. රුහුණු රන් හටන 5-6 මාතරදී | කෙළිමඬල
2017 සැප්තැම්බර් මස 20 වැනි බදාදා
රුහුණු රන් හටන 5-6 මාතරදී
2017-05-02 21:18:49 | සටහන හා ඡායාරූප - දික්වැල්ල එස්. ගලප්පත්ති

දකුණේ සුපතල මැදි මහ විදුහල් දෙකක් වූ දික්වැල්ල විජිත හා වීරකැටිය රාජපක්ෂ විදුහල් අතර වාර්ෂිකව පැවැත්වෙන රුහුණු රන් හටන ක්‍රිකට් තරගය මෙම මස 05, 06 දිනවල මාතර උයන්වත්ත ක්‍රීඩාංගණයේ දී පැවැත්වේ. දික්වැල්ල විජිත මධ්‍ය මහා විද්‍යාලය මෙවර තරගයේ සත්කාරක පාසල ලෙස කටයුතු කරයි.

2010 වසරේ දී ආරම්භ වී ඇති මෙම ක්‍රිකට් තරගයේ ප්‍රථම ජයග්‍රහණය 2015 වසරේ දී දික්වැල්ල විජිත මධ්‍ය මහා විද්‍යාලයීය කණ්ඩායම හිමිකර ගෙන ඇති අතර සියලු තරග ජය පරාජයෙන් තොරව අවසන් වී ඇත.

දික්වැල්ල විජිත විදුහල් පිල එම්. දහම් වෙනුසර ද සිල්වාගේ නායකත්වයෙන් තරග වදී. 5 වැනි වසරේ වර්ණලාභී ක්‍රීඩකයකු වන මොහු දක්ෂ තුන්ඉරියව් ක්‍රීඩකයෙකි. මෙවර තරග වාරයේදී තරග 09කට සහභාගි වෙමින් ශතක 02ක් හා එක් අර්ධ ශතකයක් සමගින් ලකුණු 529 ක් හා කඩුලු 37ක් දවාගෙන ඇති අතර දවා ගැනීම් 03කට දායක වී ඇත.

එම්.බී. ජනිදු සුසද බණ්ඩාර උපනායකයා ලෙස කටයුතු කරයි. ඔහු 04 වැනි වසරේ වර්ණලාභී ක්‍රීඩකයකු වන අතර මෙවර තරග වාරයේ කණ්ඩායමේ වැඩිම ලකුණු ලාභියා වේ. තරග 09 ක දී එක් ශතකයක් හා අර්ධ ශතක 05 ක් සමඟින් මුලු ලකුණු 642 ක් ලබාගෙන ඇත.

විජිත පිලේ පුහුණුකරු ලෙස එච්.ඩබ්ලිව්. දිනුෂ ජයසංක මහතා කටයුතු කරන අතර ආචාර්යවරුන් ලෙස බී. වික්‍රමරත්න හා එස්. යොහාන් තරිඳු හා ක්‍රීඩා භාර ආචාර්යවරයා ලෙස එල්.ජී. සුජිත් යන මහත්වරු කටයුතු කරති.

05 වැනි වසරේ ක්‍රීඩකයකු වන වී.පී. චාමික ෂෙහාන් වීරකැටිය රාජපක්ෂ පිලේ නායකත්වය දරන අතර කණ්ඩායම මෙහෙයවීම දෙවැනි වරටත් හිමිකරගෙන ඇත. වමතින් පිත්ත හසුරුවමින් තරගයේ තත්ත්වය අනුව තම පිතිහරඹ විලාසය වෙනස් කළ හැකි දක්ෂ පිතිකරුවෙකි.

උපනායකත්වය දරන ටී.ඒ. ඉසුරු ලෝචන 02 වැනි වසරේ වර්ණලාභී ක්‍රීඩකයකු වන අතර වමතින් පිත්ත හසුරුවන්නෙකි. දකුණත් පන්දු යවන්නෙකි.

වීරකැටිය පිලේ පුහුණුකරු ලෙස පී.ආර්.ඒ. හශාන් තරින්ද මහතා ද ක්‍රිකට් භාර ආචාර්යවරයා ලෙස ආර්.ඩබ්ලිව්.ඒ. සරත් කුමාර මහතා ද කටයුතු කරති.

සී.ඩබ්ලිව්.ඩබ්ලිව්. කන්නංගර යුගයේ දකුණු පළාතේ ආරම්භ කළ ප්‍රථම මධ්‍ය මහා විද්‍යාල දෙකක් වන මෙම විදුහල් දෙක ක්‍රීඩා ක්ෂේත්‍රයේ ඉදිරියෙන් සිටියි.

 

විජිත මධ්‍ය විද්‍යාල ක්‍රිකට් සංචිතය -
එම්. දහම් වෙනුසර ද සිල්වා (නායක), එම්.බී.ජනිදු සුසද බණ්ඩාර (උපනායක), එස්.එස්. සචික් චානුක, කුෂාන් මලින්ද, ආර්.ඩී. මතීෂ ලෝචන, ඩී. රන්දික මධුෂාන්, මේනුෂ දිනූ සචින්ත, ජී.ඒ.පී. දිමුතු පැතුම්, එල්.එම්. හිරුණ මුතුකුමාරණ, එස්.එච්. හසිඳු අංජන, ජී.ජී. ළහිරු කෝසල, රමේෂ් මධුෂාන් වැලිගමගේ, ආර්.ඩී. මනීෂ ලක්ෂිත, කවිඳු ශවීන්ක, සුමුදු ප්‍රභාත් සිරිවර්ධන, විශ්ව දේශාන් ගලප්පත්ති, එන්.ටී. සචිදු දෙව්ෂාන්

 

වීරකැටිය රාජපක්ෂ  ක්‍රිකට් සංචිතය -
වී.ජී. චාමික ශෙහාන්, (කණ්ඩායම් නායක) ටී.ඒ. ඉසුරු ලෝචන (උපනායක), ඩබ්.ඒ. පසන් සත්සර, කේ.එච්. උදාර හංසක, ආර්. චරිත් ඉෂාර, ඩබ්. පිවිතුරු ප්‍රියදසුන්, කේ.බී. තරිඳු උෂාන්, එම්. ජිනීත මලිත්, ඒ. රවිෂාන් ශ්‍රීකාන්ත, සංදීප මහානාම, ජී.ජී.එම්. සුරාජ් දිලංකර, ජේ.එච්.කේ. විදුර සුභාෂණ, ඩබ්. අභිෂේක් ප්‍රමුදිත, කේ.ජී. මනෝද් නිලුමින්ද, අයි.ඒ. ලක්විඳු සම්පත්, ඩබ්.ජී. නිවිඳු ඕෂද, ඩබ්ලිව්. සතිර යුගසර

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
ක්‍රිකට් දැනුමැත්තෝ කර අරිති...
2017-09-14 22:30:22
තවත් සති දෙකකින් ආරම්භ වීමට නියමිත ශ්‍රී ලංකා - පාකිස්තානු තරගාවලියට පෙර තේරීම් කමිටුවක් පත්කරගැනීමේ අභියෝගයට මුහුණ දී සිටින ශ්‍රී...
තිසර ලෝක කණ්ඩායම දිනවයි...
2017-09-13 23:35:55
තිසර පෙරේරාගේ පිතිහරඹය සහ පන්දුයැවීම හමුවේ පාකිස්තාන කණ්ඩායමට එහෙිව ලාහෝර්හි ගඩාෆි ක්‍රීඩාංගණයේදී අද (13 වැනිදා) පැවැති දෙවැනි විස්සයි...
කාබුල් ගිය ජයසූරිය බෝම්බෙන් බේරෙයි...
2017-09-13 23:33:10
ඇෆ්ගනිස්ථානයේ කාබුල් නුවර ක්‍රිකට් ක්‍රීඩාංගණයක් අසළදී මරාගෙන මැරෙන බෝම්බකරුවකු විසින් බෝම්බයක් පුපුරවාගැනීම නිසා පොලිස් නිලධාරියෙ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...
ක්‍රිකට් දැනුමැත්තෝ කර අරිති...
හැමෝටම කළින් ක්‍රීඩා ඇමැතිවරයා සහ තිලංග ඉවත්විය යුතුයි. ඊට පස්සේ ලංකාවේ ක්‍රිකට්වලට හොඳ කලක් උදාවේවි... බැරිවෙලාවත් අර්ජුන ආවොත් සොරිම තමයි. ...
ක්‍රිකට් දැනුමැත්තෝ කර අරිති...
ඇමැතිගේ නාඩගම් එපාවෙලා වෙන්නැති ක්‍රිකට් දැනුමැත්තෝ එන්නේ නැත්තේ... ...
තිසර ලෝක කණ්ඩායම දිනවයි...
ලංකා ටීම් එක, ලංකාවේ ක්ලබ් ටීම් එකක් එක්ක සෙල්ලම් කළත් පරදිනවා. ඒක සත්තයි..!!! ...