. පළමු තරග දෙකම පරාජය වෙයි | කෙළිමඬල
2018 ජූලි මස 17 වැනි අගහරුවාදා
පළමු තරග දෙකම පරාජය වෙයි
2017-05-14 17:13:37 | නාමල් පතිරගේ

තායිලන්තයේ නකෝන්හි රැට්හසීමා නුවරදී රටවල් 13 ක සහභාගීත්වයෙන් පැවැත්වෙන ආසියානු වයස 23 න් පහළ කාන්තා වොලිබෝල් තරගාවලියට සහභාගී වී සිටින ශ්‍රී ලංකාව අද (14) වන විට එතෙක් සහභාගී වී සිටි මූලික වටයේ තරග දෙකෙන්ම පරාජයට පත්ව සිටියේය. මෙම පරාජයන් දෙක හේතුවෙන් තරගාවලිය ආරම්භයේදීම අවසන් වටයේ බලාපොරොත්තු අත්හැර ගැනීමට ශ්‍රී ලංකාවට සිදු විය. 

සෙනසුරාදා (13) පැවැති පළමු තරගයෙන් ශ්‍රී ලංකාව චීන තායිපේ පිල හමුවේ වට 3-0 කින් පරාජය විය. ඒ ලකුණු 25-15, 25-14 හා 25-10 ක් වන පරිදිය. ශ්‍රී ලංකාව සිය දෙවැනි තරගයේදී කසකස්තානයට එරෙහිව ඊයේ (14 වැනිදා) තරග කළ අතර එහිදීද ශ්‍රී ලංකාවේ පරාජය වාර්තා වූයේ වට 3-0 ක් ලෙසටය.  ලකුණු 25-14, 25-08 සහ 25-12 කට එම තරගය ජය ගැනීමට එහිදී කසකස්තාන ක්‍රීඩිකාවෝ සමත්වූහ. 

කෙසේ වුවත් ශ්‍රී ලංකාවට මූලික වටයේ තවත් එක් තරගයක් ඉතිරිව තිබෙන අතර එම තරගය හෙට (15) ඕස්ටේ්‍රලියාවට එරෙහිව පැවැත්වේ. මූලික වටයේ තරග ද එයින් නිමාවට පත්වන අතර අවසන් වටයේ තරග අනිද්දා (16) ආරම්භ වීමට නියමිතය. 

හෙට තරගය ජය ගැනීමෙන් පමණක් අවසන් වටයට පිවිසීමේ අපේක්‍ෂාව ශ්‍රී ලංකාවට ඉටුකරගත නොහැකි බැවින් එතැන් සිට ඔවුන්ට සිදුවනු ඇත්තේ තරගාවලියේ ශ්‍රේණිගත කිරීමේ තරග වටයට මුහුණදීමටය. කෙසේ වුවත් ඕස්ටේ්‍රලියාව පෙරේදා පැවැති මූලික වටයේ තරගයේදී සිය පළමු තරගයෙන් කසකස්තානයට වට 3-2 කින් පරාජයට  පත්වූ අතර ඔවුන් මූලික වටයේ සහභාගී වන දෙවැනි තරගය ඊයේ රාත්‍රියේදී පැවැත්වීමට නියමිතව තිබුණි. 

මෙම තරගාවලියේ අවසන් පූර්ව තරග හා අවසන් මහා තරගය ලබන සෙනසුරාදා හා ඉරිදා (20 සහ 21) යන දිනවලදී පැවැත්වීමට කටයුතු යොදා තිබේ. 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...