. පාසල් මැරතන් තරග තුනක් රාත්‍රියේ | කෙළිමඬල
2018 ජූලි මස 16 වැනි සඳුදා
පාසල් මැරතන් තරග තුනක් රාත්‍රියේ
2017-06-18 16:41:22 | සුසිල් ප්‍රේමලාල්

පාසල් ළමුන් සඳහා කුඩා ප්‍රමාණයේ මැරතන් තරග තුනක් පැවැත්වීමට අධ්‍යාපන අමාත්‍යංශය තීරණය කර තිබේ. දරුවන්ගේ වෙහෙස අව ප්‍රමාණ කිරීම සඳහා රාත්‍රී  කාලයේ පැවැත්වෙන මෙම තරග සඳහා ජූලි  15, 22 සහ 29  යන දින තෝරාගනු ලැබ ඇත. 

ශ්‍රී ලංකා ක්‍රීඩා ඉතිහාසයේ කවර ආකාරයේ හෝ මැරතන් තරගයක් රාත්‍රී කාලයේ පැවැත්වීමට නියමිත පළමු අවස්ථාව මෙයයි. වැඩි පිරිසකගේ  සහභාගිත්වය හා සහ ශරීර සෞඛ්‍ය ගැන විශේෂ අවධානය යොමු  කරමින් මෙම තීරණය ගත් බව අධ්‍යාපන අමාත්‍යංශයේ ක්‍රීඩා කටයුතු පිළිබඳ විශේෂ උපදේශක සුනිල් ජයවීර මහතා පැවසීය.

දිවයිනේ සෑම පළාතක්ම නියෝජනය වන පරිදි  මෙම කුඩා මැරතන්  තුන සංවිධානය කර ඇත.

ඒ අනුව වයඹ, මධ්‍යම සහ සබරගමුව පළත් ආවරණය වන පරිදි ලබන ජුලි 15 දා කෑගල්ලේදීද උතුරු, නැගෙනහිර සහ උතුරු  මැද පළත් ආවරණය කරමින් ලබන ජූලි 22 දා යාපනයේදීද දකුණු, බස්නාහිර සහ ඌව පළත් ආවරණ වන පරිදි ලබන  ජූලි 29 දා මාතරදීද එම රාත්‍රී මැරතන් තරග සංවිධානය කර තිබේ.

මෙම තරග තුන පැවැත්වීමෙන් පසු සමස්ත ලංකා පාසල් මැරතන් තරගය ලබන සැප්තැම්බර්  15 දා  කොළඹදී පැවැත්වීමට නියමිතය.

“ඇත්තටම පාසල් මැරතන් තරගයක් පෙ.ව 6.00 හෝ 6.30 ආරම්භ කරන විට  පාසල් ළමුන් ඊට පෙර දින තරගය පැවැත්වෙන ස්ථානයට පැමිණිය යුතුයි. එම තත්ත්වය ළමයින්ටත්, ගුරුවරුන්ටත්  දෙමව්පියන්ටත් අපහසුතාවය ඇති කරනවා. එවිට  තරග සහභාගිත්වය විශාල වශයෙන් අඩු වෙනවා. ප.ව 6.30 හෝ 7.00 ට තරගයක් ආරම්භ කළ විට ළමුන්ට ඇති පීඩාව අඩු වෙනවා” යයිද මෙම කුඩා මැරතන්  තරග රාත්‍රී කාලයේ පැවැත්වීමට ගෙන ඇති තීරණය සම්බන්ධව වැඩි දුරටත් අදහස් දැක් වූ සුනිල්  ජයවීර මහතා පැවසීය. 

“දුවන්නත් පහසුයි. අත්හදා බැලීමක් ලෙස මෙම වසරේ ආරම්භ කිරීමට නියමිත  මෙම වැඩ පිළවෙල සාර්ථක වුවහොත් සෑම වසරකම එවැනි මිනි මැරතන් පවත්වනවා” යයිද ජයවීර මහතා වැඩිදුරටත් පැවසීය. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගේ දස්කම් අපතේ යයි ...
2018-07-09 18:38:07
කැනඩාවේදී පැවැත්වෙන ග්ලෝබල් විස්සයි20 ක්‍රිකට් තරගාවලියේ 15 වැනි තරගය ලෙස ලසිත් මාලිංග නායකත්වය දරන මොන්ට්‍රේල් ටයිගර්ස් කණ්ඩායමට ...
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...