. යසිත - හීරා අවසන් ගැටුම 20 වැනිදා | කෙළිමඬල
2018 අපේ‍්‍රල් මස 25 වැනි බදාදා
යසිත - හීරා අවසන් ගැටුම 20 වැනිදා
2017-05-18 00:00:20 | ශානුක අරවින්ද

එස්. එස්. සී. ක්‍රීඩා සමාජය සංවිධානය කරන එස්. එස්. සී. විවෘත ටෙනිස් තරගාවලියේ පිරිමි කේවල අවසන් මහ තරගය සඳහා සුදුසුකම් ලබාගැනීමට යසිත ද සිල්වා සහ හීරා ආෂික් අද (17 වැනිදා) සමත් වූහ.

අවසන් පූර්ව වටයේදී තියුණු තරගයකින් අනතුරුව වට 2-1 ක් ලෙස සංඛ අතුකෝරල පරාජය කරමින් හීරා අෂික් අවසන් මහ තරගයට සුදුසුකම් ලබාගත්තේය. යසිත ද සිල්වා අවසන් මහ තරගයට සුදුසුකම් ලබාගත්තේ එහිදී මුෆාසල් හුසේන්ට එරෙහිව වට 2-0 ක් ලෙස පහසු ජයක් අත්කර ගනිමිනි.

තරගාවලියේ කාන්තා අවසන් අවසන් මහ තරගයට සුදුසුකම් ලබාගැනීමට රුක්ෂිකා විජේසූරිය සහ රොෂෙන්කා ප්‍රනාන්දු සමත් වූහ. අවසන් පූර්ව වටයේ තරග වලදී වට 2-0 ක් ලෙස සෙනුරි ඇලෙක්සැන්ඩර් පරාජය කිරීමට රුක්ෂිකා විජේසූරිය සමත් වූ අතර වට 2-0 ක් ලෙස නිම්නා ප්‍රනාන්දු පරාජය කිරීමට රොෂෙන්කා ප්‍රනාන්දු සමත් වූවාය.

ඒ අනුව යසිත ද සිල්වා සහ හීරා ආෂික් අතර පැවැත්වෙන පිරිමි අවසන් මහ තරගය මෙන්ම රුක්ෂිකා විජේසූරිය සහ රොෂෙන්කා ප්‍රනාන්දු අතර පැවැත්වෙන කාන්තා අවසන් මහ තරගයද ලබන 20 වැනිදා එස්. එස්. සී. ක්‍රීඩා සමාජ ටෙනිස් පිටියේදී පැවැත්වේ.

තරගාවලියේ කාන්තා යුගල සහ මිශ්‍ර යුගල අවසන් මහ තරගත්, පිරිමි යුගල අවසන් පූර්ව තරගත් හෙට (18 වැනිදා) පැවැත්වේ.

කාන්තා කේවල අවසන් මහ තරගයේ ප්‍රතිවාදීන් වන රුක්ෂිකා විජේසූරිය සහ රොෂෙන්කා ප්‍රනාන්දු කාන්තා යුගල අවසන් තරගයේදී නිම්නා ප්‍රනාන්දුට සහ ජනාලි මනම්පේරිට එරෙහිව තරග වැදීමට නියමිතය.

පිරිමි කේවල අවසන් මහ තරගය සඳහා සුදුසුකම් ලබා සිටින යසිත ද සිල්වා, හිටපු ජාතික ශූරියක වන අම්රිතා මුත්තයියා සමග එක්ව මිශ්‍ර යුගල අවසන් මහ තරගයේදී සංඛ අතුකෝරලට සහ සෙනුරි ඇලෙක්සැන්ඩර්ට එරෙහිව තරග වැදීමට සූදානමින් සිටියි.

සංඛ අතුකෝරල සහ යසිත ද සිල්වා පිරිමි යුගල ඉසව්වේ පළමු අවසන් පූර්ව තරගයේදී දිනේෂ්කාන්තන් තංගරාජාට සහ අවින්ද්‍ර පෙරේරාට එරෙහිව තරග වැදීමට නියමිත අතර ප්‍රසන්න අතාවුද සහ සුරේන් බාලචන්ද්‍රන් දෙවැනි අවසන් පූර්ව තරගයේදී රුක්මාල් කුරේට සහ එන්. එස්. නිෂේන්ද්‍රන්ට එරෙහිව තරග වැදීමට නියමිතය.

අවසන් පූර්ව වටයේ තරග ප්‍රතිඵල

පිරිමි කේවල

  • හීරා අෂික් විසින් තරග වට 2-1 ක් ලෙස සංඛ අතුකෝරල පරාජය කරන ලදි. (6/3, 5/7, 7/6)
  • යසිත ද සිල්වා විසින් තරග වට 2-0 ක් ලෙස මුෆාසල් හුසේන් පරාජය කරන ලදි. (6/3, 6/1)

කාන්තා කේවල

  • රුක්ෂිකා විජේසූරිය විසින් තරග වට 2-0 ක් ලෙස සෙනුරි ඇලෙක්සැන්ඩර් පරාජය කරන ලදි. (6/0, 6/1)
  • රොෂෙන්කා ප්‍රනාන්දු විසින් තරග වට 2-0 ක් ලෙස නිම්නා ප්‍රනාන්දු පරාජය කරන ලදි. (6/2, 6/3)

කාන්තා යුගල

  • රොෂෙන්කා ප්‍රනාන්දු සහ රුක්ෂිකා විජේසූරිය විසින් තරග වට 2-0 ක් ලෙස කේමාලි හේරත් සහ ශෙනාලී වීරසේකර පරාජය කරන ලදහ. (6/2, 6/4)
  • නිම්නා ප්‍රනාන්දු සහ ජනාලි මනම්පේරි විසින් තරග වට 2-0 ක් ලෙස සෙනුරි ඇලෙක්සැන්ඩර් සහ සවිනි ජයසූරිය පරාජය කරන ලදහ. (6/3, 6/2)

මිශ්‍ර යුගල

  • යසිත ද සිල්වා සහ අම්රිතා මුත්තයියා විසින් තරග වට 2-0 ක් ලෙස නුවන් ජයවික්‍රම සහ කේමාලි හේරත් පරාජය කරන ලදහ. (6/3, 6/1)
  • සංඛ අතුකෝරල සහ සෙනුරි ඇලෙක්සැන්ඩර් විසින් තරග වට 2-1 ක් ලෙස හීරා අෂික් සහ ජනාලි මනම්පේරි පරාජය කරන ලදහ. (5/7, 6/4, 10/8)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
කොල්කටා පිලට කඩුලු 7 ක ජයක්...
2018-04-18 20:08:08
අයි.පී.එල් ක්‍රිකට් තරගාවලියේ 15 වැනි තරගය ලෙස රාජස්ථාන් රෝයල්ස් කණ්ඩායම සහ කොල්කටා නයිට් රයිඩර්ස් කණ්ඩායම අතර ජායීපූර්හිදී අද (18 වැන...
තිසර පෙරේරා ලෝක කණ්ඩායමට...
2018-04-20 17:54:03
බටහිර ඉන්දීය කොදෙව් කණ්ඩායම හා ලෝක විස්සයි-20 කණ්ඩායම අතර මැයි 31 වැනිදා ලෝඞ්ස්හීදී පැවැත්වීමට නියමිත විස්සයි-20 තරගය සදහා ක්‍රීඩා කිර...
රාජස්ථාන් පිල කඩුලු 3 කින් ජය ගනියි...
2018-04-22 22:13:33
ඉන්දීය ප්‍රිමියර් ලීග් තරගාවලියේ (2018) 21 වැනි තරගය ලෙස රාජස්ථාන් රෝයල්ස් කණ්ඩායම සහ මුම්බායි ඉන්දියන්ස් කණ්ඩායම අතර ජායිපූර්හිදී අද ...