. ලසිත් මාලිංගට විනය පරීක්‍ෂණයක් | කෙළිමඬල
2018 ජූනි මස 22 වැනි සිකුරාදා
ලසිත් මාලිංගට විනය පරීක්‍ෂණයක්
2017-06-25 17:44:33 | යොහාන් භාසුර

ක්‍රිකට් ක්‍රීඩකයන්ගේ ශාරීරික යෝග්‍යතාව සම්බන්ධයෙන් ක්‍රීඩා අමාත්‍ය දයාසිරි ජයසේකර මහතා කළ ප්‍රකාශයකට පිළිතුරු සැපයූයේ යැයි කියන සිද්ධියක් සම්බන්ධයෙන් වේග පන්දු යවන ක්‍රීඩක ලසිත් මාලිංගට එරෙහිව විනය පරීක්‍ෂණයක් පවත්වන බව ශ්‍රී ලංකා ක්‍රිකට් ආයතනයේ උසස් නිලධාරියෙක් ‘ලංකාදීප’යට පැවසීය. 

සිම්බාබ්වේ පිලට එරෙහිව මේ මස 30 වැනිදා ආරම්භ වන එක්දින තරගාවලියට සහභාගි වන ශ්‍රී ලංකා සංචිතයට ලසිත් මාලිංග ඇතුළත්ව සිටින බවත් එම සංචිතය පසුගිය සිකුරාදා ක්‍රීඩා ඇමතිවරයාගේ අනුමැතිය යොමුකර තිබුණ බවත් දැනගන්නට ලැබේ. එහෙත් මෙම සංචිතයට ඊයේ රාත්‍රී දක්වා අනුමැතිය ලැබී නොතිබුණි. ලසිත් මාලිංග එම සංචිතයට ඇතුළත්ව සිටීම නිසා ශ්‍රී ලංකා සංචිතයට ක්‍රීඩා ඇමති අනුමැතිය දීම ප්‍රමාද කෙරෙන බව තතු දන්නෝ පවසති. 

“මාලිංග ක්‍රිකට් ආයතනයේ ගිවිසුම්ගත ක්‍රීඩකයෙක් ඔහුට ක්‍රිකට් ආයතනයේ අවසරකින් තොරව මාධ්‍යයට අදහස් දක්වන්න බෑ. ඔහු එවැනි දෙයක් කරලා තියෙනවා. ඒ සම්බන්ධයෙන් ඉදිරියේදී පරීක්‍ෂණයක් පැවැත්වෙනවා” යැයි ශ්‍රී ලංකා ක්‍රිකට් ආයතනයේ නිලධාරියෙක් වැඩි දුරටත් පැවසීය. 

මාලිංගට එරෙහිව පරීක්‍ෂණයක් පවත්වන ලෙස ක්‍රීඩා අමාත්‍යවරයා කළේ යැයි කියන නියෝගයක් අනුව මාලිංග පසුගිය බ්‍රහස්පතින්දා පෙරවරුවේ කළමණාකරු අසංක ගුරුසිංහ මහතා සමඟ ශ්‍රී ලංකා ක්‍රිකට් මූලස්ථානයට පැමිණි බව වාර්තා වේ. එහිදී ක්‍රිකට් ආයතනයේ නිලධාරියකු මාධ්‍යයට අදහස් දැක්වීමෙන් වැළකී සිටින ලෙස මාලිංගට උපදෙස් දුන් බව වාර්තා වේ.

මාලිංග සංචිතයෙන් ඉවත් කරන ලෙස දැඩි බලපෑම් එල්ල වෙමින් තිබෙන බවද ක්‍රිකට් ක්ෂේත්‍රයේ කථා බහට ලක්ව තිබේ.  

ශ්‍රී ලංකා ක්‍රිකට් ආයතනයේ විධායක කමිටුවේ වැඩි දෙනෙක් මේ වන විට අන්තර්ජාතික ක්‍රිකට් සභාවේ විධායක කමිටු රැස්වීමට සහභාගි වීම සඳහා එංගලන්තයට ගොස් සිටිති. එම නිලධාරීන් පැමිණි පසු මාලිංගට එරෙහිව පරීක්‍ෂණයක් ආරම්භ කිරීමට නියමිතය. 
 

ඔබේ ප්‍රතිචාර
kkg 2017-06-26 08:04:56
මේ රටේ නම ලෝක වාර්තාවල සටහන් කරපු ලෝක කුසලානයක් දිනන්න නායකත්වය දීපු මනුස්සයවත් මරාගෙන කන්නයි හදන්නේ.

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...