. සෙරීනාගෙන් නස්ටාසේට අභීත පිළිතුරක් | කෙළිමඬල
2017 සැප්තැම්බර් මස 20 වැනි බදාදා
සෙරීනාගෙන් නස්ටාසේට අභීත පිළිතුරක්
2017-04-26 00:17:27 | .

“ඔබට ඔබේ වචනවලින් මට වෙඩි තියන්න පුළුවනි. ඔබේ වෛරී අදහස්වලින් මාව මරා දමන්න පුළුවනි. ඒත් මම සුළඟ වගේ නිතරම අභීතව නැගි සිටිනවා”

හෙට අනිද්දා මවු පදවියෙන් පිදුම් ලැබීමට නියමිතව සිටින සුපිරි ටෙනිස් ක්‍රීඩිකා සෙරීනා විලියම්ස් ඊයේ අන්තර්ජාලයේ සටහනක් තබමින් මේ අදහස් පළ කළේ සිය මාතෘත්වය සරදමට ලක් කරමින් රුමේනියාවේ ටෙනිස් පිලේ නායක, හිටපු ග්‍රෑන්ඞ් ස්ලෑම් ශූරයකු වන ලිලී නස්ටාසේ කළ ජාතිවාදී ප්‍රකාශය සම්බන්ධයෙනි.  

ෆෙඩරේෂන් කුසලාන ටෙනිස් තරගාවලියේ තරග වදින කණ්ඩායම් ලැයිස්තුගත කිරීමේ අවස්ථාවේදී ‘අපි බලමු ලැබෙන බබා මොන පාටද කියලා..චොකලට් පාට ද..කිරි පාට ද කියලා.. යනුවෙන් නස්ටාසේ කළ ප්‍රකාශය සම්බන්ධව මේ වනවිට පරීක්ෂණයක් පැවැත්වීමට අන්තර්ජාතික ටෙනිස් සම්මේලනය තීරණය කොට තිබේ.

මේ ප්‍රකාශයෙන් දින දෙකකට පසුව සිය අදහස් පළ කළ සෙරීනා තම නූපන් දරුවා ගැන එවැනි ප්‍රකාශයක් කළ නස්ටාසේ ජාතිවාදියකු බව කියා සිටියාය.

“මට ලැබෙන්න ඉන්න බබා ගැන මෙවැනි ප්‍රකාශ කරන නස්ටාසේ වැනි ජාතිවාදීන් සිටින සමාජයක ජීවත්වීමට සිදුවිම ගැන මම කනගාටු වෙනවා.”

“මම මීට කළින් කියා ඇති පරිදි මේ ලෝකයට දීර්ඝ ඉතිහාසයක් තියෙනවා. ඒ වගේම කාලයක් තව ඉස්සරහට ඉතිරිවෙලා තියෙනවා. ඒ අතරතුර කාලයේ අපි සිමා මායිම් සෑහෙන්න බිඳ දමා තිබෙනවා”

“මේ වගේ දේවල්වලින් මාව නවත්වන්න මේ වගේ ප්‍රකාශවලට බෑ. හැමදාම හරි දේ වෙනුවෙන් නැගී සිටින මාව මේ වගේ දේවල්වලින් නතර කරන්න බෑ.‘ සෙරීනා ආවේගයෙන් යුතුව එසේ කියන්නීය.

“මම කාටවත් බය නෑ. මට ලැබෙන්න ඉන්න දරුවා මට ලොකු හයියක් ගෙන දෙනවා. ඒ වගේ ශක්තියක් මට තියෙනවා කියලා මම දැනගෙන හිටියෙත් නැති තරම්. ශාන්ත බව...සාමකාමී බව...මම ඉගෙන්නුවේ මේ නූපන් දරුවායි. බබා ලැබෙනතුරු මම නොඉවසිල්ලෙන් ඉන්නේ. ඔයාගේ ආදරණීය අම්මා ඔයා එනතුරු මග බලාගෙනයි ඉන්නේ.”

සෙරීනා එසේ කියන්නේ මාතෘත්වයේ පදවිය බලාපොරොත්තුවෙන් සිටින සෑම කාන්තාවක්ම වෙනුවෙනි

-077

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
ක්‍රිකට් දැනුමැත්තෝ කර අරිති...
2017-09-14 22:30:22
තවත් සති දෙකකින් ආරම්භ වීමට නියමිත ශ්‍රී ලංකා - පාකිස්තානු තරගාවලියට පෙර තේරීම් කමිටුවක් පත්කරගැනීමේ අභියෝගයට මුහුණ දී සිටින ශ්‍රී...
තිසර ලෝක කණ්ඩායම දිනවයි...
2017-09-13 23:35:55
තිසර පෙරේරාගේ පිතිහරඹය සහ පන්දුයැවීම හමුවේ පාකිස්තාන කණ්ඩායමට එහෙිව ලාහෝර්හි ගඩාෆි ක්‍රීඩාංගණයේදී අද (13 වැනිදා) පැවැති දෙවැනි විස්සයි...
කාබුල් ගිය ජයසූරිය බෝම්බෙන් බේරෙයි...
2017-09-13 23:33:10
ඇෆ්ගනිස්ථානයේ කාබුල් නුවර ක්‍රිකට් ක්‍රීඩාංගණයක් අසළදී මරාගෙන මැරෙන බෝම්බකරුවකු විසින් බෝම්බයක් පුපුරවාගැනීම නිසා පොලිස් නිලධාරියෙ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...
ක්‍රිකට් දැනුමැත්තෝ කර අරිති...
හැමෝටම කළින් ක්‍රීඩා ඇමැතිවරයා සහ තිලංග ඉවත්විය යුතුයි. ඊට පස්සේ ලංකාවේ ක්‍රිකට්වලට හොඳ කලක් උදාවේවි... බැරිවෙලාවත් අර්ජුන ආවොත් සොරිම තමයි. ...
ක්‍රිකට් දැනුමැත්තෝ කර අරිති...
ඇමැතිගේ නාඩගම් එපාවෙලා වෙන්නැති ක්‍රිකට් දැනුමැත්තෝ එන්නේ නැත්තේ... ...
තිසර ලෝක කණ්ඩායම දිනවයි...
ලංකා ටීම් එක, ලංකාවේ ක්ලබ් ටීම් එකක් එක්ක සෙල්ලම් කළත් පරදිනවා. ඒක සත්තයි..!!! ...