.


- 077

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
පැරණි ක්‍රීඩකයන්ගෙන් අලුත් සූදානමක්...
2018-05-23 11:43:56
ශ්‍රී ලංකා ක්‍රිකට් ක්‍රීඩාව නිසි මඟකට ගෙනඒම සඳහා ශ්‍රී ලංකා කණ්ඩායම නියෝජනය කළ ක්‍රීඩකයන්ගෙන් 80% කට වැඩි පිරිසක් ඒකර...
මාරියා ෂරපෝවා ...
2018-05-22 18:36:12
“ටෙනිස් කියන්නේ එහෙම පිටින්ම ආත්මාර්ථකාමී ක්‍රීඩාවක්. ඒත් තමන්ගේ ජිවිතයට දරු සම්පතක් ලැබිම වගේ සංවේදි මානුෂික සිදුවීමක් නිසා මේ අවස්ථාව ඇ...
චෙන්නායි පිල අවසන් තරගයට...
2018-05-22 18:53:38
හුදකලා සටනක නිරතවූ ෆැෆ් ඩු ප්ලේසීස්ගේ විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ අවසන් මහ තරගය සඳහා සුදුසුකම් ලබාගැනීමට චෙන්...