. වාර්තා පොතට නඩාල්ගෙන් නව පරිච්ඡේදයක් | කෙළිමඬල
2019 මාර්තු මස 24 වැනි ඉරිදා
වාර්තා පොතට නඩාල්ගෙන් නව පරිච්ඡේදයක්
2017-06-12 20:28:30 | .

ග්‍රෑන්ඞ් ස්ලෑම් ටෙනිස් තරග බිමේ අසිරිමත්  ඉසව්වක් ලෙස ප්‍රකට ප්‍රංශ විවෘත ටෙනිස් ශූරතාවලියේ පිරිමි කේවල කිරුළ 10 වැනි වරටත් දිනාගත් ස්පාඤ්ඤයේ රෆායල් නඩාල් ග්‍රෑන්ඞ් ස්ලෑම් ටෙනිස් ඉතිහාසයට වෙනම පිටුවක් එකතු කිරීමට සමත්විය.

ග්‍රෑන්ඞ් ස්ලෑම් තරග ඉසව්ව විවෘත තරගාවලියක් බවට පත් කිරීමෙන් පසුව එකම තරගාවලියක් 10 වතාවක් ජයගත් පළමු ක්‍රීඩකයා හෝ ක්‍රීඩිකාව බවට පත්වූ 31 හැවිරිදි නඩාල්, මෙවර තරගාවලියේ අවසන් මහා තරගයේදී ස්විට්සර්ලන්තයේ ස්ටැනිස්ලොව් වර්වින්කා ලකුණු 6-2 ක්, 6-3 ක් සහ 6-1ක් ලෙස පරාජයට පත් කරමින් මේ හපන්කම පෙන්වීය.

රෝලන්ඞ් ගැරොස් ටෙනිස් පිටිය එලෙස අනගිභවනීය වාර්තාවකින්  වර්ණවත් කළ නඩාල් ඊයේ දිනාගත්තේ ඔහුගේ 15 වැනි ග්‍රෑන්ඞ් ස්ලෑම් ශූරතාවයි. ඒ සමගම ටෙනිස් පිටියේ හිටපු ශ්‍රේෂ්ඨ ක්‍රීඩක පීට් සම්ප්‍රාස් අභිබවා යමින් වැඩිම ග්‍රෑන්ඞ් ස්ලෑම් ශූරතා දිනු ක්‍රීඩකයන් අතර දෙවැනිවා බවට පත්වීමටත් නඩාල්ට හැකිවිය. මේ ලැයිස්තුවේ පෙරමුණේ පසුවන්නේ පසුගිය ඕස්ටේ්‍රලියානු විවෘත ටෙනිස් තරගාවලියේ අවසන් මහා තරගයේදී නඩාල් පරදවා සිය 18 වැනි ග්‍රෑන්ඞ් ස්ලෑම් ශූරතාව දිනූ ස්විට්සර්ලන්තයේ රොජර් ෆෙඩරර්ය.

වසර 2005දී හා හා පුරා ප්‍රංශ ටෙනිස් කිරුළ ජයගත් රෆායල් නඩාල් 2008 වනතුරු කිරුළ රැකගත්තේය. අනතුරුව 2010 සිට 2014 දක්වා අඛණ්ඩව පැරිස් ටෙනිස් කිරුළ ජයගැනීමට හෙතෙම සමත්වූයේ ලෝක ටෙනිස් පිටියේ නම් දැරූ ක්‍රීඩකයන් බොහෝ දෙනකු හිස් අතින් ආපසු පිටත් කරමිනි.

නඩාල් අතින් ඊයේ බිඳ වැටුණේ මාර්ටිනා නව්රතිලෝවා විසින් විම්බල්ඩන් ටෙනිස් කිරුළ 9 වතාවක් දිනාගනිමින් පිහිටුවන ලද වාර්තාවයි. ඇය හැරුණුවිට රොජර් ෆෙඩරර් සහ පීට් සම්ප්‍රාස් ග්‍රෑන්ඞ් ස්ලෑම් තරග බිමේ එක් තරගාවලියක් 7 වතාව බැගින් දිනාගෙන සිටිති.

 


- 077

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...