. ඉසිපතනයට තියුණු ජයක් | කෙළිමඬල
2018 ජූනි මස 24 වැනි ඉරිදා
ඉසිපතනයට තියුණු ජයක්
2017-06-11 21:18:44 | යොහාන් භාසුර

රී ලංකා පාසල් රග්බි සංගමය සහ නෙස්ලේ ලංකා සමාගම ‘මයිලෝ’ එක්ව සංවිධානය කරන අන්තර් පාසල් වයස 20 න් පහළ ‘ජනාධිපති කුසලාන’ පිළිමළුන් පිටු දැකීමේ රග්බි තරගාවලියේ ඉසිපතන විදුහල සහ කටුගස්තොට ශාන්ත අන්තෝනි විදුහල අතර අද (11) පැවැති තරගයේදී ඉසිපතන විදුහල් ක්‍රීඩකයෝ ලකුණු 29-28 ක තියුණු ජයක් ලැබීමට සමත් වූහ.

ඉසිපතන විදුහල මෙම ජයග්‍රහණයත් සමඟ අවසන් පූර්ව තරගයට සුදුසුකම් ලබා ගත්තේය.

කොළඹ සුගතදාස ක්‍රීඩාංගණයේදී පැවැති මෙම තරගයේ දෙවැනි අර්ධයේ 37 වැනි මිනිත්තුවේදී එච්. ඒ. ටී. කුලසේකර සාර්ථක කළ උත්සාහක දිනුමෙන් ඉසිපතන විදුහල ලකුණු 29-28 ක් ලෙස ලකුණකින් ඉදිරියට පැමිණියේය.

ශාන්ත අන්තෝනි විදුහල් පිල අවසන් මිනිත්තු තුන දක්වා ලකුණු 28-24 ක් ලෙස පෙරමුණේ පසු විය. ශාන්ත අන්තෝනි විදුහලට අවසන් මිනිත්තුවේදී ලැබුණු දඬුවම් පහර ආර්. එස්. ඩී. මධුවන්ත වෙතින් ගිලිහී නොගියේ නම් තරගයේ ප්‍රතිඵලය වෙනස්වීමට ඉඩ තිබුණි.

ජයග්‍රාහි ඉසිපතන විදුහල් පිල ගෝල 2 කින් සහ උත්සාහක දිනුම් 3 කින් ලකුණු ලැබීය. ශාන්ත අන්තෝනි විදුහලට ගෝලකින්, උත්සාහක දිනුම් 3 කින්, දඬුවම් පහරකින් සහ ඩ්‍රොප් ගෝලයකින් ලකුණු එකතු විය.

ශාන්ත අන්තෝනි විදුහල් ක්‍රීඩකයෝ තරගය ආරම්භයේ සිට දැඩි ආක්‍රමණශීලිව ක්‍රීඩා කරමින් ලකුණු 15-12 ක් ලෙස ලකුණු 3 ක් ඉදිරියෙන් සිටිමින් පළමු අර්ධය අවසන් කළහ. ප්‍රබල ඉසිපතන විදුහල් පිල 30 වැනි මිනිතත්ුවේ සිට මිනිත්තු හතක් තුළ ගෝලයකින් සහ උත්සාහක දිනුමකින් ලකුණු 12 ක් රැස්කරමින් මෙම තියුණු ජයට ළඟා විය.

ඉසිපතන විදුහල වෙනුවෙන් වයි. ඒ. සී. සඳරුවන්, එන්. චමින්ද, එස්. ගයන්ත, සී. ආර්. ඕ. සිල්වා, සහ එච්. ඒ. ටී. කුලසේකර උත්සාහක දිනුම් බැගින් සම්පූර්ණ කළහ. එම්. රුබේරු ගෝල ප්‍රවර්ථන දෙකක් සාර්ථක කරමින් අතිරේක ලකුණු 4 ක් එකතු කළේය.

ශාන්ත අන්තෝනි විදුහල වෙනුවෙන් ජේ. ඩබ්ලිව්. දවුලගල, අයි. ඩී. ලියනගේ, කේ. ඩී. අමරකෝන් සහ එම්. ඩී. එම්. රොද්‍රිගු උත්සාහක දිනුම බැගින් සම්පූර්ණ කළහ. ආර්. එස්. ඒ. මධුවන්ත දඬුවම් පහරක්, ඩ්‍රොප් ගෝලයක් සහ ගෝල ප්‍රවර්ථනයක් සාර්ථක කරමින් ලකුණු 8 ක් ශාන්ත අන්තෝනි විදුහල් ලකුණු පුවරුවට එකතු කිරීමට සමත් විය.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
ශ්‍රී ලංකා කණ්ඩායම දුර්වල අඩියක...
2018-06-22 14:46:32
පන්දුවේ ස්භාවය වෙනස් කිරීමට උත්සාහ ගත්තේ යැයි චෝදනා ලැබ තරග තහනමකට ලක්ව සිටින ශ්‍රී ලංකා කණ්ඩායමේ නායක දිනේෂ් චන්දිමාල් බාර්බඩෝස් හිදී...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...
ලොක්කෝ තුන්දෙනාම වරද පිළිගනිති...
2018-06-22 14:37:46
අන්තර්ජාතික ක්‍රිකට් සභාව විසින් පනවන ලද විනය නීති මාලාවේ 2.3.1 වගන්තියට අනුව ක්‍රීඩාවේ ජීව ගුණයට හානී කරමින් 3 වැනි මට්ටමේ වරදක් ...