. මැතිව්ස්ට දකුණු අප්‍රිකා තරගය අහිමි වන ලකුණු | කෙළිමඬල
2018 පෙබරවාරි මස 24 වැනි සෙනසුරාදා
මැතිව්ස්ට දකුණු අප්‍රිකා තරගය අහිමි වන ලකුණු
2017-06-01 15:40:27 | ..

ශ්‍රී ලංකාව සහ දකුණු අප්‍රිකාව අතර සෙනසුරාදා (3 වැනිදා) පැවැත්වෙන ශූරයන්ගේ කුසලාන තරගයට ක්‍රීඩා කිරීමේ අවස්ථාව ශ්‍රී ලංකා නායක ඇන්ජලෝ මැතිව්ස්ට අහිමි වනු ඇතැයි වාර්තා වේ. පාදයේ කළව මස්පිඬුවේ ඉරීයාමක් හේතුවෙන් මැතිව්ස්ට මෙම තරගය අහිමි වන බව ශ්‍රී ලංකා ක්‍රිකට් මාධ්‍ය නිවේදනයකින් කියැවේ. 

පාදයේ කලව පසුපස මස්පිඬුවේ ආබාධයක් හේතුවෙන් පසුගිය ජනවාරි මාසයේ සිටම ඇන්ජලෝ මැතිව්ස්ට අන්තර්ජාතික තරග වලට සහභාගි විය නොහැකි විය. අයි. පී. එල්. තරගාවලියේ තරග කිහිපයක්ද ඔහුට මඟහැරුණ නමුත් ශූරයන්ගේ කුසලාන තරගාවලියට කණ්ඩායම නම් කිරීමේදී ඔහු මනා ශාරීරික යෝග්‍යතාවකින් සිටියේය. 

ඕස්ට්‍රේලියාවට එරෙහිව පැවැති පෙරහුරු තරගයේදී ලකුණු 95 ක් ලබාගැනීමටද මැතිව්ස් සමත් වූයේය. 

“පාදයේ මස්පිඬුවක වේදනාවක් සම්බන්ධයෙන් මැතිව්ස් කියමින් හිටියා. ඒ සම්බන්ධයෙන් ස්කෑන් පරීක්‍ෂණයක් කළ අවස්ථාවේදී හෙළිදරව් වූයේ මස්පිඬුවේ සුළු ඇදීමක් තිබෙන බවයි” යයි ශ්‍රී ලංකා ක්‍රිකට් ආයතනය විසින් නිකුත් කරන ලද නිවේදනයකින් කියැවිණ. 

“මැතිව්ස්ගේ සුවවීම සම්බන්ධයෙන් කණ්ඩායම් කළමණාකාරීත්වය දිගින් දිගටම අවධානයෙන් පසුවන අතර බොහෝ විට දකුණු අප්‍රිකාවට එරෙහිව පැවැත්වෙන තරගය ඔහුට අහිමි වීමට ඉඩ තිබේ” යයිද එම නිවේදනයෙන් කියැවේ. 

ශ්‍රී ලංකාව සහ දකුණු අප්‍රිකාව අතර ලන්ඩන් ඕවල් පිටියේදී පැවැත්වෙන තරගයට මැතිව්ස් ක්‍රීඩා නොකරන්නේ නම් උපුල් තරංග එම තරගයේදී ශ්‍රී ලංකා පිල මෙහෙයවීමට නියමිතය. 

 

nira2017-06-01 12:46:50
අපරාදෙ සල්ලි...!!!
r.a.p.b.nuwan kumara2017-06-02 02:56:37
පවර් හිටර්ස්ලා අපිට අඩුයි... වේග පන්දු යන්නන්, තුන් ඉරියව් ක්‍රීඩකයනුත් අඩුයි. අපි පව් දෙයියෝ...!!!

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
විස්සයි-20 අන්තර්ජාතික තරග එපා...
2018-02-19 21:22:04
ක්‍රිකට් ක්‍රීඩාවේ ඉදිරියෙන් සිටින ක්‍රීඩකයන්ගේත් පුහුණුකරුවන්ගේත් පීඩනය අඩුකිරීම සඳහා විස්සයි-20 තරග දින දර්ශනයෙන් කපා හැරිය ...
ගැලවුම්කාරයාණන්ගේ නැවත පැමිණීම...
2018-02-20 15:19:53
එක සංචාරයකි. තුන් ආකාරයක තරගාවලි තුනක්ම එහි වූයේය. තරගාවලි තුනම ජයග්‍රහණයෙන් අවසන් කිරීමට ශ්‍රී ලංකා කණ්ඩායම සමත් විය.  ...
ශ්‍රී ලංකාවට සටනකින් තොර ජයක්...
2018-02-18 16:52:41
බංග්ලාදේශ ක්‍රීඩකයින්ගෙන් සටන්කාමී ක්‍රීඩා විලාශයක් දක්නට නොලැබීම හේතුවෙන් ශිලාත්හිදි අද (18 වැනිදා) පැවැති දෙවැනි සහ අවසන් විස්සය...
අසිත ප්‍රනාන්දුට විස්සයි20 වරම්?...
2018-02-17 19:05:53
බංග්ලාදේශයට එරෙහිව හෙට (18 වැනිදා) ශිලාත්හිදී පැවැත්වීමට නියමිත දෙවැනි විස්සයි20 තරගයේදී දකුණතින් මඳ වේග පන්දු යවන ක්‍රීඩක අසිත ප්&zwj...