. බල අරගලය උග්‍ර වෙයි | කෙළිමඬල
2018 සැප්තැම්බර් මස 26 වැනි බදාදා
බල අරගලය උග්‍ර වෙයි
2017-06-15 22:16:38 | නාමල් පතිරගේ

පාපන්දු නිලවරණයට ඉදිරිපත්ව තිබෙන නාම යෝජනා ගණනාවකට එරෙහිව ගොනුකර තිබෙන විරෝධතා විමර්ශනය ඊයේ (15) තෙවැනි දිනය වනවිට වඩාත් සංකීර්ණ මුහුණුවරක් ගෙන තිබූ බැවින් ඒ පිළිබඳ අවසන් තීරණයක් ගැනීම ක්‍රීඩා ඇමැතිවරයාට පැවරෙනු ඇතැයි වාර්තාවේ.


පාපන්දු නිලවරණ කමිටුව ප්‍රධාන අපේක්‍ෂකයන් දෙදෙනකු ඇතුළුව අපේක්‍ෂකයන් 16 දෙනෙකුගේ නාමයෝජනාවලට අදාල සුදුසුකම් සනාථ කෙරෙන ලියකියවිලි හා සහතිකපත්‍ර ගෙන්වා ගෙන පරීක්‍ෂා කිරීම ඊයේ පෙරවරුවේ සිට ආරම්භ කළේය. ඒ ටොරින්ටන් පෙදෙසේ ක්‍රීඩා සංවර්ධන දෙපාර්තමේන්තුවේ සහකාර ක්‍රීඩා අධ්‍යක්‍ෂ කාර්යාලයේදීය.


 එහිදී සභාපති ධුරයට තරග වදින වත්මන් සභාපති අනුර ද සිල්වා හා එහි මුල්‍ය කමිටුවේ සභාපති රංජිත් රුද්‍රිගු යන මහත්වරුද විරෝධතාවලට බඳුන් වී තිබෙන සිදුවීම්වලට අදාළ ලියකියවිලි හා සහතික පත්‍රයන්හි මුල් පිටපත් රැගෙන එන ලෙස නිලවරණ කමිටුව දැනුම් දී තිබුණි.එම කමිටු ආරංචි මාර්ග සඳහන් කරන ආකාරයට ඊයේ පරීක්‍ෂාවට භාජනය කළ නාමයෝජනා විරෝධතා ගණනාවක් සම්බන්ධයෙන් බරපතළ ගැටළු කීපයක්ම මතුව තිබූ බව වාර්තා විය. එම තත්ත්වය තුළ නිලවරණ කමිටුව අවසන් තීරණයක් ගැනීමේදී ක්‍රීඩා ඇමැතිවරයාගෙන් උපදෙස් ලබාගැනීමට තීරණය කර ඇතැයි ද එහිදී වැඩිදුරටත් වාර්තා වේ.


 නාමයෝජනා විරෝධතා විභාගය මෙසේ දින කීපයක් දක්වා ඇදී යද්දී ලබන ජුලි 1 වැනිදාට කැඳවා තිබෙන ශ්‍රී ලංකා පාපන්දු සම්මේලනයේ නිලවරණය එදිනට පැවැත්වීම ඊයේ වනවිට වඩාත් අවිනිශ්චිත තත්ත්වයකට පත්ව තිබුණි.


 ජාතික ක්‍රීඩා සංගමයක නිලවරණයක් කැඳවන දිනට අවම වශයෙන් දින 14ක් තිබියදි විගණනය කළ ගිණුම් වාර්තා එහි සාමාජිකයන් වෙත ලැබිය යුතු බව ජාතික ක්‍රීඩා පනතේ රෙගුලාසිවල දැක්වේ. ඒ අනුව අද (16) දිනයේදීවත් ගිණුම් වාර්තාවලට විගණන අනුමැතිය ලබා ගැනීමට නොහැකි වුවහොත් ඒ හේතුවෙන් නිලවරණය දින කිපයකින් හෝ කල්දැමීමට සිදුවනු ඇතැයි වාර්තා වේ.


පාපන්දු සම්මේලනයේ වත්මන් සභාපති අනුර ද සිල්වා මහතා ‘ලංකාදීප’යට පැවසුවේ පාපන්දු සම්මේලනයේ පසුගිය නිල කාලයේ ගිණුම් වාර්තාවලට අද දිනයේදී අනුමැතිය හිමිවීමට නියමිතව තිබුණු බවය.


කෙසේ වුවත් පාපන්දු ක්‍ෂේත්‍රයේ ආරංචි මාර්ග සඳහන් කරන ආකාරයට පාපන්දු නිලවරණයට ඉදිරිපත්ව සිටින ඇතැම් අපේක්‍ෂකයන්ට එරෙහිව ඉදිරියේදී පාර්ශ්ව කීපයකින් පොලිසිය, රහස් පොලිසිය හා අල්ලස් දෙපාර්තමේන්තුවට පැමිණිලි ඉදිරිපත් කිරීමට සැරසෙන බව වාර්තාවේ.


 ඒ අතර සිය නාමයෝජනා ප්‍රතික්‍ෂේප වුවහොත් අධිකරණය හමුවට යන බව මේ වනවිට ප්‍රකාශ කර තිබෙන අපේක්‍ෂකයෝ කීපදෙනෙක්ද වෙති. එම තත්ත්වයන් තුළ ජුලි 1 වැනිදා පාපන්දු නිලවරණය කැඳවීම ඊයේ වනවිට වඩාත් අවිනිශ්චිත තත්ත්වයකට පත්ව තිබුණි.
ක්‍රීඩා ඇමැති දයාසිරි ජයසේකර මහතා නිලවරණ  මෙහෙයුම් කමිටුවට උපදෙස් දී තිබුණේ නාමයෝජනා විරෝධතා විමර්ශනයට පහසුවක් ලෙස අවශ්‍ය නම් පාපන්දු නිලවරණය ටික දිනකට හෝ කල් දමන ලෙසය.   

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...