. ඉදිරිපෙළ ආරම්භක ස්ථානය අෂාන්ට | කෙළිමඬල
2017 ඔක්තෝබර් මස 19 වැනි බ‍්‍රහස්පතින්දා
ඉදිරිපෙළ ආරම්භක ස්ථානය අෂාන්ට
2017-05-06 22:53:43 | ශානුක අරවින්ද

වැලිසර, නාවික හමුදා ධාවන පථයේදී අද (6 වැනිදා) පැවැති ‘කොළඹ සුපර් ක්‍රොස්’ තරගාවලියේ කාලය මැනීමේ තරග වලදී ප්‍රධානතම මෝටර් රථ ඉසව්ව වන එස්. එල්. ජී. ටී.  කාණ්ඩයේ (සිලින්ඩර ධාරිතාව 3500 දක්වා) මෝටර් රථ තරගයේ හොඳම කාලය වාර්තා කිරීමට  අශාන් සිල්වා සමත් විය.

ඒ අනුව ඔහු හෙට (7 වැනිදා) පැවැත්වෙන තරගයේදී එම ඉසව්වේ ඉදිරිපළ ආරම්භක ස්ථානයේ සිට තරගය ආරාම්භ කිරීමට නියමිතය. කාලය මැනීමේ තරගයේ එක් වටයක් නිමා කිරීම සඳහා අෂාන්ට ගත වූ අවම කාලය තත්ත්පර 42.033 කි.

තත්ත්පර 42.905 කින් එක් වටයක් නිමා කළ පසිඳු පීරිස් එම ඉසව්වේ දෙවැනි ආරම්භක ස්ථානය හිමිකර ගැනීමට සමත් වූ අතර ඉකුත් වසරේ ජාතික මෝටර් රථ ශූරයා බවට පත්වූ උෂාන් පෙරේරා තත්ත්පර 43.100 කින් වටයක් නිමා කරමින් එහි තෙවැනි ආරම්භක ස්ථානයට හිමිකම් කීවේය.

එස්. එල්. එච් කාණඩයේ (සිලින්ඩර ධාරිතාව 1618 දක්වා) මෝටර් රථ තරගයේ හොඳම කාලය (තත්. 47.539) වාර්තා කිරීමට සමත් වූ කුෂාන් පීරිස්, ඉන් නොනැවතී එස්. එල්. එන්. කාණ්ඩයේ (සිලින්ඩර ධාරිතාව 1300 දක්වා) ෆෝඞ් ලේසර්/මැස්ඩා මෝටර් රථ තරගයේ හොඳම කාලය (තත්. 48.776) වාර්ථා කිරීමටද සමත් විය.

කෙසේ වුවත් අද පස්වරුවේ ඇද හැළුණු දාරාණිපාත වර්ෂාව හේතුවෙන් එස්. එල්. එන්. කාණ්ඩයේ (සිලින්ඩර ධාරිතාව 1300 දක්වා) ෆෝඞ් ලේසර්/මැස්ඩා මෝටර් රථ තරගයේ මෙන්ම ට්‍රක් සහ ජීප් කාණ්ඩයේ මෝටර් රථ තරගයේද කාල ගණනයන් පැවැත්වීම නොහැකි විය.

තරග කිහිපයක කාලය මැනීමේ ප්‍රතිඵල

එස්. එල්. ජී ටී කාණ්ඩයේ (සි. ධා. 3500 දක්වා) මෝටර් රථ තරගය
1 අශාන් සිල්වා - තත්. 42.033
2 පසිඳූ පීරිස් - තත්. 42.905
3 උෂාන් පෙරේරා - තත්. 43.100

එස්. එල්. එච් කාණ්ඩයේ (සි. ධා. 1618 දක්වා) මෝටර් රථ තරගය
1 කුෂාන් පීරිස් - තත්. 47.539
2 සකීර් වහබ් - තත්. 48.249
3 උපුල්වන් සේරසිංහ - තත්. 49.306

එස්. එල්. එන්. කාණ්ඩයේ (සි. ධා. 1300 දක්වා) ෆෝඞ් ලේසර් / මැස්ඩා මෝටර් රථ තරගය
1 කුෂාන් පීරිස් - තත්. 48.776
2 රන්දික නිරෝෂන් - තත්. 50.014
3 උපුල්වන් සේරසිංහ - තත්. 50.530

ඡායාරූප - ශානුක අරවින්ද


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාවට අලුත් බලාපොරොත්තුවක්...
2017-10-12 20:44:46
කොහේදෝ තැනකින් සොයාගෙන ආ “නැවතත් එකමුතු වීමේ ශක්තිය” සමගින් පිටියට පිවිසෙන ශ්‍රී ලංකා කණ්ඩායමට එරෙහිව පාකිස්තානයට ඇත්තේ එක...
රුමාන් - හසන් ශ්‍රී ලංකාව මෙල්ල කරති...
2017-10-13 21:15:34
කලාතුරෙකින් දැකගතහැකි ආකාරයේ වේග පන්දු යැවීමකින් පිතිකරුවන් අසරණ කර දැමූ රුමාන් රයීස් සහ හසන් අලී ප්‍රමුඛ පාකිස්තානුවෝ ඩුබායිහිදී අද (...
පාකිස්තානයට ලකුණු 32 ක ජයක්...
2017-10-16 23:00:31
සිය කණ්ඩායම ජයටැඹ කරා ගෙනයාමට නායක උපුල් තරංග බලවත් උත්සාහයක් ගත් නමුත් අබුඩාබිහි ෂෙයික් සහීඞ් ක්‍රීඩාංගණයේදී අද (16 වැනිදා) පැවැති දෙ...
ජයසූරිය - තරංග වාර්තාව නූලෙන් බේරෙයි...
2017-10-16 17:02:47
ක්වින්ටින් ඩි’කොක් සහ හසිම් අම්ලා එක්ව පළමු කඩුල්ල වෙනුවෙන් ගොඩනැගූ වාර්තාගත සම්බන්ධතාව හමුවේ සංචාරක බංග්ලාදේශ කණ්ඩායමට එරෙහිව පැවැත...