. යසිතට පෙරළිකාර ජයක් | කෙළිමඬල
2018 මැයි මස 24 වැනි බ‍්‍රහස්පතින්දා
යසිතට පෙරළිකාර ජයක්
2017-05-16 23:09:48 | ශානුක අරවින්ද

එස්. එස්. සී. ක්‍රීඩා සමාජය සංවිධානය කරන එස්. එස්. සී. විවෘත ටෙනිස් තරගාවලියේ පිරිමි කේවල අර්ධ අවසන් පූර්ව වටයේ තරගයකදී ජාතික ශූර ශාමල් දිසානායකට එරෙහිව වට 2-0 ක පෙරළිකාර ජයක් වාර්තා කිරීමට යසිත ද සිල්වා සමත් විය.


ශාමල් දිසානායක මෙවර ඬේව්ස් කුසලාන තරගාවලියට සහභාගි වන ශ්‍රී ලංකා කණ්ඩායමට එක එල්ලේම ඇතුළත් වූ ක්‍රීඩකයෙක් වන අතර යසිත ද සිල්වා එම කණ්ඩායමට ඇතුළත් වීම සඳහා පැවැත්වෙන සුදුසුකම් ලැබීමේ තරගාවලියට සහභාගි වීමට නියමිතව සිටින ක්‍රීඩකයෙකි.


පිරිමි කේවල අර්ධ අවසන් පූර්ව වටයේ සෙසු තරග වලදී ජයග්‍රහණ අත්කර ගැනීමට හීරා අෂික්, සංඛ අතුකෝරල සහ මුෆාසල් හුසේන් යන ක්‍රීඩකයෝ සමත් වූහ. ඒ අනුව අවසන් පූර්ව වටයේදී හීරා අෂික්ට එරෙහිව සංඛ අතුකෝරලද, මුෆාසල් හුසේන්ට එරෙහිව යසිත ද සිල්වාද, තරග වැදීමට නියමිතය.


කාන්තා කේවල අර්ධ අර්ධ අවසන් පූර්ව වටයේ තරග වලදී ජයග්‍රහණ අත්කර ගනිමින් අවසන් පූර්ව වටය සඳහා සුදුසුකම් ලබා ගැනීමට රුක්ෂිකා විජේසූරිය, නිම්නා ප්‍රනාන්දු සහ රොෂෙන්කා ප්‍රනාන්දු යන ක්‍රීඩිකාවෝ සමත් වූහ. එහිදී සෙනුරි ඇලෙක්සැන්ඩර් අවසන් පූර්ව වටය සඳහා සුදුසුකම් ලබාගත්තේ ප්‍රබුද්ධි පෙරේරා හමුවේ නිතරග ජයක් ලබමිනි.


ඒ අනුව රුක්ෂිකා විජේසූරියට එරෙහිව සෙනුරි ඇලෙක්සැන්ඩර්ද, නිම්නා ප්‍රනාන්දුට එරෙහිව රොෂෙන්කා ප්‍රනාන්දුද අවසන් පූර්ව වටයේදී තරග වැදීමට නියමිතය.


මෙම තරගාවලිය ලබන 20 වැනිදා දක්වා එස්. එස්. සී. ක්‍රීඩා සමාජ ටෙනිස් පිටියේදී පැවැත්වේ.


අවසන් පූර්ව වටයේ තරග ප්‍රතිඵල

පිරිමි කේවල

හීරා අෂික් විසින් තරග වට 2-0 ක් ලෙස නිෂාංගන් නඩරාජා පරාජය කරන ලදි (7/5, 6/3)

සංඛ අතුකෝරල විසින් තරග වට 2-0 ක් ලෙස දුමිඳු දිලුම් පරාජය කරන ලදි (6/4, 6/2)

මුෆාසල් හුසේන් විසින් තරග වට 2-1 ක් ලෙස අවින්ද්‍ර පෙරේරා පරාජය කරන ලදි (6/7, 6/3, 6/2)

යසිත ද සිල්වා විසින් තරග වට 2-0 ක් ලෙස ශාමල් දිසානායක පරාජය කරන ලදි (7/5, 6/2)

 

කාන්තා කේවල

රුක්ෂිකා විජේසූරිය විසින් තරග වට 2-0 ක් ලෙස ජනාලි මනම්පේරි පරාජය කරන ලදි (6/1, 6/3)

සෙනුරි ඇලෙක්සැන්ඩර් විසින් ප්‍රබුද්ධි පෙරේරා හමුවේ නිතරග ජයක් වාර්තා කරන ලදි.

නිම්නා ප්‍රනාන්දු විසින් තරග වට 2-0 ක් ලෙස ටාරා ග්‍රේග් පරාජය කරන ලදි (7/5, 6/2)

රොෂෙන්කා ප්‍රනාන්දු විසින් තරග වට 2-0 ක් ලෙස සවිනි ජයසූරිය පරාජය කරන ලදි (7/6, 6/3)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...
චෙන්නායි පිල අවසන් තරගයට...
2018-05-22 18:53:38
හුදකලා සටනක නිරතවූ ෆැෆ් ඩු ප්ලේසීස්ගේ විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ අවසන් මහ තරගය සඳහා සුදුසුකම් ලබාගැනීමට චෙන්...