. ශ්‍රී ලංකා යොවුන් පිල කුසලාන රැකගැනීමේ සටනට | කෙළිමඬල
2017 සැප්තැම්බර් මස 20 වැනි බදාදා
ශ්‍රී ලංකා යොවුන් පිල කුසලාන රැකගැනීමේ සටනට
2017-04-28 15:52:26 | මිලාන් පෙරේරා

 

දකුණු කොරියාවේ ජියොන්ජු නුවර පැවැත්වෙන 10 වැනි ආසියාතික යොවුන් දැල්පන්දු ශූරතාවලියට සහභාගි වීම සඳහා නදී ප්‍රනාන්දුගේ නායකත්වයෙන් යුතු ශ්‍රී ලංකා කනිෂ්ට දැල්පන්දු කණ්ඩායම ලබන සඳුදා (මැයි මස 1දා ) අලුයම දිවයිනෙන් පිටත්ව යයි. ආසියාතික යොවුන් දැල්පන්දු පිටියේ වත්මන් ශූරියන්ද වන ශ්‍රී ලංකාව මෙවර තරගාවලියට සහභාගි වන්නේ සිය කිරුළත්, ගෞරවයත් රැක ගැනීමේ බලාපොරොත්තුවෙනි. 

වසර 2 කට වරක් පැවැත්වෙන මේ ශූරතාවලිය අවසන් වරට හොංකොං නුවර පැවැති 2015 වසරේ තරගාවලියේදී ගයනි දිසානායකගේ නායකත්වයෙන් ශ්‍රී ලංකාව ශූරතාව දිනාගත්තේ මැලේසියාව පරාජයට පත් කරමිනි. ඊට පෙර 2013 වසරේ දී බෘනායි හී පැවැති තරගාවලියේදී ශ්‍රී ලංකාව අනුශූරියන් වූයේ මැලේසියාව හමුවේ පරාජය වීම හේතුවෙනි.  

රටවල් 9 ක් තරග වදින ආසියාතික දැල්පන්දු ශූරතාවලියේ වැඩිම අවධානයක් හිමිවී ඇත්තේ ද ශ්‍රී ලංකාවටය. සත්කාරක දකුණු කොරියාව, චීන තායිපේ, හොංකොං, ඉන්දියාව, මැලේසියාව, පාකිස්තානය, සිංගප්පූරුව සහ තායිලන්තය මෙවර ශ්‍රී ලංකාව සමග මේ තරගාවලියට ක්‍රීඩා කරති.

මෙවර තරගාවලියට සහභාගිවන ශ්‍රී ලංකා කණ්ඩායමේ පුහුණුකාරිනිය ලෙස කටයුතු කරනු ලබන්නේ පසුගිය වර ශ්‍රී ලංකාව ශූරතාව දිනූ අවස්ථාවේ පුහුණුකාරිනිය ලෙස කටයුතු කළ තමාරා ලියනගේ මහත්මියයි. 


එවර ශූරතාව දිනූ කණ්ඩායමේ සමාජිකාවක වූ, කලුතර ශූද්ධවූ පවුලේ කන්‍යාරාමයේ ආදි සිසුවියක වන නදී ප්‍රනාන්දු මෙවර නායිකාව ලෙස තරගාවලියට එක්වීම විශේෂත්වයකි. පසුගිය වර කණ්ඩායමේ සිටි සචිනි හිරුණිකාද මෙවර කණ්ඩායමට ඇතුළත්ව සිටින්නීය. කණ්ඩායමේ උපනායිකාව ලෙස කටයුතු කරනු ලබන ශ්‍රී ලංකා යුද හමුදා කණ්ඩායම නියෝජනය කරන හෂිනි පෙරේරා ද පසුගිය වර ජයග්‍රාහී ශ්‍රී ලංකා පිලේ සාමාජිකාවකි. 

මැයි මස 6 වැනිදා ආරම්භ වන මෙවර තරගාවලියේ ‘ඒ‘ කාණ්ඩයෙන් ක්‍රීඩා කිරීමට නියමිත ශ්‍රී ලංකාවට එහිදී හොංකොං, තායිලන්තය, මාලදිවයින සහ පාකිස්තානය ප්‍රතිවාදි කණ්ඩායම් බවට පත්වී තිබේ. 

 


ආසියාතික යොවුන් දැල්පන්දු ශූරතාවලියට සහභාගි වන ශ්‍රී ලංකා කණ්ඩායම 
නදී ප්‍රනාන්දු (නායිකා), හෂිනි පෙරේරා (උපනායිකා), සචිනි හිරුණිකා, කවිතා රාජපක්ෂ, පූර්ණිමා ලක්ෂානි, මලීෂා රත්නායක, වී.එන්.හපුආරච්චි, නිර්මානී පෙරේරා, මන්දිරා සම්පත්, හංසිමා දිසානායක, තරුෂි ඉලංගරත්න, රෂ්මි පෙරේරා.


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
ක්‍රිකට් දැනුමැත්තෝ කර අරිති...
2017-09-14 22:30:22
තවත් සති දෙකකින් ආරම්භ වීමට නියමිත ශ්‍රී ලංකා - පාකිස්තානු තරගාවලියට පෙර තේරීම් කමිටුවක් පත්කරගැනීමේ අභියෝගයට මුහුණ දී සිටින ශ්‍රී...
තිසර ලෝක කණ්ඩායම දිනවයි...
2017-09-13 23:35:55
තිසර පෙරේරාගේ පිතිහරඹය සහ පන්දුයැවීම හමුවේ පාකිස්තාන කණ්ඩායමට එහෙිව ලාහෝර්හි ගඩාෆි ක්‍රීඩාංගණයේදී අද (13 වැනිදා) පැවැති දෙවැනි විස්සයි...
කාබුල් ගිය ජයසූරිය බෝම්බෙන් බේරෙයි...
2017-09-13 23:33:10
ඇෆ්ගනිස්ථානයේ කාබුල් නුවර ක්‍රිකට් ක්‍රීඩාංගණයක් අසළදී මරාගෙන මැරෙන බෝම්බකරුවකු විසින් බෝම්බයක් පුපුරවාගැනීම නිසා පොලිස් නිලධාරියෙ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...
ක්‍රිකට් දැනුමැත්තෝ කර අරිති...
හැමෝටම කළින් ක්‍රීඩා ඇමැතිවරයා සහ තිලංග ඉවත්විය යුතුයි. ඊට පස්සේ ලංකාවේ ක්‍රිකට්වලට හොඳ කලක් උදාවේවි... බැරිවෙලාවත් අර්ජුන ආවොත් සොරිම තමයි. ...
ක්‍රිකට් දැනුමැත්තෝ කර අරිති...
ඇමැතිගේ නාඩගම් එපාවෙලා වෙන්නැති ක්‍රිකට් දැනුමැත්තෝ එන්නේ නැත්තේ... ...
තිසර ලෝක කණ්ඩායම දිනවයි...
ලංකා ටීම් එක, ලංකාවේ ක්ලබ් ටීම් එකක් එක්ක සෙල්ලම් කළත් පරදිනවා. ඒක සත්තයි..!!! ...