. නවෝද්‍යාට ලෝකඩ පදක්කමක් | කෙළිමඬල
2017 දෙසැම්බර් මස 13 වැනි බදාදා
නවෝද්‍යාට ලෝකඩ පදක්කමක්
2017-05-23 21:46:25 | ‍සුසිල් ප්‍රේමලාල්

දෙවැනි ආසියානු යොවුන් මලල ක්‍රීඩා තරගාවලියේ අවසන් දිනය වූ ඊයේ (23දා) මීටර් 400 කඩුළු බාලක අවසන් ඉසවුවට සහභාගි වූ ගාල්ලේ මහින්ද විදුහලේ නවෝද්‍ය සංකල්ප එම ඉසවුවේ ලෝකඩ පදක්කම දිනා ගැනීමට සමත් විය.

නවෝද්‍ය සංකල්ප මෙම ඉසවුව ත 53.86 කින් අවසන් කිරීමට සමත් වූ අතර එහි  රන් පදක්කම ඉන්දුනීසියාවේ හෙලෝමෝන් එඞ්වින් (ත. 51.96) විසින් දිනා ගන්නා ලදී.

නවෝද්‍ය සංකල්ප ලෝක ශූරතා යොවුන් මලල ක්‍රීඩා තරගාවලියට සහ පොදු රාජ්‍ය මණ්ඩලීය යොවුන් ක්‍රීඩා උළෙලට සුදුසුකම් ලබා සිටින ක්‍රීඩකයෙකි.

මේ අතර ඊයේ මීටර 200 බාලක අවසන් තරගයට සහභාගි වූ ශා. බෙනඩික්ට් විදුහලේ සන්තුෂ් වීරසිංහ 4 වැනි ස්ථානයටත් (ත. 21.92) එහි බාලිකා ඉසවුවට  සහභාගි වූ ලයිසියම් ජාත්‍යන්තර පාසලේ සචිනි දීව්‍යාංජලී 8 වැනි ස්ථානයටත් (ත. 25.54) සහ හලාවත ශා. මේරි විදුහලේ චාරුක රුක්ෂාන් හෙල්ල ඉසවුවෙන් 9 වැනි ස්ථානයටත් (මීටර 58.35) පත්වූහ.

ශ්‍රී ලංකාවට පදක්කම් බලාපොරොත්තු වූ මීටර 2000 බාධක ඉසවුව ඊයේ නියෝජනය කිරීමට සුදානම්ව සිටි කුලියාපිටිය මැදිමහ විදුහලේ අශ්විකා හේරත්ට තරගාවලියේ නීතිමය ප්‍රශ්නයක් මත එම ඉසවුව සහභාගිවීමේ අවස්ථාව මගහැරී ඇත. අශ්විකාගේ නිත්‍ය තරග ඉසවුව මීටර 2000 බාධක වන නමුදු ඇය මෙම තරගාලියේදී මීටර් 3000 ඉසවුවටද සහභාගිවීම නිසා අදාළ නීතිමය ප්‍රශ්නය මතුවී ඇත.

ආසියානු යොවුන් මලල ක්‍රීඩා තරගාවලියේ  තරග කීපයක් අනුව කිසිදු ක්‍රීඩිකාවකට මීටර් 200 ඉසවුවෙන් එපිට තරග ඉසව් දෙකකට සහභාගි විය නොහැක.

මේ අතර එක් රිදී පදක්කමක් (හර්ෂ කරුණාරත්න මීටර් 800) සහ ලෝකඩ පදක්කමක් දිනූ ශ්‍රී ලංකා මලල ක්‍රීඩා කණ්ඩායමට 17 වැනි ස්ථානය හිමිවී ඇත. රන් පදක්කම් 16ක් දිනා චීනය ප්‍රථම ස්ථානය ද රන් පදක්කම් 6ක් දින චීන තායිපේ දෙවැනි ස්ථානයද රන් පදක්කම් දිනූ ඉන්දියාව තුන්වැනි ස්ථානයද දිනා ගන්නා ලදී.

ක්‍රීඩකයින් 9 ක් සහ ක්‍රීඩිකාවන් 3ක් ශ්‍රී ලංකා කණ්ඩායමට ඇතුළත් විය.


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දෝනිව දවාගත්තා නම්......
2017-12-11 19:04:24
වසර 17 ක වාර්තාවක් අලුත් කිරීමට තිබූ අනගි අවස්ථාවක් මහේන්ද්‍ර සිං දෝනි විසින් වළක්වන ලදි. ඉන්දීය කණ්ඩායම සිය මවුබිමේ පැවැති...
ශ්‍රී ලංකාවට කඩුලු 7 ක ජයක්...
2017-12-10 11:50:11
පරාජයන් වැළකට තිත තබමින් සුරංග ලක්මාල් ඇතුළු ශ්‍රී ලංකා පන්දු යවන්නන්ගේ විශිෂ්ට පන්දු යැවීම හමුවේ ධර්මසාලාහිදී අද (10 ව...
චන්දිමාල් - මැතිව්ස් ඉහළ නගිති...
2017-12-07 17:31:49
අන්තර් ජාතික ක්‍රිකට් සභාවේ නවතම ශ්‍රේණිගත කිරීම්වලට අනුව ටෙස්ට් පිතිකරුවන් අතර 9 වැනි ස්ථානය දක්වා ඉහළ නැගීමට ශ්‍රී ලංකා ටෙස්...
ශ්‍රී ලංකාව පීඩනයෙන් මිදෙයි...
2017-12-12 21:13:18
පන්ජාබයේ මොහාලි නුවරදී හෙට (13 වැනිදා) පැවැත්වෙන දෙවැනි එක්දින තරගයේදී තමන් පීඩනයෙන් මිදී ඇතැයි ශ්‍රී ලංකා නායක තිසර පෙරේරා කියයි. එස්...