. ශ්‍රී ලංකා ක්‍රීඩකයා ඕස්ට්‍රේලියානු පිලට | කෙළිමඬල
2018 අපේ‍්‍රල් මස 20 වැනි සිකුරාදා
ශ්‍රී ලංකා ක්‍රීඩකයා ඕස්ට්‍රේලියානු පිලට
2017-06-19 22:01:43 | ශානුක අරවින්ද

ඩේවිස් කුසලාන ටෙනිස් තරගාවලියට සහභාගි වන ශ්‍රී ලංකා කණ්ඩායමේ අතිරේක ක්‍රීඩකයා බවට පත්ව සිටින ඇලෙක්ස් ෆයර්බෑන්ක්ස්, මේ දිනවල ටෙනිස් සංගම් මූලස්ථාන ක්‍රීඩාගංණයේදී පැවැත්වෙන ‘එෆ් 1 ෆියුචර්ස්’ ජාත්‍යන්තර ටෙනිස් තරගාවලියේදී ඕස්ට්‍රේලියාව නියෝජනය කරමින් තරග වදින බව වාර්තා වේ.

ශ්‍රී ලංකා ටෙනිස් සංගමය සංවිධානය කරන ‘එෆ් 1 ෆියුචර්ස්’ ජාත්‍යන්තර ටෙනිස් තරගාවලියේ කේවල අංශයේ සුදුසුකම් ලබාගැනීමේ වටයේදී මෙන්ම යුගළ අංශයේ මූලික වටයේදී ෆයර්බෑන්ක්ස් ඕස්ට්‍රේලියාව නියෝජනය කරමින් තරග වදියි.

‘එෆ් 1 ෆියුචර්ස්’ ජාත්‍යන්තර ටෙනිස් තරගාවලියේ කේවල අංශයේ සුදුසුකම් ලබාගැනීමේ වටයේ පළමු තරගයේදී වට 2-1 ක් ලෙස (4/6, 5/1, 6/2) ඉන්දීය ක්‍රීඩක භාරත් නිෂෝක් පරාජය කිරීමට සමත් වුවද, දෙවැනි තරගයේදී තවත් ඉන්දීය ක්‍රීඩකයකු වන ප්‍රාජ්වල් දේව් හමුවේ වට 2-0 ක් ලෙස (6/2, 6/4) පරාජය වීම නිසා ෆයර්බෑන්ක්ස්ට කේවල අංශයේ මූලික වටයට සුදුසුකම් ලබාගැනීමට නොහැකි විය.

යුගළ අංශයේ මූලික වටයේ තරග සඳහා ශ්‍රී ලංකාවේ නිෂාංගන් නඩරාජා සමග එක්ව තරග වැදුණු ෆයර්බෑන්ක්ස්, එහි පළමු තරගයේදී ප්‍රංශයේ ගේබි්‍රයල් පෙටිට්ට සහ ෆ්‍රැන්කොයිස් අතර් හමුවේ තරග 2-0 (6/0, 6/2) ක් ලෙසින් පරාජය විය.

ඇලෙක්ස් ෆයර්බෑන්ක්ස් ශ්‍රී ලංකාවේ උපත ලබා ඕස්ට්‍රේලියාවේ වාසය කරන අයෙක් වන අතර ඔහු මේ දක්වා ශ්‍රී ලංකාවේදී පැවැති කිසිදු ටෙනිස් තරගාවලියක් සඳහා සහභාගි වී නැත.

ඩේවිස් කුසලාන තරගාවලියට සහභාගි වන ශ්‍රී ලංකා කණ්ඩායමට පෙර සිටම ක්‍රීඩකයන් තිදෙනෙක් තෝරාගෙන තිබුණ අතර එහි සිවුවැනි ක්‍රීඩකයා සහ අතිරේක ක්‍රීඩකයා තෝරාගැනීම සඳහා තේරීම් තරගාවලියක් පැවැත්විණ.  එම තේරීම් තරගාවලියේ අවසන් අදියරේ පළමු තරගයේදී වට 2-1 ක් ලෙස (1/6, 6/2, 6/0) ලෙස නිෂාංගන් නඩරාජා හමුවේ පරාජයට පත්වූ ෆයර්බෑන්ක්ස්, දෙවැනි තරගයේදී වට 2-1 ක් ලෙස (6/3, 4/6, 6/1) අවීන්ද්‍ර පෙරේරා පරාජය කරමින් ශ්‍රී ලංකා කණ්ඩායමේ අතිරේක ක්‍රීඩකයා බවට පත්විය.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...