. ෂරපෝවා එන පුවතින් ටෙනිස් පිටිය උණුසුම් වෙයි | කෙළිමඬල
2018 අපේ‍්‍රල් මස 25 වැනි බදාදා
ෂරපෝවා එන පුවතින් ටෙනිස් පිටිය උණුසුම් වෙයි
2017-05-11 16:15:57 | .

ලබන මස එංගලන්තයේ බර්මින්හැම් හී පැවැත්වීමට නියමිත ඒගන් ක්ලැසික් ටෙනිස් තරගාවලියට ක්‍රීඩා කිරිමට රුසියාවේ සුපිරි ක්‍රීඩිකා මරියා ෂරපෝවාට වයිල්ඞ් කාඞ්පතක් (සංවිධායකයන්ගේ කැමැත්ත පරිදි අවසන් මොහොතේදී තරගාවලියට ඇතුළත් වීමේ අවසර පත්‍රය) ලබාදීමේ සූදානමක් පවතී. තරගාවලිය මෙහෙයවන ලෝන් ටෙනිස් සංගමයේ නිලධාරීන් සහ ෂරපෝවාගේ කණ්ඩායම අතර ඒ පිළිබඳ මූලික සාකච්ඡා කෙරෙමින් පවතින බව බී.බී.සී.පුවත් සේවය කියයි.

ලෝන් ටෙනිස් සංගමයේ ප්‍රධාන විධායක නිලධාරී තනතුරෙන් හෙට අනිද්දා සමුගැනීමට නියමිත මයිකල් ඩවුනිගේ සහය ද මේ සාකච්ඡා සඳහා ලැබී ඇත. 

වසර 2010 විම්බල්ඩන් ටෙනිස් ශූරතාවලියේ අවසන් මහා තරගයට එක්වූ ෂරපෝවා ඉන් පසුව විම්බල්ඩන් ශූරතාවලිය ඉලක්ක කරමින් පවත්වනු ලබන මෙවැනි තරගාවලියකට ක්‍රීඩා කිරීමට සූදානම් වන්නේ පළමු වතාවටය.

ෂරපෝවා ක්‍රීඩා කරන්නට පැමිණෙන බවට පුවත් පැතිර යාමෙන් ඒ සතියේදීම ‘ක්වීන්ස් ක්ලබ්’ පිටියේ පැවැත්වීමට නියමිතව ඇති ටෙනිස් ක්‍රීඩකයන්ගේ සංගම් (ඒ.ටී.පී.) තරගාවලිය හේතුවෙන් වැඩි අවධානයක් යොමු නොවූ ඒගන් ක්ලැසික් තරගාවලියේ ප්‍රවේශපත් එකවරම උණුකැවුම් මෙන් අලෙවි වන්නට පටන් ගෙන තිබේ. එසේ වුවත් තහනම් උත්තේජන භාවිතය නිසා මාස 15ක් තිස්සේ තහනමට ලක්වී සිටි මේ රුසියානු රූමතියට වයිල්ඞ් කාඞ්පතක් තිළිණ කරන්නට යාමෙන් ලෝන් ටෙනිස් සංගම් නිලධාරින් සෑහෙන විවේචනවලට ලක්වී සිටිති. 

එංගලන්ත ක්‍රීඩක ක්‍රීඩිකාවන් දෙපළක් වන ඇන්ඩි මරේ සහ හෙදර් වොට්සන් දැනටමත් පරල වී හමාරය. වයිල්ඞ් කාඞ්පතක් මගින් මේ තරගාවලියට එක්වී සිටින වොට්සන් කියන්නේ ‘තමන්ගේම රටේ වෙලත් මේ තරගාවලියට මං යන්නේ වයිල්ඞ් කාඞ්පතෙන්. තරග තහනමකට ලක්වුණු අය ආපහු මුල ඉඳලයි පටන් ගන්න ඕනා. වයිල්ඞ් කාඞ්පත්වලින් නෙවෙයි කියාය. 

වසර 2004 දී සහ 2005 දී මේ තරගාවලියේ ශූරතාව දිනා ගනු ලැබුවේ ෂරපෝවා විසිනි. කෙසේ වුවත් මෙවර තරගාවලියට ඇගේ සහභාගීත්වය තහවුරු වනු ඇතැයි තවමත් සැක සහිතය. මන්ද කාගෙත් නෙත් සිත් යොමුවී ඇත්තේ ප්‍රංශ විවෘත ශූරතාවලිය පැවැත්වෙන රෝලන්ඞ් ගැරෝස් වෙත වන බැවිනි. 

ප්‍රංශයේ රෝලන්ඞ් ගැරොස් හී පැවැත්වෙන ප්‍රංශ විවෘත ටෙනිස් තරගාවලියේ මැද හරියේ සිට ක්‍රීඩා කරන්නට ෂරපෝවාට වයිල්ඞ් කාඞ්පතක් දෙනවාද නැතිනම් ආරම්භයේ සිටම ක්‍රීඩා කරන්නට වයිල්ඞ් කාඞ්පතක් දෙනවාද කියා තීරණය කෙරෙන්නේ ලබන සතියේදීය. 

පස්වතාවක්ම ග්‍රෑන්ඞ් ස්ලෑම් ශූරතා දිනූ ෂරපෝවාට වයිල්ඞ් කාඞ්පත් තිළිණ කරමින් තරගාවලි සඳහා ගෙන්වා ගැනීමට ඇගේ සමකාලින ක්‍රීඩක ක්‍රීඩිකාවෝ වැඩිදෙනකු විරුද්ධව සිටිති. එහෙත් ෂරපෝවා තරගාවලියට ඈඳා ගැනිම තරග සංවිධායකයන්ට නම් ඉල්ලමක් මතුවීමක් බඳුය. එතරමටම ක්‍රීඩාලෝලිහු ඇය ක්‍රීඩා කරන අයුරු දැකබලාගැනීමට ඇදී එති. 

 - 077

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
කොල්කටා පිලට කඩුලු 7 ක ජයක්...
2018-04-18 20:08:08
අයි.පී.එල් ක්‍රිකට් තරගාවලියේ 15 වැනි තරගය ලෙස රාජස්ථාන් රෝයල්ස් කණ්ඩායම සහ කොල්කටා නයිට් රයිඩර්ස් කණ්ඩායම අතර ජායීපූර්හිදී අද (18 වැන...
තිසර පෙරේරා ලෝක කණ්ඩායමට...
2018-04-20 17:54:03
බටහිර ඉන්දීය කොදෙව් කණ්ඩායම හා ලෝක විස්සයි-20 කණ්ඩායම අතර මැයි 31 වැනිදා ලෝඞ්ස්හීදී පැවැත්වීමට නියමිත විස්සයි-20 තරගය සදහා ක්‍රීඩා කිර...
රාජස්ථාන් පිල කඩුලු 3 කින් ජය ගනියි...
2018-04-22 22:13:33
ඉන්දීය ප්‍රිමියර් ලීග් තරගාවලියේ (2018) 21 වැනි තරගය ලෙස රාජස්ථාන් රෝයල්ස් කණ්ඩායම සහ මුම්බායි ඉන්දියන්ස් කණ්ඩායම අතර ජායිපූර්හිදී අද ...