. කරුණාරත්නට රජරට ස්වර්ණ සම්මානය | කෙළිමඬල
2017 සැප්තැම්බර් මස 20 වැනි බදාදා
කරුණාරත්නට රජරට ස්වර්ණ සම්මානය
2017-05-16 16:34:39 | .

ශ්‍රී ලංකාවේ දැනට සිටින එකම අන්තර්ජාතික පාපැදි විනිසුරුවරයා වන එන්. කරුණාරත්න මහතා ජනාධිපති මෛත්‍රීපාල සිරිසේන මහතා අතින් රජරට ස්වර්ණ සම්මානයෙන් පිදුම් ලැබීය. උතුරු මැද පළාත වෙනුවෙන් විශිෂ්ඨ මෙහෙවරක් කළ විවිධ ක්‍ෂේත්‍රයන්ට අයත් 28 දෙනකු සඳහා අනුරාධපුර ගෝල්ඩන් මැන්ගෝ හෝටලයේදී පැවති උත්සවයේදී කරුණාරත්න මහතා රජරට ස්වර්ණ සම්මානය හිමිකරගත්තේය. 

ශ්‍රී ලංකාවේ පමණක් නොව දකුණු ආසියාවටම දැනට සිටින එකම අන්තර්ජාතික පාපැදි විනිසුරුවරයා වන්නේ ද කරුණාරත්න මහතාය. (මාර්ග ධාවන තරග සඳහා ජාත්‍යන්තර පාපැදි විනිසුරුවන් ආසියාවට සිටින්නේ 13 දෙනකු පමණි. ඔහු හිටපු ප්‍රවීනතම පාපැදි ශූරයෙක්ද වෙයි. 

1995 දී අන්තර්ජාතික පාපැදි සම්මේලනය මෙහෙය වූ අන්තර්ජාතික පාපැදි විනිසුරු විභාගය ඉහළින්ම සමත් වෙමින් එම ධුරයට පත්වූ කරුණාරත්න මහතා එදා මෙදා තුර පැවති සියලු ආසියානු ක්‍රීඩා උළෙලවලදී ජාත්‍යන්තර පාපැදි විනිසුරුවරයකු ලෙස කටයුතු කර තිබේ. පොදුරද මඩුලු ක්‍රීඩා උළෙල ඇතුළුව ලොව ප්‍රධානතම අන්තර්ජාතික පාපැදි තරගාවලි හා ජාත්‍යන්තර මවුන්ටන් පාපැදි තරග රැසක ද විනිසුරුවරයකු ලෙස කටයුතු කිරීමට අවස්ථාව උදාකර ගත් කරුණාරත්න මහතා පවසන්නේ මේ දක්වා යුරෝපය, ආසියාව හා අප්‍රිකාව සත්කාරය දැරූ එවැනි අන්තර්ජාතික පාපැදි තරග 100කට වඩා විනිශ්චය කර ඇති බවයි. 
ශ්‍රී ලංකාවේ පාපැදි සම්මේලනයේ හිටපු සභාපතිවරයකුද වන ඔහු නොබෝදා පැවැති චීනයේ අන්තර්ජාතික පාපැදි තරගාවලිය තාක්ෂණික අධ්‍යක්ෂකවරයා ලෙසත් ඔහු කටයුතු කළේය. 

අනුරාධපුර මහ නගර සභාවේ හිටපු විපක්ෂ නායකවරයකුද වන කරුණාරත්න මහතා අනුරාධපුරය සාන්ත ජෝසප් විදුහලේ ආදි ශිෂ්‍යයෙකි. පේරාදෙණිය විශ්වවිද්‍යාලයේ උපධිධාරියෙකු වන ඒ මහතා මේ වනවිට සිලෝන් පෙට්ට්‍රෝලියම් ස්ටෝරේජ් ටර්මිනල් ලිමිටඞ් ආයතනයේ මුතුරාජවල පර්යන්තයේ ගබඩා අධිකාරීවරයෙකු ලෙස සේවය කරයි.

ජනාධිපති මෛත්‍රීපාල සිරිසේන මහතා අතින් එන්. කරුණාරත්න මහතා ‘රජරට ස්වර්ණ’ සම්මානය ලබාගත් අයුරු. කෘෂිකර්ම ඇමැති දුමින්ද දිසානායක මහතා ද ඡායාරූපයේ සිටී.


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
ක්‍රිකට් දැනුමැත්තෝ කර අරිති...
2017-09-14 22:30:22
තවත් සති දෙකකින් ආරම්භ වීමට නියමිත ශ්‍රී ලංකා - පාකිස්තානු තරගාවලියට පෙර තේරීම් කමිටුවක් පත්කරගැනීමේ අභියෝගයට මුහුණ දී සිටින ශ්‍රී...
තිසර ලෝක කණ්ඩායම දිනවයි...
2017-09-13 23:35:55
තිසර පෙරේරාගේ පිතිහරඹය සහ පන්දුයැවීම හමුවේ පාකිස්තාන කණ්ඩායමට එහෙිව ලාහෝර්හි ගඩාෆි ක්‍රීඩාංගණයේදී අද (13 වැනිදා) පැවැති දෙවැනි විස්සයි...
කාබුල් ගිය ජයසූරිය බෝම්බෙන් බේරෙයි...
2017-09-13 23:33:10
ඇෆ්ගනිස්ථානයේ කාබුල් නුවර ක්‍රිකට් ක්‍රීඩාංගණයක් අසළදී මරාගෙන මැරෙන බෝම්බකරුවකු විසින් බෝම්බයක් පුපුරවාගැනීම නිසා පොලිස් නිලධාරියෙ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...
ක්‍රිකට් දැනුමැත්තෝ කර අරිති...
හැමෝටම කළින් ක්‍රීඩා ඇමැතිවරයා සහ තිලංග ඉවත්විය යුතුයි. ඊට පස්සේ ලංකාවේ ක්‍රිකට්වලට හොඳ කලක් උදාවේවි... බැරිවෙලාවත් අර්ජුන ආවොත් සොරිම තමයි. ...
ක්‍රිකට් දැනුමැත්තෝ කර අරිති...
ඇමැතිගේ නාඩගම් එපාවෙලා වෙන්නැති ක්‍රිකට් දැනුමැත්තෝ එන්නේ නැත්තේ... ...
තිසර ලෝක කණ්ඩායම දිනවයි...
ලංකා ටීම් එක, ලංකාවේ ක්ලබ් ටීම් එකක් එක්ක සෙල්ලම් කළත් පරදිනවා. ඒක සත්තයි..!!! ...