. කාගිල්ස් එෆ්.ඒ. කුසලාන යුද හමුදාවට | කෙළිමඬල
2018 ජූනි මස 22 වැනි සිකුරාදා
කාගිල්ස් එෆ්.ඒ. කුසලාන යුද හමුදාවට
2017-05-20 22:06:32 | සුසිල් ප්‍රේමලාල්


 

ශ්‍රී ලංකා යුද හමුදා පාපන්දු කණ්ඩායම පිට පිටම දෙවන වරටත් කාගිල්ස් එෆ්.ඒ. කුසලාන දිනාගත්තේය. 

කොළඹ සුගතදාස ක්‍රීඩාංගණයේ අද පැවැති (20) එෆ්.ඒ. කුසලාන අවසන් තරගයේදී පෙරළිකාර ජාවාලේන් කණ්ඩායම ගෝල 5-1   කින් පරාජය කරමින් යුද හමුදා කණ්ඩායම එම ශූරතාව දිනාගැනීමට සමත්විය. 

ශ්‍රී ලංකා යුද හමුදාව එෆ්.ඒ. කුසලාන දිනාගත් 5 වැනි අවස්ථාව මෙය වන අතර, මීට පෙර 1961, 2011, 2013 සහ 2016 යන වසරවලදී එම කුසලාන දිනාගැනීමට සමත්වී ඇත. අනුශූරයින් වූ ජාවාලේන් කණ්ඩායම වසර 49ක ඔවුන්ගේ පාපන්දු ඉතිහාසයේ එෆ්.ඒ. කුසලාන අවසන් තරගයකට සහභාගී වූ ප්‍රථම අවස්ථාව මෙන්ම අනුශූරතාවක් දිනාගත් ප්‍රථම අවස්ථාවද මෙය විය. 

විශාල ප්‍රේක්ෂක පිරිසක් මධ්‍යයේ පැවැති යුද හමුදා - ජාවාලේන් අවසන් තරගය තියුණු මුහුණුවරක් ගනු ඇතැයි නරඹන්නන් බලාපොරොත්තු වුවද එම බලාපොරොත්තු සුන් කරමින් යුද හමුදා කණ්ඩායම ජයග්‍රාහී තරග විලාසයක් පෙන්නුම් කළ අතර, පළමු භාගය අවසන් වන විට යුද හමුදා කණ්ඩායම ගෝල 2-0 ක් ලෙස ඉදිරියෙන් සිටියේය. 

යුද හමුදා කණ්ඩායම වෙනුවෙන් මොහොමඞ් ඉසඩීන් ගෝල 2ක්ද (12 සහ 80 මිනිත්තුවලදී), එම්.ඒ.ඒ. රහුමාන් ගෝල 2ක්ද (44 සහ 50 මිනිත්තුවලදී) වාර්තාකළ අතර සුජිත් කුමාර 57වන මිනිත්තුවේදී ගෝලයක් වාර්තා කළේය.
අනුශූර ජාවාලේන් කණ්ඩායම වෙනුවෙන් එකම ගෝලය වාර්තා කරන ලද්දේ ජූඞ් නිකලස් විසිනි. එම ගෝලය තරගයේ 92 වන මිනිත්තුවේදී වාර්තා විය.

මෙම තරගාවලියේදී ගෝල 9ක් වාර්තා කළ යුද හමුදා කණ්ඩායමේ මොහොමඞ් ඉසඩීන් රන් පාවහන් සම්මානයෙන්ද, එම කණ්ඩායමේ නායක සහ දැල් රකින්නා වන ඩබ්ලිව්.එන්.කේ. සිරිසේන දක්ෂතම ක්‍රීඩකයා ලෙසත් සම්මාන ලැබූහ. 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...