. මලල ක්‍රීඩාව විනාශ කරන්නේ පුහුණුකරුවන් | කෙළිමඬල
2017 සැප්තැම්බර් මස 24 වැනි ඉරිදා
මලල ක්‍රීඩාව විනාශ කරන්නේ පුහුණුකරුවන්
2017-07-08 15:36:43 | සුසිල් ප්‍රේමලාල් ඉන්දියාවේ භුබනේෂ්වර් සිට

ශ්‍රී ලංකාවේ මලල ක්‍රීඩාව විනාශ කිරීමේ පෙරගමන්කරුවන් ලෙස පුහුණුකරුවන් හැඳින්විය හැකි බව ශ්‍රී ලංකා මලල ක්‍රීඩා සංගමයේ සභාපති විශ්‍රාමික මේජර් ජනරාල් පාලිත ප්‍රනාන්දු මහතා පෙන්වා දෙයි.

අද බොහෝ මලලක්‍රීඩා පුහුණුකරුවන් ක්‍රීඩකයා හෝ ක්‍රීඩිකාව බිල්ලට දී නොයෙකුත් වරප්‍රසාද ලබන තත්වයට පත්ව ඇති බවත් පාසල් මට්ටමේ සිට ජාතික මට්ටම දක්වා වූ බොහෝ පුහුණු කරුවන් එම ක්‍රියාවලියට සම්බන්ධ බවත් හෙතෙම පැවැසීය.

ආසියානු මලලක්‍රීඩා සම්මේලනයට සහභාගී වීම සඳහා ශ්‍රී ලංකා මලලක්‍රීඩා සංගමයේ සභාපති පාලිත ප්‍රනාන්දු මහතා සහ එහි ලේකම් ප්‍රේමා පින්නවල මහතා දැන් ඉන්දියාවේ භුබනේෂ්වර් නුවරට පැමිණ සිටිති. ඒ අතරවාරයේදී ආසියානු ශූරතා මලලක්‍රීඩා තරගාවලිය නිරීක්ෂණය කරමින් පාලිත ප්‍රනාන්දු මහතා ඉහත ප්‍රකාශය කළේය.

අතීතයේදී ශ්‍රී ලංකාවේ මලල ක්‍රීඩා පුහුණුකරුවන් තමන්ගේ කාලය මෙන්ම ශ්‍රමය වැයකරමින් පෞද්ගලිකත්වය පසෙක දමා ක්‍රීඩාවේ සංවර්ධනය වෙනුවෙන් උරදුන් බවත් වර්තමානයේ එවැනි පුහුණුකරුවන් ඉතා සුළු වශයෙන් සිටියද, බහුතරය තමන්ගේ වරප්‍රසාද වෙනුවෙන් ක්‍රීඩක ක්‍රීඩිකාවන් බිලිදෙන බවත් හෙතෙම පැවසීය.

“මෙම තත්වය ඉතාමත් කණගාටුදායක තත්වයක්....ඒකට හොඳම උදාහරණය තමයි මෙවර ආසියානු මලල ක්‍රීඩා තරගාවලියට පුහුණුකරුවන් 18 දෙනෙකු සහභාගී වීම”

“අපි තරගාවලියට නම්කළේ පුහුණුකරුවන් 6 දෙනායි. නමුත් ක්‍රීඩක ක්‍රීඩිකාවන් පිරිසක් තමන්ගේ පෞද්ගලික පුහුණුකරුවන් නැතිව එන්න බැහැ කිව්වා. අනෙක් පැත්තෙන් තමන්ගේ ළමයි පිට පුහුණුකරුවන් යටතේ පුහුණුවට සහභාගි කරවන්න බැහැ කිව්වා. අවසානයේ ක්‍රීඩා ඇමැතිවරයා පවා නොමග යවමින් එම ක්‍රීඩක - පුහුණුකරු දෙපක්ෂයම තමන්ගේ ඉල්ලීම් දිනාගත්තා” යයි පාලිත ප්‍රනාන්දු මහතා පැවසීය.

අද පාසල් මට්ටමේ බොහෝ ක්‍රීඩක ක්‍රීඩිකාවන් බලාපොරොත්තු නැති විදිහට ඇතැම් ඉසව් වලින් ඉදිරියට පැමිණ ඇති හෙයින් ඔවුන්ගේ තොරතුරු ලබාගැනීමට ගියවිට එම තොරතුරු නොදී පලායන තත්වයකට පත්ව ඇති බව පැවසූ මලල ක්‍රීඩා සභාපතිවරයා එසේවන්නේ ක්‍රීඩක ක්‍රීඩිකාවන්ගේ දක්ෂතා විනාශ කරන ‘මාෆියාවක් ’පාසල් ක්‍රීඩා ක්ෂේත්‍රයට රිංගා ගැනීම නිසා බව ඔහු සඳහන් කළේය.

පාසල් ක්‍රීඩා මාෆියාවට සෘජුවම පාසල් මට්ටමේ පුහුණුකරුවන් සහ පාසල් ක්‍රීඩා ගුරුවර ගුරුවරියන්ද වගකිව යුතු බව ඔහු වැඩිදුරටත් පවසයි.

දක්ෂතා දක්වන ක්‍රීඩක ක්‍රීඩිකාවන්ට විදෙස් පුහුණුව ලබාදීමේ ක්‍රියාවලිය අසාර්ථක බව පැවසූ පාලිත ප්‍රනාන්දු මහතා විදෙස් පුහුණුව ලැබූ බහුතරයකගේ ක්‍රීඩා ජීවිතය විනාශ වූ බවත් ඔහු පැවසීය.

 

kumar (galf)2017-07-12 11:05:46
ලංකාවේ මලල පුහුණුකරුවන් කිසිම විනයක් නැති කොටසක් බවට පත්වෙලා...

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
සංගක්කාරගේ සරේ සංදර්ශනය සමාප්තයි...
2017-09-23 18:44:15
සිය වසර 20 ක පළමු පෙළ ක්‍රිකට් දිවියේ අවසන් තරගයේදීත් ශතයක් ලබාගත් 39 හැවිරිදි කුමාර් සංගක්කාර, පළමු පෙළ ක්‍රිකට් පිටියට සමුදුන්නේ...
ක්‍රිකට් ක්‍රීඩකයෝ පරීක්‍ෂණයක් ඉල්ලති...
පරීක්ෂණයක් තියනවා නම් ඒක සී.අයි.ඩී. එකට දෙන්න ඕනෑ. ඒ වගේම හැම ක්‍රීඩකයෙක්ගේම වත්කම් විගණනය කරන්නත් ඕනෑ. ක්‍රිකට් ආයතනයෙන් පරීක්ෂණයක් තියනවා කියන්නේ ...
මැතිව්ස්ට පළමු ටෙස්ට් තරගය අහිමි වෙයි...
ලෙඩ්ඩු නැති ටීම් එකක් හදාගන්න බැරිද? වෙන කවුරු හරි දාලා... මේක කරන්න. එයා සනීප වෙනකම් වත්. අනික මෙයා මැච් එකකට කලින් දවසේ ලෙඩ වෙනවා. ලෙඩ ගුහාවක්නේ... ...
උපුල් තරංග ...
ඔව්, අපිට අපේ ක්‍රිකට් ආපහු ඕනේ... අපි අයට උදව් කරනවා. අතීතය අමතක කරලා සැබෑ සිංහයන් ලෙසින් වැඩ පෙන්වන්න. ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...