. මගේ බලාපොරොත්තුව හොඳ අවසානයක් | කෙළිමඬල
2017 සැප්තැම්බර් මස 23 වැනි සෙනසුරාදා
මගේ බලාපොරොත්තුව හොඳ අවසානයක්
2017-05-18 21:18:50 | යොහාන් භාසුර, මැලේසියාවේ ඉපෝ නුවර සිට...

සුපුරුදු දස්කම් දැක්වීමේ රහස රග්බි ක්‍රීඩාවට කළ කැපකිරීම බව මැලේසියාවේ ඉපෝහිදී පැවැත්වෙන ආසියානු පළමු කොටසේ රග්බි තරගාවලියට සහභාගි වී සිටින ශ්‍රී ලංකා පිලේ ජ්‍යෙෂ්ඨතම ක්‍රීඩකයා වන ෆ්ලයි හාෆ් ක්‍රීඩක ෆාෂීල් මරීජා දෙවැනි තරගයෙන් පසුව පැවසීය.

මෙම තරගාවලියෙන් පසුව ප්‍රධාන රග්බි පිලෙන් සමුගන්නා මරීජා ‘ලංකාදීප’ය සමඟ විශේෂ සාකච්ඡාවකට සම්බන්ධවෙමින් මෙසේ ද පැවසීය.

“මම ඒදා වගේම අදත් දස්කම් අතර ඉන්නේ රග්බි ක්‍රීඩාව වෙනුවෙන් කරලා තියෙන කැප කිරීම නිසයි. වෙන හේතුවක් නෑ”

“මෙම තරගාවලියේ මැලේසියාවට එරෙහිව පැවැත්වෙන අවසන් තරගයත් හොඳට ක්‍රීඩා කරලා ප්‍රධාන කණ්ඩායමෙන් සමුගන්න තමයි බලාපොරොත්තුවෙන් ඉන්නේ”

එක්සත් අරාබි එමිර් රාජ්‍ය පිලට එරෙහිව සැළසුම්සහගතව ක්‍රීඩා කළ අකාරය මෙහිදී මරීජා විස්තර කළේය.

“මම එම කණ්ඩායමේ සිටි දැවැන්ත ක්‍රීඩකයන් වගේ ක්‍රීඩකයොත් එක්ක ක්‍රීඩා කරලා තියෙනවා. අපිට පළමු විනාඩි 15 හෝ 20 තමයි ඔවුන්ව පාලනය කරගන්න ඕන වුණේ. ඊට පසුව සෙමින් සෙමින් ඉදිරියට ඇවිල්ලා ගහන්න පු`ඵවන්. අපේ සැළැස්ම වුණෙත් පළමු විනාඩි 20 ඉදිරියෙන් ඉන්න. ඊට පසුව සෙමින් ගිහින් තරගය ජය ගන්න”

“අපේ සැළසුම තිබුණේ ඒ ක්‍රීඩකයෝ ශරීර ප්‍රමාණයෙන් විශාල නිසා ක්‍රීඩාංගණයේ කොන් දෙකෙන් ක්‍රීඩා කරන්න. ඒක සාර්ථක වුණා. අපි මේ සියලු දෙනා ගොඩක් කල් එකට ක්‍රීඩා කරලා තියෙනවා. මට ඒ අවබෝදය තියෙනවා. අත්දැකීම් එක්ක තමයි එය සාර්ථක වුණේ” යැයි තීරණාත්මක උත්සාහක දිනුම පිළිබඳව මරීජා පැවසීය.

“අපි තනි තනියෙ ක්‍රීඩා කළේ නෑ. කණ්ඩායමක් හැටියටයි ක්‍රීඩා කළේ. කණ්ඩායමේ ක්‍රීඩකයෝ 22 කම හොඳට ක්‍රීඩා කිරීම නිසා තමයි අපි ජය ලැබුවේ”

“අපේ දක්‍ෂතාව හදලා තියෙනවා. සෙසු කණ්ඩායම්වලට වඩා ශක්තිය හොඳයි. ඒ වගේම වේගය තියෙනවා. අපි ක්‍රීඩා කළේ අපේ පුහුණුකරුවො දිපූ සැළැස්මට තමයි”

දැඩි හිරු රෂ්මිය මධ්‍යයේ ක්‍රීඩා කිරීමේ රහස ද මරීජා මෙහිදී හෙළි කළේය.

“දවල් 2 ට තරගය පැවැත්වුණේ. අපි ලංකාවේදී ඒ වෙලාවේ පුහුණුවීම් කිරීම නිසා එය අපිට පහසුවක් වුණා. මම හිතන්නෙ නෑ එක්සත් අරාබි කණ්ඩායම ඒ වෙලාවට පුහුණුවීම් කරලා ඇති කියලා. අපේ ශාරීරික යෝගතාව හොඳයි, ඒ නිසා තමයි දෙවැනි අර්ධයේ අපි සාර්ථක වුණේ”

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
හර්දික් පාණ්ඩ්‍යා ඉන්දියාවට ජය ගෙනෙයි...
2017-09-17 18:40:28
හර්දික් පාණ්ඩ්‍යා (83) සහ මහේන්ද්‍ර සිං දෝනි (79) එක්ව හයවැනි කඩුල්ල සදහා පැවැත්වූ ලකුණු 118 ක සම්බන්ධතාවය හේතුවෙන් චෙන්නායිහිදී අ...
ක්‍රිකට් ක්‍රීඩකයෝ පරීක්‍ෂණයක් ඉල්ලති...
පරීක්ෂණයක් තියනවා නම් ඒක සී.අයි.ඩී. එකට දෙන්න ඕනෑ. ඒ වගේම හැම ක්‍රීඩකයෙක්ගේම වත්කම් විගණනය කරන්නත් ඕනෑ. ක්‍රිකට් ආයතනයෙන් පරීක්ෂණයක් තියනවා කියන්නේ ...
මැතිව්ස්ට පළමු ටෙස්ට් තරගය අහිමි වෙයි...
ලෙඩ්ඩු නැති ටීම් එකක් හදාගන්න බැරිද? වෙන කවුරු හරි දාලා... මේක කරන්න. එයා සනීප වෙනකම් වත්. අනික මෙයා මැච් එකකට කලින් දවසේ ලෙඩ වෙනවා. ලෙඩ ගුහාවක්නේ... ...
උපුල් තරංග ...
ඔව්, අපිට අපේ ක්‍රිකට් ආපහු ඕනේ... අපි අයට උදව් කරනවා. අතීතය අමතක කරලා සැබෑ සිංහයන් ලෙසින් වැඩ පෙන්වන්න. ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...