. සත් සාමාජික ශූරතාව සාන්ත තෝමස්ට | කෙළිමඬල
2017 සැප්තැම්බර් මස 23 වැනි සෙනසුරාදා
සත් සාමාජික ශූරතාව සාන්ත තෝමස්ට
2017-07-02 20:04:04 | යොහාන් භාසුර

ශ්‍රී ලංකා පාසල් රග්බි සංගමය සහ සිංගර් ශ්‍රී ලංකා සමාගම එක්ව සංවිධානය කළ ‘සිංගර්’ කුසලාන වයස 20 න් පහළ සත් සාමාජික රග්බි තරගාවලියේ ශූරතාව දිනා ගැනීමට ගල්කිස්ස සාන්ත තෝමස් විදුහල් ක්‍රීඩකයෝ අද (02) සමත් වූහ. ඉසිපතන විදුහල අනු ශූරතාව හිමිකර ගත්තේය.

කොළඹ පැරණි තුරඟ පිටියේදී දෙදිනක් පැවැති මෙම තරගාවලියේ අවසන් තරග ඊයේ පස්වරුවේ පැවැත්විණි.
සාන්ත තෝමස් විදුහල පිට පිටම දෙවැනි වසරටත් වයස 20 න් පහළ සත් සාමාජික රග්බි තරගාවලියේ ශූරතාව දිනා ගැනීම මෙහිදී කැපී පෙනේ. සාන්ත තෝමස් විදුහල් පිලේ නායක නවීන් හේනකන්කානම්ගේ තරගාවලියේ දක්‍ෂතම ක්‍රීඩකයා ලෙස සම්මාන ලැබීය.  

සාන්ත තෝමස් විදුහල් ක්‍රීඩකයෝ අවසන් මහ තරගයේදී ලකුණු 19-14 කින් ඉසිපතන විදුහල පරාජය කිරීමට සමත් වූහ. සාන්ත තෝමස් විදුහල් පිලේ නායක නවීන් හේනකන්කානම්ගේ මීටර 50 ක් පමණ දිවයමින් දකුණු පස ගෝල කණු අතරින් පන්දුව තැබීමත් සමඟ ලකුණු පුවරුව 19-7 ක් බවට පත්වෙමින් ඉසිපතන විදුහල වෙතින් තරගය ඈත්විය.

ඉසිපතන විදුහලේ සුදීර ගයනාත් අවසන් මිනිත්තුවේදී සම්පූර්ණ කළ උත්සාහක දිනුමට, හරිත් බණ්ඩාර අතිරේක ලකුණු එකතු කිරීමෙන් අවසන් ලකුණු තත්ත්වය 19-14 ක් බවට පත්විය.

සාන්ත තෝමස් විදුහල් පිල තරගය ආරම්භයේ සිට වේගවත් ක්‍රීඩා රටාවකට යොමු වෙමින් ලකුණු 14-7 ක් ලෙස පළමු අර්ධය අවසන් කළේය.

තරගය ආරම්භ වී දෙවැනි මිනිත්තුවේදී ඩියෝන් ඩයස් උත්සාහක දිනුමක් සම්පූර්ණ කර, එහි ප්‍රවර්ථනය ද සාර්ථක කරමින් ලකුණු 7-0 ක් ලෙස සාන්ත තෝමස් විදුහල පෙරමුණට ගත්තේය.

මයෝන් ජයවර්ධන සිවුවැනි මිනිත්තුවේදී වම් පස කොඩි කණුව අසළින් සම්පූර්ණ කළ උත්සාහක දිනුමට ඩියෝන් ඩයස් අතිරේක ලකුණු එකතු කිරීමත් සමඟ සාන්ත තෝමස් විදුහල 14-0 කින් තව දුරටත් ඉදිරියට පැමිණියේය.  

ඉසිපතන විදුහලේ නදීෂ චාමින්ද 5 වැනි මිනිත්තුවේදී සාර්ථක කළ උත්සාහක දිනුම, හරිත් බණ්ඩාර ගෝලයක් ප්‍රවර්ථනය කිරීමෙන් ලකුනු පුවරුව 14-7 ක් බවට පත්විය.  


අවසන් තරග ප්‍රතිඵල

● කුසලාන ශූරතාව
ගල්කිස්ස සාන්ත තෝමස් විදුහල විසින් ලකුණු 19-14 කින් ඉසිපතන විදුහල පරාජය කරන ලදී.

● පළඟ ශූරතාව
බම්බලපිටිය ශාන්ත පීතර විදුහල විසින් ලකුණු 24-10 කින් ගල්කිස්ස විද්‍යා විදයාලය පරාජය කරන ලදී.

● බඳුන ශූරතාව
මරදාන ශාන්ත ජෝශප් විදුහල විසින් ලකුණු 26-14 කින් වෙස්ලි විදුහල පරාජය කරන ලදී.

● පළිහ ශූරතාව
පිළියන්දල මැදි මහ විදුහල විසින් ලකුනු 19-14 කින් මොරටු මහ විදුහල පරාජය කරන ලදී.  

 

අවසන් පූර්ව තරග ප්‍රතිඵල

කුසලාන ශූරතාව
සාන්ත තෝමස් විදුහල විසින් ලකුණු 21-14 කින් මහනුවර ත්‍රිත්ව විදුහල පරාජය කරන ලදී
ඉසිපතන විදුහල විසින් ලකුණු 19-14 කින් මහනුවර කිංස්වුඞ් විදුහල පරාජය කරන ලදී

පළඟ ශූරතාව
ශාන්ත පීතර විදුහල විසින් ලකුනු 19-7 කින් කොළම රාජකීය විදුහල පරාජය කරන ලදී
විද්‍යා විද්‍යාල විසින් ලකුණු 19-10 කින් කටුගස්තොට ශාන්ත අන්තෝනි විදුහල පරාජය කරන ලදී.

බඳුන ශූරතාව
ශාන්ත ජෝශප් විදුහල විසින් ලකුණු 41-5 කින් විද්‍යාර්ථ විදුහල පරාජය කරන ලදී.
වෙස්ලි විදුහල විසින් ලකුණු 7-0 කින් මරදාන සහිරා විදුහල පරාජය කරන ලදී.

පළිහ ශූරතාව
පිළියන්දල මැදි මහ විදුහල විසින් ලකුණු 12-7 කින් ශාන්ත ඇලෝසියස් විදුහල පරාජය කරන ලදී.
මොරටු මහ විදුහල විසින් ලකුණු 36-7 කින් ශාන්ත සිල්වෙස්ටර් විදුහල පරාජය කරන ලදී.

 

ශූරතාව දිනූ සාන්ත තෝමස් විදුහල් කණ්ඩායම.

සිංගර් ශ්‍රී ලංකා සමාගමේ හිටපු සභාපති සහ ශ්‍රී ලංකා රක්‍ෂණ සමාගමේ වත්මන් සභාපති හේමක අමරසූරිය මහතා අතින් ඉසිපතන විදුහල් පිලේ සුමුදු රන්කොත්ගේ අනු ශූරතා
කුසලාන ලබාගත් අවස්ථාව.

 

ශා. තෝමස් - ඉසිපතන රග්බි තරගයේ උණුසුම් අවස්ථා...

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
හර්දික් පාණ්ඩ්‍යා ඉන්දියාවට ජය ගෙනෙයි...
2017-09-17 18:40:28
හර්දික් පාණ්ඩ්‍යා (83) සහ මහේන්ද්‍ර සිං දෝනි (79) එක්ව හයවැනි කඩුල්ල සදහා පැවැත්වූ ලකුණු 118 ක සම්බන්ධතාවය හේතුවෙන් චෙන්නායිහිදී අ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...
ක්‍රිකට් දැනුමැත්තෝ කර අරිති...
හැමෝටම කළින් ක්‍රීඩා ඇමැතිවරයා සහ තිලංග ඉවත්විය යුතුයි. ඊට පස්සේ ලංකාවේ ක්‍රිකට්වලට හොඳ කලක් උදාවේවි... බැරිවෙලාවත් අර්ජුන ආවොත් සොරිම තමයි. ...
ක්‍රිකට් දැනුමැත්තෝ කර අරිති...
ඇමැතිගේ නාඩගම් එපාවෙලා වෙන්නැති ක්‍රිකට් දැනුමැත්තෝ එන්නේ නැත්තේ... ...
තිසර ලෝක කණ්ඩායම දිනවයි...
ලංකා ටීම් එක, ලංකාවේ ක්ලබ් ටීම් එකක් එක්ක සෙල්ලම් කළත් පරදිනවා. ඒක සත්තයි..!!! ...