. රොටැක්ස් මැක්ස් III අදියරේ ශූරයා එෂාන් | කෙළිමඬල
2018 ජූලි මස 16 වැනි සඳුදා
රොටැක්ස් මැක්ස් III අදියරේ ශූරයා එෂාන්
2017-05-30 19:51:45 | .

රොටැක්ස් මැක්ස් අභියෝග කුසලාන ආසියානු කාර්ටින් ශූරතාවලියේ තෙවැනි අදියරේ ශූරතාව දිනාගැනීමට ශ්‍රී ලංකාවේ එෂාන් පීරිස් සමත් විය. මෙරට නැගී එන මෝටර් රථ ක්‍රීඩකයකු වන එෂාන් පීරිස් එම ශූරතාව දිනාගත්තේ එවන් දස්කමක් දැක්වූ පළමු ශ්‍රී ලාංකිකයා බවටද පත්වෙමිනි.

ගල්කිස්ස සාන්ත තෝමස් විද්‍යාලයේ ආදි ශිෂ්‍යයකු වන එෂාන්, මැලේසියාවේ මොනෑෂ් විශ්ව විද්‍යාලයේ දෙවැනි වසරේ උපාධි අපේක්ෂකයකු වේ. ඔහු මැලේසියාවේ ආර්. එල්. කාර්ටින් කණ්ඩායම නියෝජනය කරමින් මෙම තරගාවලිය සඳහා සහභාගි විය.

එහිදි සිය ජයග්‍රහණය පිළිබඳව අදහස් දක්වමින් එෂාන් කියා සිටියේ රොටැක්ස් මැක්ස් අභියෝග කුසලාන ආසියානු කාර්ටින් තරගාවලියේ තෙවැනි අදියරේදී තමා ලැබූ ජයග්‍රහණය ඉතාම විශ්මයජනක බවයි.

“ආර්. එල්. කාර්ටින් කණ්ඩායමෙන් සහ මගේ තාක්ෂණ ශිල්පී රිචර්ඞ් රාජ් වගේම මගේ කලමණාකරු ඒරන් ලිම් නොමැතිනම් මට මේ ජයග්‍රහණය ලබා ගැනීමට හැකි වෙන්නේ නැහැ. ඒ වගේම හැම විටම මා දිරිමත් කළ මගේ දෙමව්පියන්ටත් මම මේ අවස්ථාවේදී ස්තූතිය පුද කර සිටිනවා.” යැයි එෂාන් පැවසීය.

එහිදී තව දුරටත් අදහස් දැක්වූ එෂාන් කියා සිටියේ තමාගේ මීලඟ බලාපොරොත්තුව 2017 වසරේ ආසියානු ශූරතාව දිනාගැනීම බවයි.

ලොව ප්‍රවීණ මෝටර් රථ ක්‍රීඩකයන් රැසක් සහභාගි වූ මෙම තරගාවලිය මැලේසියාවේ ‘එලයීට් ප්ලස් ස්පීඞ්වේ’ ධාවන පථයේදී පැවැත්විණ.


-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගේ දස්කම් අපතේ යයි ...
2018-07-09 18:38:07
කැනඩාවේදී පැවැත්වෙන ග්ලෝබල් විස්සයි20 ක්‍රිකට් තරගාවලියේ 15 වැනි තරගය ලෙස ලසිත් මාලිංග නායකත්වය දරන මොන්ට්‍රේල් ටයිගර්ස් කණ්ඩායමට ...
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...