. මලල ක්‍රීඩා නිලවරණයට එරෙහිව පැමිණිල්ලක් | කෙළිමඬල
2017 ඔක්තෝබර් මස 18 වැනි බදාදා
මලල ක්‍රීඩා නිලවරණයට එරෙහිව පැමිණිල්ලක්
2017-05-27 21:01:58 | සුසිල් ප්‍රේමලාල්

මෙම 30 වැනිදා කොළඹ ජාතික පුස්තකාල ශ්‍රවණාගාරයේ පැවැත්වීමට නියමිත ශ්‍රී ලංකා මලල ක්‍රීඩා සංගමයේ මහ සභාව සහ නිලවරණය අධිකරණයට ගොනුකර ඇති පැමිණිල්ලක් හේතුවෙන් කල්දැමීමට සිදුවනු ඇතැයි වාර්තා වේ.

මෙවර නිලවරණයේදී තනතුරු අපේක්ෂකයින්ට බලවත් අසාධාරණයක් සිදුවී ඇතැයි සඳහන් කරමින් මලල ක්‍රීඩා නිලවරණය පැවැත්වීමට එරෙහිව වාරණ නියෝගයක් පනවන ලෙස ඉල්ලා ජාතික මට්ටමේ හිටපු ක්‍රීඩකයන් දෙදෙනෙකු ඉකුත් සිකුරාදා (26දා) අධිකරණයට පෙත්සමක් ඉදිරිපත් කර තිබේ.

මෙවර මලල ක්‍රීඩා නිලවරණයට නාමයෝජනා ඉදිරිපත් කර ඇති අපේක්ෂකයින්ට ක්‍රීඩා පනතට අනුව තිබිය යුතු සුදුසුකම් සම්බන්ධයෙන් මලල ක්‍රීඩා නිලවරණ මණ්ඩලයට යොමුකොට ඇති විරෝධතා සැලකිල්ලට නොගැනීම හේතුවෙන් මෙම පෙත්සම ඉදිරිපත් කර තිබේ.

මෙම තත්ත්වය යටතේ මලල ක්‍රීඩා නිලවරණය පැවැත්වීම සම්බන්ධව ව්‍යාකූල තත්වයක් හටගෙන ඇතැයි දැනගන්නට ඇත. පෙත්සම්කරුවන් විසින් ඉදිරිපත් කරන ලද පැමිණිල්ල සම්බන්ධව මෙම 29 වැනිදා (සඳුදා) අධිකරණයේ තීරණය ප්‍රකාශයට පත්කිරීමට නියමිත බවද දැනගන්නට තිබේ.

යම් අයුරකින් මලල ක්‍රීඩා නිලවරණය සඳහා අධිකරණය මගින් වාරණ නියෝගයක් පැනවුවහොත් ඉදිරියේ පැවැත්වීමට නියමිත ජාත්‍යන්තර මලල ක්‍රීඩා තරගාවලි දෙකකට (ආසියානු ජ්‍යෙෂ්ඨ මලල ක්‍රීඩා තරගාවලිය සහ ලෝක ශූරතා ජ්‍යෙෂ්ඨ මලල ක්‍රීඩා තරගාවලිය) ශ්‍රී ලංකා ක්‍රීඩක ක්‍රීඩිකාවන් සහභාගී කිරීමේ අවස්ථාවද මගහැරී යනු ඇතැයි තතුදත් ආරංචි මාර්ග හෙළිකරයි.

නිලවරණයට එරෙහිව වාරණ නියෝගයක් ප්‍රකාශයට පත්කළ හොත් මලල ක්‍රීඩාවේ ඉදිරිපරිපාලන කටයුතු ගෙනයාම සඳහා ක්‍රීඩා අමාත්‍යාංශයට අතුරු පාලන කමිටුවක් පත්කිරීමට සිදුවන අතර එහි වලංගුභාවය සම්බන්ධව ජාත්‍යන්තර මලල ක්‍රීඩා සම්මේලනයට තීන්දුවක් ගැනීමට සිදුවනු ඇත.


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාවට අලුත් බලාපොරොත්තුවක්...
2017-10-12 20:44:46
කොහේදෝ තැනකින් සොයාගෙන ආ “නැවතත් එකමුතු වීමේ ශක්තිය” සමගින් පිටියට පිවිසෙන ශ්‍රී ලංකා කණ්ඩායමට එරෙහිව පාකිස්තානයට ඇත්තේ එක...
රුමාන් - හසන් ශ්‍රී ලංකාව මෙල්ල කරති...
2017-10-13 21:15:34
කලාතුරෙකින් දැකගතහැකි ආකාරයේ වේග පන්දු යැවීමකින් පිතිකරුවන් අසරණ කර දැමූ රුමාන් රයීස් සහ හසන් අලී ප්‍රමුඛ පාකිස්තානුවෝ ඩුබායිහිදී අද (...
පාකිස්තානයට ලකුණු 32 ක ජයක්...
2017-10-16 23:00:31
සිය කණ්ඩායම ජයටැඹ කරා ගෙනයාමට නායක උපුල් තරංග බලවත් උත්සාහයක් ගත් නමුත් අබුඩාබිහි ෂෙයික් සහීඞ් ක්‍රීඩාංගණයේදී අද (16 වැනිදා) පැවැති දෙ...
ජයසූරිය - තරංග වාර්තාව නූලෙන් බේරෙයි...
2017-10-16 17:02:47
ක්වින්ටින් ඩි’කොක් සහ හසිම් අම්ලා එක්ව පළමු කඩුල්ල වෙනුවෙන් ගොඩනැගූ වාර්තාගත සම්බන්ධතාව හමුවේ සංචාරක බංග්ලාදේශ කණ්ඩායමට එරෙහිව පැවැත...