. තරගයක් දිනුවොත් මිලියන 3 ක් | කෙළිමඬල
2018 අපේ‍්‍රල් මස 20 වැනි සිකුරාදා
තරගයක් දිනුවොත් මිලියන 3 ක්
2017-06-19 19:45:21 | .

එංගලන්තයේදී පැවැත්වෙන කාන්තා ලෝක කුසලාන ක්‍රිකට් තරගාවලියට සහභාගි වී සිටින ශ්‍රී ලංකා කාන්තා ක්‍රිකට් කණ්ඩායමට මූලික වටයේ තරගයක් ජයගතහොත් රුපියල් 3,000,000 ක් (මිලියන 3 ක්) දිනාගැනීමේ අවස්ථාව හිමිව තිබේ.

එය අන්තර්ජාතික ක්‍රිකට් සභාවේ ප්‍රදානයකි. ශ්‍රී ලංකාව මෙම තරගාවලියේදී මූලික වටයේ තරග 7 කට සහභාගි වන බැවින් එම තරග 7 න්ම ජය ලැබුවහොත් රුපියල් 21,000,000 (මිලියන 21 ක්) දිනාගැනීමටද අවස්ථාව තිබේ.

අන්තර්ජාතික ක්‍රිකට් සභාවේ නිවේදනයට අනුව තරගාවලියේ මූලික වටයෙන්ම ඉවත්වන කණ්ඩායම් 4 ට ඇමරිකානු ඩොලර් 30,000 ක් (රුපියල් 4,590,000) බැගින් පිරිනැමේ. අවසන් පූර්ව වටයේදී ඉවත් වන කණ්ඩායම් දෙකට ඇමරිකානු ඩොලර් 165,000 ක් (රුපියල් 25,245,000) බැගින් පිරිනැමේ.

මෙවර තරගාවලියේ ශූරතාව දිනාගන්නා කණ්ඩායමට ඇමරිකානු ඩොලර් 660,000 ක්ද, අනුශූරතාව හිමිකරගන්නා කණ්ඩායමට ඇමරිකානු ඩොලර් 330,000 ක්ද පිරිනැමෙන බව අන්තර් ජාතික ක්‍රිකට් සභාව නිවේදනය කරයි. ඒ අනුව ලෝක ශූරියන්ට හිමිවන මුදල ශ්‍රී ලංකා මුදලින් රුපියල් මිලියන 100 ඉක්මවයි. එහි නියමිත අගය රුපියල් 100,980,000 කි.

අනුශුරියන්ට හිමිවන මුදල රුපියල් මිලියන 50 ඉක්මවන අතර එහි නියමිත අගය රුපියල් 50,490,000 කි.

පිරිමි ක්‍රිකට් තරග වලට සාපේක්‍ෂව කාන්තා ක්‍රිකට් ක්‍රීඩාවේ ප්‍රතිරූපය ඉහළ නැංවීමේ අරමුණින් මුදල් ත්‍යාග වැඩිකිරීමට පියවර ගත් බව අන්තර් ජාතික ක්‍රිකට් සභාව සඳහන් කරයි. මෙවර කණ්ඩායම් අතර බෙදාදෙන මුලු ත්‍යාග මුදල ඇමරිකානු ඩොලර් මිලියන 2 ක් වන අතර එය 2013 වසරේදී පිරිනැමූ මුලු ත්‍යාග මුදල මෙන් 10 ගුණයකි.

මේ වන විට කාන්තා එක්දින කණ්ඩායම් ශ්‍රේණිගත කිරීම් අනුව 8 වැනි ස්ථානයේ පසුවන ශ්‍රී ලංකා කාන්තා කණ්ඩායම, මෙවර තරගාවලියට සහභාගි වන කණ්ඩායම් අතර පහළම ශ්‍රේණිගත ස්ථානයට හිමිකම් කියන කණ්ඩායමයි.


ශ්‍රී ලංකා කණ්ඩායම සහභාගි වන තරග

■    ජූනි මස 24 වැනිදා - නවසීලන්තයට එරෙහිව බ්‍රිස්ටල්හිදී
■    ජූනි මස 29 වැනිදා - ඕස්ට්‍රේලියාවට එරෙහිව බ්‍රිස්ටල්හිදී
■    ජූලි මස 2 වැනිදා - එංගලන්තයට එරෙහිව ටෝන්ටන්හිදී
■    ජූලි මස 5 වැනිදා - ඉන්දියාවට එරෙහිව ඩර්බිහිදී
■    ජූලි මස 9 වැනිදා - බටහිර ඉන්දීය කොදෙව් පිලට එරෙහිව ඩර්බිහිදී
■    ජූලි මස 12 වැනිදා - දකුණු අප්‍රිකාවට එරෙහිව ටෝන්ටන්හිදී
■    ජූලි මස 15 වැනිදා - පාකිස්තානයට එරෙහිව ලෙස්ටර්ෂයර්හිදී

 

- 036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...