. මාලබේ - මහරගම මහ ක්‍රිකට් තරගයක ඇරඹුම | කෙළිමඬල
2017 නොවැම්බර් මස 25 වැනි සෙනසුරාදා
මාලබේ - මහරගම මහ ක්‍රිකට් තරගයක ඇරඹුම
2017-04-30 15:01:51 | යොහාන් භාසුර

ශ්‍රී ජයවර්ධනපුර අධ්‍යාපන කලාපයේ ප්‍රධානම බාලක පාසල් දෙකක් වන මාලබේ ආදර්ශ පිරිමි විදුහල සහ මහරගම ජනාධිපති විදුහල අතර පළමු මහා ක්‍රිකට් තරගය සීමිත ඕවර තරගයක් ලෙස මේ මස 7 වැනිදා මොරටුව ද සොයිසා ක්‍රීඩාංගණයේදී පැවැත්වේ. මෙම තරගය ලබන වසරේ සිට සාම්ප්‍රදානුකූල මහා ක්‍රිකට් තරගයක් වශයෙන් දෙදින තරගයක් සහ එක්දින තරග ලෙස පැවැත්වීමට විදුහල් දෙකම සූදානමින් සිටියි.  

මෙම පළමු තරගය පිළිබඳව දැනුවත් කිරීම සඳහා විදුහල් දෙකේ විදුහල්පතිවරුන්ගේ ප්‍රධානත්වයෙන් බත්තරමුල්ලේදී පසුගියදා විශේෂ මාධ්‍ය හමුවක් පැවැත්විණි.

එහිදී අදහස් දැක්වූ මාලබේ ආදර්ශ පිරිමි විදුහලේ විදුහල්පති සිසිර ගුණරත්න මහතා පැවසුවේ මෙවැනි මහා ක්‍රිකට් තරගයක් සඳහා මෙම විදුහල් දෙක වඩාත් ගැලපෙන බවයි.

“අපේ පාසලට දිගු ක්‍රිකට් ඉතිහාසයක් නෑ. වයස 19 න් පහළ තරගාවලියට සහභාගි වී දැනට වසර හතරක්, පහක් පමණයි වෙන්නේ. අපේ දරුවන්නට විෂය බාහිර කටයුත්තක් වන ක්‍රීඩාවේදී මහා ක්‍රිකට් තරගයක් කියන්නේ දරුවන්ට වඩාත් වැදගත් අවස්ථාවක් කියලයි මම හිතන්නේ” යැයි ගුණරත්න මහතා වැඩි දුරටත් පැවසීය.

මහරගම ජනාධිපති විදුහලේ විදුහල්පති ඩව්ලිව්. වසන්ත කුමාර මහතා පැවසුවේ පළමු තරගය වඩාත් සාර්ථකව පැවැත්වීම තම ආරමුණ බවයි.

“අපේ පාසල ආරම්භ කරලා වසර 39 යි. නමුත් අපිට වසර 22 ක ක්‍රිකට් ඉතිහාසයක් තියෙනවා. මේ පාසල් දෙක එකම අධ්‍යාපන කලාපයේ පිරිමි පාසල් දෙකක්, ඒ වගේම ශිෂ්‍ය සංඛ්‍යාවත් සමානයි. ඒ නිසා අපි වඩාත් ගැලපෙනවා” යැයි වසන්ත කුමාර මහතා වැඩි දුරටත් පැවසීය.

මාලබේ පිරිමි විදුහල් පිලේ නායක කාවින්ද සුලෝචන සහ මහරගම ජනාධිපති විදුහල් පිලේ නායක තිරාන් සසිඳු මෙම මාධ්‍ය හමුවට සහභාගි වූ අතර එම ක්‍රීඩකයන් පැවසුවේ ද මෙය තම ජීවිතයේ ලැබුණු මහඟු අවස්ථාවක් බවයි.

මාලබේ ආදර්ශ පිරිමි විදුහලේ විදුහල්පති සිසිර ගුණරත්න මහතා මාධ්‍ය හමුව අමතමින්..
(ඡායාරූපය: ඉෂාන් සංජීව)


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ඉන්දියාවේ ජයග්‍රහණය අඳුරේ සැඟවෙයි...
2017-11-20 17:00:08
වර්ෂාව හේතුවෙන් තරගයේ පළමු දින දෙකේදීම ඕවර 147 ක් අපතේ ගිය නමුත් අවසන් මොහොත දක්වාම සිය අරමුණු කරා යාම අතහැර නොදැමූ ඉන්දියානු පිලට අත පොවන...
හේරත් හෙවණැල්ලෙන් ඩිල්රුවන් වසාගනී...
2017-11-19 21:56:03
දැවී ගිය බවට විනිසුරු තීරණය ප්‍රකාශ කිරීමෙන් පසුව ක්‍රීඩාගාරයට යමින් සිටි ඩිල්රුවන් පෙරේරා ආපසු හැරී විනිසුරු තීරණය විමසීම සම්බන්ධ...
අර්ධ ශතක පිළිබඳ මැතිව්ස් මතය...
2017-11-19 20:50:07
ගෙවී යමින් පවතින 2017 වර්ෂය අමතක කිරීමට හැකිනම් ශ්‍රී ලංකා පිලේ හිටපු නායක ඇන්ජලෝ මැතිව්ස් ඊට බෙහෙවින් කැමති වනු ඇත. පාදයේ ආබාධ හේතුවෙ...
දික්වැල්ල තරගයේ වාසිය වීසිකර දමයි...
2017-11-24 19:00:24
ඉන්දියාව සහ ශ්‍රී ලංකාව අතර නාග්පූර් නුවරදී අද (24 වැනිදා) ආරම්භ වූ දෙවැනි ටෙස්ට් තරගයේ පළමු දිනය නිමාවන විටදී පන්දුවට පහර දෙමින් සිටි...