. ඉසිපතනය අවසන් මොහොතේ ඉදිරියට | කෙළිමඬල
2018 ජූනි මස 24 වැනි ඉරිදා
ඉසිපතනය අවසන් මොහොතේ ඉදිරියට
2017-06-18 21:50:27 | යොහාන් භාසුර

ශ්‍රී ලංකා පාසල් රග්බි සංගමය සහ නෙස්ලේ ලංකා සමාගම (මයිලෝ) එක්ව සංවිධානය කරන අන්තර් පාසල් වයස 20 න් පහළ ‘ජනාධිපති කුසලාන’ පිළිමළුන් පිටු දැකීමේ රග්බි තරගාවලියේ අවසන් මහ තරගයට සුදුසුකම් ලැබීමට ඉසිපතන විදුහල අද (18) සමත් විය.

කොළඹ සුගතදාස ක්‍රීඩාංගණයේදී ඊයේ පැවැති දෙවැනි අවසන් පුර්ව තරගයේදී ෆුල්බැක් ක්‍රීඩක ඩී. සී. ප්‍රනාන්දු අවසන් මිනිත්තුවේදී සාර්ථක කළ දඬුවම් පහරින් ඉසිපතන විදුහල් පිල ලකුණු 22-20 ලෙස බම්බලපිටිය ශාන්ත පීතර විදුහලට එරෙහිව තියුණු ජයක් ලැබීය.

ඉසිපතන විදුහල් ක්‍රීඩකයෝ තරගයේ ආරම්භයේ සිටම ග්‍රහණයට නතුකර ගනිමින් පළමු අර්ධය අවසන් වන විට ලකුණු 19-12 ක් ලෙස පෙරමුණේ පසු වූහ. ඉසිපතන විදුහල දෙවැනි අර්ධයේ 27 වැනි මිනිත්තුව දක්වා ලකුණු 19-15 ක් පෙරමුණේ පසු වුවද 28 වැනි මිනිත්තුවේදී ඩී. ටී. දසනායක සම්පූර්ණ කළ උත්සාහක දිනුමත් සමඟ ශාන්ත පීතර විදුහල ලකුණු 20-19 ක් ලෙස පෙරමුණට පැමිණියේය.

එහෙත් ඩී. සී. ප්‍රනාන්දු අවසන් මිනිත්තුවේදී සාර්ථක කළ දඬුවම් පහරින් ඉසිපතනය පෙරමුණට පැමිණියේය.
ඉසිපතන විදුහල ගෝල 2 කින්, උත්සාහක දිනුමකින් සහ දඬුවම් පහරකින් ලකුණු රැස්කළ අතර ශාන්ත පීතර විදුහල ගෝලයකින්, උත්සාහක දිනුම් 2 කින් සහ දඬුවම් පහරකින් ලකුණු ලැබීය.

ඉසිපතන විදුහල වෙනුවෙන් ඩී. අයි. ඉන්දුල, සී. ආර්. සිල්වා සහ බී. එච්. ද සිල්වා උත්සාහක දිනුම් සම්පූර්ණ කිරීමට සමත් වූහ. එම්. එස්. රුබේරු ගෝල ප්‍රවර්ථන දෙකක් සහ දඬුවම් පහරක් සාර්ථක කරමින් අතිරේක ලකුණු 7 ක් ඉසිපතන විදුහලට එකතු කළේය.

ශාන්ත පීතර විදුහල වෙනුවෙන් බී. එල්. මෙන්ඩිස්, ජේ. ජී. චාල්ස් සහ ඩී. ටී. දසනායක උත්සාහක දිනුම බැගින් සම්පූර්ණ කළහ. ඩී. ටී. දසනායක ගෝල ප්‍රවර්ථනය සහ දඬුවම් පහර සාර්ථක කිරීමට සමත් විය.

ශාන්ත ජෝශප් විදුහල සහ ඉසිපතන විදුහල අතර අවසන් මහ තරගය කොළඹ පැරණි තුරඟ තරග පිටියේදී මේ මස 24 වැනිදා පස්වරුවේ 4.15 ට පැවැත්වීමට නියමිතය.    

 

 

 

(ඡායාරූප - කුෂාන් පතිරාජ)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
ශ්‍රී ලංකා කණ්ඩායම දුර්වල අඩියක...
2018-06-22 14:46:32
පන්දුවේ ස්භාවය වෙනස් කිරීමට උත්සාහ ගත්තේ යැයි චෝදනා ලැබ තරග තහනමකට ලක්ව සිටින ශ්‍රී ලංකා කණ්ඩායමේ නායක දිනේෂ් චන්දිමාල් බාර්බඩෝස් හිදී...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...
ලොක්කෝ තුන්දෙනාම වරද පිළිගනිති...
2018-06-22 14:37:46
අන්තර්ජාතික ක්‍රිකට් සභාව විසින් පනවන ලද විනය නීති මාලාවේ 2.3.1 වගන්තියට අනුව ක්‍රීඩාවේ ජීව ගුණයට හානී කරමින් 3 වැනි මට්ටමේ වරදක් ...