. වෑවලවැව මහ විදුහල ශූරතාව දිනයි | කෙළිමඬල
2018 ජූනි මස 23 වැනි සෙනසුරාදා
වෑවලවැව මහ විදුහල ශූරතාව දිනයි
2017-07-07 13:39:02 | ශානුක අරවින්ද

ගාල්ල මහින්ද විදුහල් ක්‍රීඩාංගණයේදී පැවැති සමස්ත ලංකා වයස 14 න් පහළ බේස්බෝල් තරගාවලියේ ශූරතාව දිනාගැනීමට වෑවලවැව මහ විදුහල සමත් විය.

අවසන් මහ තරගයේදී ලකුණු 10-7 ක් ලෙස ගාල්ල මහින්ද විදුහල පරාජය කරමින් වෑවලවැව මහ විදුහල එම ශූරතාවට හිමිකම් කී අතර එම තරගය ඉනිම 7 ක් පුරා ක්‍රියාත්මක විය. 

මූලික වටයේ තරගවලදී කොළඹ නාලන්දා විදුහල ලකුණු 13-4 ක් ලෙසද, ගාල්ල රිච්මන්ඞ් විදුහල ලකුණු 8-3 ක් ලෙසද වෑවලවැව විදුහල හමුවේ පරාජයට පත්විය. 

ඉහළ කාණ්ඩයේ අවසන් පූර්ව තරගයේදී තියුණු තරගයකින් අනතුරුව මහින්ද විදුහල ලකුණු 7-6 ක් ලෙස පරාජය කරමින් වෑවලවැව විදුහල අවසන් මහ තරගයට සුදුසුකම් ලබාගත්තේය. 

ඉහළ කාණ්ඩයේ අවසන් පූර්ව වටයේදී වෑවලවැව විදුහල හමුවේ පරාජයට පත්වීම නිසා මහින්ද විදුහලට පහළ කාණ්ඩයේ අවසන් පූර්ව තරයේදී රණබිම රාජකීය විදුහලට එරෙහිව තරග වැදීමට සිදුවිය. එම තරගයේදී රණබිම රාජකීය විදුහල පරාජය කරමින් මහින්ද විදුහල අවසන් මහ තරගයට සුදුසුකම් ලැබීය. 

තරගාවලියේ වටිනාම ක්‍රීඩකයා ලෙස වෑවලවැව මහ විදුහලේ අවිශ්ක බණ්ඩාර සම්මාන දිනාගත් අතර දක්ෂතම පන්දු රකින්නා ලෙස එම විදුහලේම ඉදුනිල් සඳරුවන් සම්මාන දිනාගත්තේය. 

ගාල්ල මහින්ද විදුහලේ අකිර භාෂ්වර සහ ඩී. එල්. එස්. වික්‍රමරත්න පිළිවෙලින් දක්ෂතම පන්දු යවන්නා සහ දක්ෂතම පිතිකරුවා ලෙසත්, රණබිම රාජකීය විදුහලේ තාරක මධුෂාන් දක්ෂතම පසුපස පන්දු රකින්නා ලෙසත් සම්මාන ලැබූහ. 

වෑවලවැව මහ විද්‍යාලයේ බේස්බෝල් ක්‍රීඩාව ආරම්භ කර ඇත්තේ 2014 වර්ෂයේදී වන අතර එතැන් සිට මේ දක්වා බේස්බෝල් ජයග්‍රහණ රැසක් දිනාගැනීමට එම විදුහල සමත්ව තිබේ. 

2014 වසරේ සිට මේ දක්වා (2017) පිට පිට සිවුවරක් වෑවලවැව මහ විදුහල මෙම වයස් කාණ්ඩයේ ශූරතාව දිනාගෙන තිබේ. වෑවලවැව මහ විදුහලේ බේස්බෝල් පුහුණුකරු ලෙස එස්. යූ. ජයරත්න මහතා කටයුතු කරන අතර කණ්ඩායම් භාර ආචාර්යවරයා ලෙස ආර්. ඩී. බී. බණ්ඩාර මහතා කටයුතු කරයි. 

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...