. ඉහළ තනතුරු දෙකකට තියුණු සටන් | කෙළිමඬල
2018 ජූලි මස 17 වැනි අගහරුවාදා
ඉහළ තනතුරු දෙකකට තියුණු සටන්
2017-05-14 14:58:41 | ශානුක අරවින්ද

මේ මස 26 වැනිදා ටොරින්ටන් පෙදෙස ක්‍රීඩා අමාත්‍යංශ ශ්‍රවණාගාරයේදී පැවැත්වෙන ශ්‍රී ලංකා මේසපන්දු සංගමයේ නිලවරණයේදී සභාපති සහ ලේකම් යන තනතුරු දෙක හැරුණුකොට සෙසු තනතුරු සඳහා නිලධාරීන් නිතරගයෙන් පත්වීමට නියමිත බව වාර්තා වේ. සභාපති සහ ලේකම් යන තනතුරු දෙක සඳහා පමණක් නාම යෝජනා දෙක බැගින් ඉදිරිපත්වී ඇති බැවින් නිලවරණය පැවැත්වෙන දිනයේදී එම තනතුරු දෙක සඳහා පමණක් ඡන්දයක් පැවැත්වීමට නියමිත බවද වාර්තා වේ. 

මෙවර නිලවරණයේදී මේසපන්දු සංගමයේ සභාපති තනතුර සඳහා වත්මන් සභාපතිවරයා මෙන්ම හිටපු උප සභාපතිවරයකුද වන පාර්ලිමේන්තු මන්ත්‍රී කනක හේරත් මහතා සහ හිටපු සභාපතිවරයකු වන විශ්‍රාමික ජ්‍යෙෂ්ඨ පොලිස් අධිකාරී දයා සමරවීර මහතා තරග වැදීමට සූදානමින් සිටිති. ලේකම් තනතුර සඳහා තරග වැදීමට සංගමයේ වැඩබලන සභාපතිවරයකු ලෙස කටයුතු කළ නිරංජන් අබේසේන මහතා සහ හිටපු උප සභාපතිවරියක මෙන්ම සහකාර ලේකම්වරියකද වූ සදිසි නිරාෂා මෙනවිය ඉදිරිපත්ව සිටිති. 

ලලිත් ලියනගේ, රහල් අබේරත්න, සංජීව පල්ලෙගෙදර, චතුර ජයේන්ද්‍ර, පැතුම් වීරක්කොඩි, කසුන් උදාර, අශෝකමාලා තෙන්නකෝන් සහ මධුෂානි පෙරේරා යන මහත්ම මහත්මීන් සංගමයේ උප සභාපතිවරු අටදෙනා ලෙසත්, ප්‍රභාත් නිමේෂ් මහතා එහි සහකාර ලේකම්වරයා ලෙසත් නිතරගයෙන් පත්වීමට නියමිතව සිටිති. 

සංගමයේ භාණ්ඩාගාරිකවරයා සහ උප භාණ්ඩාගාරිකවරයා තෝරාගැනීම සඳහාද ඡන්දයක් නොපැවැත්වෙන අතර අතර තිළිණ අබේවර්ධන මහතා භාණ්ඩාගාරික ලෙසත්, රනිල් දිල්රුම් සිල්වා මහතා උප භාණ්ඩාගාරික ලෙසත් නිතරගයෙන් පත්වනු ඇතැයි වාර්තා වේ. මෙවර නිලවරණයේදී අනුබද්ධිත සංගම් 24 ක් ඡන්දය ප්‍රකාශ කිරීම සඳහා සුදුසුකම් ලැබ සිටිති. 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...