. ජනාධිපති කුසලාන රග්බි තරග 9දා සිට | කෙළිමඬල
2017 සැප්තැම්බර් මස 24 වැනි ඉරිදා
ජනාධිපති කුසලාන රග්බි තරග 9දා සිට
2017-06-07 20:07:08 | යොහාන් භාසුර

ශ්‍රී ලංකා පාසල් රග්බි සංගමය සහ නෙස්ලේ ලංකා සමාගම (මයිලෝ) එක්ව සංවිධානය කරන අන්තර් පාසල් වයස 20 න් පහළ ‘ජනාධිපති කුසලාන’ පිළිමළුන් පිටු දැකීමේ රග්බි තරගාවලිය හෙට (9 වැනිදා) ආරම්භ වේ.


මෙම තරගාවලියට සමගාමීව ‘අගමැති කුසලාන’ සහ ‘සභාපති කුසලාන’ රග්බි තරගාවලිය දෙක මෙවර ද පැවැත්වේ.

තරගාවලියේ සියලුම තරග කොළඹ සුගතදාස ක්‍රීඩාංගණයේදී පැවැත්වීමට කටයුතු යොදා තිබේ.
මෙවර ‘ජනාධිපති කුසලාන’ තරගාවවලියට වෙස්ලි, මරදාන ශාන්ත ජෝශප්, මහනුවර ත්‍රිත්ව, බම්බලපිටිය ශාන්ත පීතර, ඉසිපතන, කටුගස්තොට ශාන්ත අන්තෝනි සහ මහනුවර ධර්මරාජ යන විදුහල් සහභාගි වෙයි.

මෙවර ලීග් ශූරයන් වන කොළඹ රාජකීය විදුහල තරගාවලියෙන් ඉවත්ව සිටියි. මේ හේතුවෙන් මහනුවර ධර්මරාජ විදුහලට නිතරග ජයක් හිමිවිය.

ජනාධිපති කුසලාන තරගාවලිය ආරම්භ කරමින් වෙස්ලි විදුහල සහ ශාන්ත පීතර විදුහල අතර තරගය 9 වැනිදා පැවැත්වේ.  

අවසන් පූර්ව තරග මේ මස 17 වැනිදා සහ 18 වැනිදා ද, අවසන් මහ තරගය මේ මස 24 වැනිදා ද, පැවැත්වීමට නියමිතය.  

මෙවර තරගාවලිය පිළිබඳව දැනුවත් කිරීම වෙනුවෙන් පැවැති මාධ්‍ය හමුවට සහභාගි වූ අධ්‍යාපන අමාත්‍ය අකිල විරාජ් කාරියවසම් මහතා පැවසුවේ පාසල් ක්‍රීඩාවේ දියුව සඳහා අනාගත ආයෝජනයක් ලෙස පුහුණුකරුවන් 3850 ක් බඳවා ගැනීමට සියලු කටයුතු සූදානම් කර ඇති බවයි.

“පුහුණුකරුවන් බඳවා ගැනීමට කැබ්නට් අනුමැතිය ලැබුණා. මේ වන විට එය ගැසට් කරන්න යවලා තියෙන්නේ. ඒ වගේම සියලුම ක්‍රීඩා පාසල්වලට කායවර්ධන මධ්‍යස්ථානයක් සමඟ සියලුම පහසුකම් ලබාදීමට පියවර ගන්නවා” යැයි අධ්‍යාපන අමාත්‍යවරයා වැඩි දුරටත් පැවසීය.

නෙස්ලේ ලංකා සමාගමේ ‘මයිලෝ’ මෙම වසර වන විට වසර 25 ක කාලයක් පාසල් රග්බි තරගාවලි සඳහා අනුග්‍රහය පිරිනමා තිබේ. මෙම තරගාවලියට සහභාගි වන කණ්ඩායම්වල නායකයෝ අධ්‍යාපන අමාත්‍යවරයා සමඟ එක්ව කේක් ගෙඩියක් කපා විසිපස් වසරක අනුග්‍රහය සැමරූහ.


  තරග කාලසටහන (පස්වරු 4.30) - ජනාධිපති කුසලාන

● ජූනි 9 - වෙස්ලි විදුහල සහ ශාන්ත ජෝශප් විදුහල අතර
● ජූනි 10 - මහනුවර ත්‍රිත්ව විදුහල සහ ශාන්ත පීතර විදුහල අතර
● ජූනි 11 - ඉසිපතන විදුහල සහ ශාන්ත අන්තෝනි විදුහල අතර
● ජූනි 17 සහ 18 - අවසන් පූර්ව තරග
● ජූනි 24 - අවසන් මහ තරගය


තරග කාලසටහන (පස්වරු 2.00) - අගමැති කුසලාන

● ජූනි 10 - තර්ස්ටන් විදුහල සහ මහනුවර ශාන්ත සිල්වෙස්ටන් විදුහල අතර
● ජූනි 11 - ශාන්ත බෙනඩික් විදුහල සහ ගාල්ල රිච්මන්ඩ් විදුහල අතර
● ජූනි 12 - මලියදේව විදුහල සහ ගාල්ල ශා. ඇලෝසියස් විදුහල අතර
● ජූනි 12 - ආනන්ද විදුහල සහ නාලන්දා විදුහල අතර තරගය පස්වරු 4.15 ට
● ජූනි 17 සහ 18 - අවසන් පූර්ව තරග
● ජූනි 23 - අවසන් මහ තරගය


තරග කාලසටහන (පෙරවරු 10.00) - සභාපති කුසලාන

● ජූනි 9 - කුරුණෑගල ශා. ආනා විදුහල සහ ගාල්ල විද්‍යාලෝක විදුහල අතර
● ජූනි 10 - පානදුර රාජකීය විදුහල සහ මොරටු මහ විදුහල අතර
● ජූනි 11 - තල්දූව බෞද්ධ විදුහල සහ නුගෙවල මැදි මහ විදුහල අතර
● ජූනි 12 - කේරි විදුහල සහ මහනුවර ශ්‍රී රාහුල විදුහල අතර
● ජූනි 17 සහ 18 - අවසන් පූර්ව තරග
● ජූනි 23 - අවසන් මහ තරගය

 

‘නෙස්ලේ’ ලංකා සමාගමේ උප සභාපතිවරු වන නෝමන් කන්නංගර සහ බන්දුල එගොඩගේ යන මහත්වරු විසින් අධ්‍යාපන අමාත්‍ය අකිල විරාජ් කාරියවසම් සහ පාසල් රග්බි සංගමයේ සභපති බී. ඒ. අබේරත්න යන මහත්වරුන්ට අනුග්‍රහයක චෙක්පත නිල වශයෙන් පිරිනමන ලද අවස්ථාව.
(ඡායාරූප: ප්‍රදීප් පතිරණ)

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
සංගක්කාරගේ සරේ සංදර්ශනය සමාප්තයි...
2017-09-23 18:44:15
සිය වසර 20 ක පළමු පෙළ ක්‍රිකට් දිවියේ අවසන් තරගයේදීත් ශතයක් ලබාගත් 39 හැවිරිදි කුමාර් සංගක්කාර, පළමු පෙළ ක්‍රිකට් පිටියට සමුදුන්නේ...
ක්‍රිකට් ක්‍රීඩකයෝ පරීක්‍ෂණයක් ඉල්ලති...
පරීක්ෂණයක් තියනවා නම් ඒක සී.අයි.ඩී. එකට දෙන්න ඕනෑ. ඒ වගේම හැම ක්‍රීඩකයෙක්ගේම වත්කම් විගණනය කරන්නත් ඕනෑ. ක්‍රිකට් ආයතනයෙන් පරීක්ෂණයක් තියනවා කියන්නේ ...
මැතිව්ස්ට පළමු ටෙස්ට් තරගය අහිමි වෙයි...
ලෙඩ්ඩු නැති ටීම් එකක් හදාගන්න බැරිද? වෙන කවුරු හරි දාලා... මේක කරන්න. එයා සනීප වෙනකම් වත්. අනික මෙයා මැච් එකකට කලින් දවසේ ලෙඩ වෙනවා. ලෙඩ ගුහාවක්නේ... ...
උපුල් තරංග ...
ඔව්, අපිට අපේ ක්‍රිකට් ආපහු ඕනේ... අපි අයට උදව් කරනවා. අතීතය අමතක කරලා සැබෑ සිංහයන් ලෙසින් වැඩ පෙන්වන්න. ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...