. ශ්‍රී ලංකා ක්‍රීඩකයෙක් අමාරුවේ | කෙළිමඬල
2018 ජූනි මස 24 වැනි ඉරිදා
ශ්‍රී ලංකා ක්‍රීඩකයෙක් අමාරුවේ
2017-07-04 13:57:02 | නාමල් පතිරගේ

ආසියානු මලල ක්‍රීඩා ශූරතාවලියට සහභාගිවීම සඳහා මේ වනවිට ඉන්දියාවේ ‘ඔඩිෂා’ ප්‍රාන්තයේ ‘බුහුබුනේෂ්වර්’ නුවරට ගොස් සිටින ශ්‍රී ලංකා සහය දිවීමේ ක්‍රීඩකයකු වන රුවන් ප්‍රදීප් කුමාර තහනම් උත්තේජක ගැනීමේ චෝදනාවට ලක්වී ඇතැයි වාර්තා වේ.

ඒ හේතුවෙන් එම ක්‍රීඩකයා ආසියානු තරගාවලියෙන් ඉවත්කර යළි ශ්‍රී ලංකාවට කැඳවීමට ශ්‍රී ලංකා තහනම් උත්තේජක නිවාරණ ආයතනය ශ්‍රී ලංකා මලල ක්‍රීඩා සංගමයට උපදෙස් දී ඇතැයි එහිදී වැඩිදුරටත් වාර්තා වේ.

ශ්‍රී ලංකාවේදී පැවැති තේරීම් තරගාවලියේදී ඔහුගෙන් ලබාගත්  මුත්‍රා නියැදි පරීක්‍ෂාවකට අනුව ඔහු මෙසේ තහනම් උත්තේජක චෝදනාවට ලක්ව තිබේ.

බුහුබුනේෂ්වර් නුවරදී අනිද්දා (6) ආරම්භ වන 22 වැනි ආසියානු  මලල ක්‍රීීඩා ශූරතාවලියට මෙම ක්‍රීඩකයා තේරී ඇත්තේ  මීටර 4 ඥා 400 සහය දිවීමේ ඉසව්ව සඳහාය. 

ශ්‍රී ලංකාවේ පැවැති තේරීම් තරගයේදී එම සහය දිවීමේ ඉසව්වේ තෙවැනියට හොඳම නිමි කාලය වාර්තා කළ ප්‍රදීප් කුමාර බහුබුනේෂ්වර්හිදී පැවැති අවසන් තේරීම්වලදී පළමු ක්‍රීඩකයන් සිව්දෙනා අතරට පිවිසීමට අපොහොසත්වී ඇතැයිද වැඩිදුරටත් වාර්තා වේ.

මෙම ක්‍රීඩකයාට සිය නිදොස්භාවය තහවුරු කරගැනීම උදෙසා දෙවැනි (‘බී’) මුත්‍රා නියැදිය ද අවශ්‍ය නම් පරික්‍ෂා කරවා ගත හැකිය. ඔහු පසුගිය වසරේදී වියට්නාමයේ විවෘත මලල ක්‍රීඩා ශූරතාවලියට ශ්‍රී ලංකාව නියෝජනය කරමින් සහභාගි වූ ක්‍රීඩකයෙකි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
ශ්‍රී ලංකා කණ්ඩායම දුර්වල අඩියක...
2018-06-22 14:46:32
පන්දුවේ ස්භාවය වෙනස් කිරීමට උත්සාහ ගත්තේ යැයි චෝදනා ලැබ තරග තහනමකට ලක්ව සිටින ශ්‍රී ලංකා කණ්ඩායමේ නායක දිනේෂ් චන්දිමාල් බාර්බඩෝස් හිදී...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...
ලොක්කෝ තුන්දෙනාම වරද පිළිගනිති...
2018-06-22 14:37:46
අන්තර්ජාතික ක්‍රිකට් සභාව විසින් පනවන ලද විනය නීති මාලාවේ 2.3.1 වගන්තියට අනුව ක්‍රීඩාවේ ජීව ගුණයට හානී කරමින් 3 වැනි මට්ටමේ වරදක් ...