. රෙඩ් ලයන්ස් ක්‍රීඩා සමාජය කුසලාන දිනයි | කෙළිමඬල
2018 අපේ‍්‍රල් මස 25 වැනි බදාදා
රෙඩ් ලයන්ස් ක්‍රීඩා සමාජය කුසලාන දිනයි
2017-05-18 20:25:53 | කරන්දෙණිය එම්. සුසිල් ප්‍රියන්ත

ගාල්ල ගිංතොට කුරුඳුවත්ත එක්සත් ක්‍රීඩා සමාජය සංවිධානය කළ සංජීව් කරුණාතිලක අභියෝග ශූරතා සත්සාමාජික පාපන්දු තරගාවලියේදී ගාල්ල රෙඞ් ලයන්ස් ක්‍රීඩා සමාජය විසින් ශූරතාව සමග රුපියල් 75,000 ක මුදල දිනා ගන්නා ලදී. ගාල්ල ගිංතොට සහිරා ජාතික පාසල් ක්‍රීඩාංගණයේ පැවැති මේ පාපන්දු තරගාවලියේ අනුශූරතාව හිමිකරගත් ගම්පොළ ඒ.ඕ.එම්. ක්‍රීඩා සමාජයට රුපියල් 40,000 මුදලක්ද පිරිනැමිණ.

සත් සාමාජික පාපන්දු ක්‍රීඩා සමාජ 24ක් අතරේ පැවැති මේ තරගාවලියේ දී අවසන් පූර්ව වටයට ගාල්ල රෙඞ් ලයන්ස්, පානදුර සෙවන්ස්, කුරුඳුවත්ත එක්සත්, ගම්පොළ ඒ.ඕ.එම්. ක්‍රීඩා සමාජ හතර තේරීපත් වූහ. අවසන් පූර්ව වටයේ තරගයේ දී ගාල්ල රෙඞ් ලයන්ස් ක්‍රීඩා සමාජය විසින් කුරුඳුවත්ත එක්සත් ක්‍රීඩා සමාජය ද ගම්පොල ඒ.ඕ.එම්. ක්‍රීඩා සමාජය විසින් පානදුර සෙවන්ස් ක්‍රීඩා සමාජය ද පරාජය කරමින් අවසන් මහා තරගය සඳහා සුදුසුකම් ලබාගත්හ.

ගාල්ල රෙඞ් ලයන්ස් ක්‍රීඩා සමාජය හා ගම්පොල ඒ.ඕ.එම්. ක්‍රීඩා සමාජය පැවැති අවසන් තරගය ගෝල 1-1 ක් ලෙසින් සමවිය. අනතුරුව පැවැති දඬුවම් පහර ගැසීමේදී 1-0 ක් ලෙස රෙඞ් ලයන්ස් විසින් ඒ.ඕ.එම්. පරාජය කරන ලදි.

එහිදී තරගාවලියේ දක්ෂතම ක්‍රීඩකයා ලෙස ගාල්ල ලයන්ස් ක්‍රීඩා සමාජයේ සී. කවිඳුද දක්ෂතම දැල් රකින්නා ලෙස එම ක්‍රීඩා සමාජයේ නායක මොහොමඞ් නියාස්ද සම්මාන දිනාගත්හ. තරගාවලියේ ජය සංකේත ප්‍රදානෝත්සවය දකුණු පළාත් සභා මන්ත්‍රී සංජීව් කරුණාතිලක, බෝපේ පෝද්දල ප්‍රාදේශීය සභාවේ හිටපු විපක්ෂ නායක හුසේන් කියාස් යන මහත්වරුන්ගේ ප්‍රධානත්වයෙන් පැවැත්විණි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
කොල්කටා පිලට කඩුලු 7 ක ජයක්...
2018-04-18 20:08:08
අයි.පී.එල් ක්‍රිකට් තරගාවලියේ 15 වැනි තරගය ලෙස රාජස්ථාන් රෝයල්ස් කණ්ඩායම සහ කොල්කටා නයිට් රයිඩර්ස් කණ්ඩායම අතර ජායීපූර්හිදී අද (18 වැන...
තිසර පෙරේරා ලෝක කණ්ඩායමට...
2018-04-20 17:54:03
බටහිර ඉන්දීය කොදෙව් කණ්ඩායම හා ලෝක විස්සයි-20 කණ්ඩායම අතර මැයි 31 වැනිදා ලෝඞ්ස්හීදී පැවැත්වීමට නියමිත විස්සයි-20 තරගය සදහා ක්‍රීඩා කිර...
රාජස්ථාන් පිල කඩුලු 3 කින් ජය ගනියි...
2018-04-22 22:13:33
ඉන්දීය ප්‍රිමියර් ලීග් තරගාවලියේ (2018) 21 වැනි තරගය ලෙස රාජස්ථාන් රෝයල්ස් කණ්ඩායම සහ මුම්බායි ඉන්දියන්ස් කණ්ඩායම අතර ජායිපූර්හිදී අද ...