. තනතුරු 10 කට නාමයෝජනා 62 ක් | කෙළිමඬල
2018 ජූනි මස 22 වැනි සිකුරාදා
තනතුරු 10 කට නාමයෝජනා 62 ක්
2017-06-07 14:05:19 | නාමල් පතිරගේ

ජූලි 1 වැනිදා පැවැත්වීමට නියමිත ශ්‍රී ලංකා පාපන්දු සම්මේලනයේ නිලවරණය සඳහා නාමයෝජනා බාර ගැනීම අද (6) පස්වරු 4.00 ට අවසන් වීමෙන් පසුව එහි තනතුරු 10 ක් සඳහා නාමයෝජනා 62 ක් ලැබී තිබුණු බව වාර්තා වේ. පාපන්දු සම්මේලනයේ එදා මෙදා තුර නිලවරණයක් සඳහා නාමයෝජනා වැඩිම සංඛ්‍යාවක් ඉදිරිපත්වූ පළමු අවස්ථාව මෙය වන බව එම සම්මේලන ආරංචි මාර්ග සඳහන් කරයි. 

එහිදී සභාපතිධුරය සඳහා නාමයෝජනා හයක් ඉදිරිපත්වී තිබුණි. වත්මන් සභාපති අනුර ද සිල්වා, හිටපු සභාපති රංජිත් රුද්‍රිගු, වත්මන් උප සභාපතිවරුන් වන කේ.පී.පී. පතිරණ, නියෝජ්‍ය පොලිස්පති පද්මසිරි මුණසිංහ, පාපන්දු සම්මේලනයේ හිටපු මාධ්‍ය අධ්‍යක්ෂවරයෙකුවන රුක්මාල් පෙරේරා හා එහි හිටපු තාක්ෂණික අධ්‍යක්ෂ වරයෙකු වන දෙමෝදර චන්ද්‍රසිරි යන මහත්වරු සභාපති තනතුර සඳහා නාමයෝජනා ඉදිරිපත් කර තිබුණි.

ප්‍රධාන ලේකම් ධුරය සඳහා වත්මන් අලෙවි කමිටුවේ සභාපති ටේ‍රවෝ රෙකමන්, වත්මන් ලේකම් බාලේන්ද්‍ර ඇන්තනී, වත්මන් විධායක නිලධාරී යූ.එල්. ජයවීර, එම්.එස්.එම්. ෆායිස්, සුනිල් සෙනවීර හා උපාලි හේවගේ යන මහත්වරු නාමයෝජනා බාරදී තිබේ.

ජයසිංහ මෙන්ඩිස්, එස්.පී.එම්. අසාර්, ටිරෝන් ප්‍රනාන්දු හා එම්. ෆස්ලාන් යන මහත්වරු භාණ්ඩාගාරික ධුරය සඳහා ඊයේ නාමයෝජනා ඉදිරිපත්කර සිටි අතර උපසභාපති ධුරය සඳහා නාමයෝජනා 14 ක් ද උපලේකම් තනතුරු දෙක සඳහා නාමයෝජනා හතක්ද හා උප භාණ්ඩාගාරික ධුරය සඳහා නාමයෝජනා තුනක්ද ඉදිරිපත්ව තිබූ බව වාර්තා වේ.

ජුලි 01 වැනිදා පාපන්දු සම්මේලනයේ නිලවරණය පැවැත්වීමට නියමිතව තිබුණත් ඊයේ වන විටත් ඒ සඳහා අනිවාර්ය කර තිබෙන විගණන වාර්තා අනුමතවී නොතිබුණු බව ද පාපන්දු සම්මේලන ආරංචි මාර්ග සඳහන් කරයි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...