. ධනංජය අතිරේක ලයිස්තුවට එක්වෙයි | කෙළිමඬල
2019 මාර්තු මස 26 වැනි අගහරුවාදා
ධනංජය අතිරේක ලයිස්තුවට එක්වෙයි
2017-06-09 17:00:39 | .

ශූරයන්ගේ කුසලාන ක්‍රිකට් තරගාවලියට සහභාගි වී සිටින ශ්‍රී ලංකා කණ්ඩායමේ අතිරේක ක්‍රීඩයයන්ගේ ලැයිස්තුවට එක්වීම සඳහා තුන් ඉරියව් ක්‍රීඩක ධනංජය ද සිල්වා අද (9 වැනිදා) රාත්‍රියේදී එංගලන්ත බලා පිටත්ව යෑමට නියමිතය.

තරගාවලියට සහභාගි වී සිටින ශ්‍රී ලංකා කණ්ඩායමේ අතිරේක ක්‍රීඩකයන් ලෙස ධනුෂ්ක ගුණතිලක සහ ඩිල්රුවන් පෙරේරා නම් කර තිබිණ. චාමර කපුගෙදර දණහිසේ අබාධයකට ලක්ව තරගාවලියෙන් ඉවත් වීමත් සමග ධනුෂ්ක ගුණතිලකට කණ්ඩායමට ඇතුළත් වීමේ අවස්ථාව හිමිවිය.

ඉන්දියාවට එරෙහිව ඊයේ (8 වැනිදා) පැවැති තරගය අතරතුර කලවා පසුපස මස්පිඬුව ඇදීම නිසා කුසල් ජනිත් පෙරේරාට පිටියෙන් ඉවත්වීමට සිදුවිය. ශ්‍රී ලංකා ඉනිමේ සිවුවැනි පිතිකරුවා ලෙස පිටියට පිවිසි කුසල් පන්දු 44 කදී හතරේ පහර 5 ක් සමගින් ලකුණු 47 ක් ලබා සිටියදී එම අබාධ තත්ත්වයට ලක්විය.

කුසල් පෙරේරාගේ ආබාධයේ තත්ත්වය මේ වන විට පරීක්‍ෂාවට ලක්කෙරෙමින් තිබේ. එම ආබාධ තත්ත්වය නිසා යම් හෙයකින් කුසල්ටද තරගාවලියෙන් ඉවත්වීමට සිදුවුවහොත් ඔහුගේ හිදැස පිරවීමට කණ්ඩායමේ වෙනත් පිතිකරුවකු නොමැති වීම හේතුවෙන් ධනංජය ද සිල්වා අතිරේක ක්‍රීඩකයකු ලෙස කණ්ඩායමට එක් කිරීමට පියවර ගෙන ඇතැයි වාර්තාවේ.

එක්දින තරග 16 කදී ශ්‍රී ලංකාව නියොජ්නය කර ඇති ධනංජය ද සිල්වා, එහිදී ලකුණු 334 ක් රැස්කරමින්, කඩුලු 4 ක් දවාගෙන තිබේ.

 

- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...
අන්තර් පළාත් එක්දින තරගාවලිය 4 වැනිදා සිට...
2019-03-20 16:28:31
  ශ්‍රී ලංකා ක්‍රිකට් ආයතනය සංවිධානය කරන අන්තර් පළාත් එක්දින ක්‍රිකට් තරගාවලිය අප්‍රේල් මස 4 වැනිදා සිට 11 වැනිදා ද...