. කිටෙල් හත්වැනි අදියර ජයගනී | කෙළිමඬල
2018 මැයි මස 25 වැනි සිකුරාදා
කිටෙල් හත්වැනි අදියර ජයගනී
2017-07-08 16:01:36 | .

ප්‍රංශ පාපැදි සවාරියේ හත්වැනි අදියර ජය ගැනීමට මහ බ්‍රිතාන්‍යයේ මර්සෙල් කිටෙල් සමත් විය. කිලෝ මීටර් 213.5 ක දුරකින් සමන්විත වූ එම අදියර ප්‍රංශයේ ට්‍රෝයස් නරගයෙන් ආරම්භ වී නුයිට්ස් සයින්ට් ජෝර්ජ්ස් නගරයෙන් නිමාවට පත් විය. එම අදියර නිමා කිරීම සඳහා කිටෙල්ට ගත වූ කාලය පැය 5.03:18 කි.

මෙවර තරගාවලියේ දෙවැනි සහ හයවැනි අදියරවල ජයග්‍රාහකයා බවට පත්වූයේද කිටෙල්ය. ඒ අනුව මේ දක්වා අදියර 3 ක් ජයගත් එකම ක්‍රීඩකයා බවට පත්වීමටද ඔහු සමත්ව සිටියි.

කිටෙල් සමග එක පොකුරේ පැමිණ තරගය අවසන් කළ නොර්වේහි එඩ්වල්ඩ් බූසන් හත්වැනි අදියරේ දෙවැනි ස්ථානයත්, ඕස්ට්‍රේලියාවේ මයිකල් මැතිව්ස් තෙවැනි ස්ථානයත් හිමිකරගත්හ. නොර්වේහි ඇලෙක්සැන්ඩර් ක්‍රිස්ටෝෆ් සහ ජර්මනියේ ජෝන් ඩෙගෙන්කොල්බ්  පිළිවෙලින් එහි සිවුවැනි සහ පස්වැනි ස්ථාන වලට පත් වූහ.
 
හත්වැනි අදියර ජයගැනීමට කිටෙල් සමත් වුවද, මුල් අදියර 6 නිමා කිරීමට ගතකළ කාලයත් සමග ගත්කල සමස්ත තරගයේ පෙරමුණ ගැනීමට ජර්මනියේ ක්‍රිස්ටෝපර් ෆෝම් සමත් විය. එහිදී අදියර 7 ක් නිසා කිරීම සඳහා ඔහුට ගත වී ඇති මුලු කාලය පැය 28.47:51 කි. ෆෝම්ට වඩා විනාඩි 17:55 ක් පසුපසින් සිටින කිටෙල්ට සමස්ත තරගයේ ප්‍රතිඵලයට අනුව හිමිව ඇත්තේ 120 ස්ථානයයි.

සමස්ත තරගයේ ප්‍රතිඵලයට අනුව දෙවැනි ස්ථානයේ රැදී සිටින මහ බි්‍රතාන්‍යයේ ජෙරේන්ට් තෝමස්, ෆෝම්ට වඩා තත්ත්පර 12 ක් පසුපසින් සිටින අතර එහි තෙවැනි ස්ථානයේ පසුවන ඉතාලියේ ෆැබියෝ අරූ, ෆෝම්ට වඩා තත්ත්පර 14 ක් පසුපසින් සිටියි.   

පාපැදි සවාරියේ අටවැනි අදියර අද (8 වැනිදා) ඩෝල් නරගයෙන් ආරම්භ වී ස්ටේෂන් ඩස් රූසස් නගරයෙන් අවසන් වීමට නියමිත අතර එහි මුලු දුර ප්‍රමාණය කිලෝ මීටර් 187.5 කි.


සමස්ත තරගයේ ප්‍රතිඵලය
1 ක්‍රිස්ටෝපර් ෆෝම් (මහ බ්‍රිතාන්‍යය) - පැය 28.47:51
2 ජෙරේන්ට් තෝමස් (මහ බ්‍රිතාන්‍යය) - පැය 28.48:03
3 ෆැබියෝ අරූ (ඉතාලිය) - පැය 28.48:05
4 ඩැනියෙල් මාටින් (අයර්ලන්තය) - පැය 28.48:16
5 රිචී පොර්ට් (ඕස්ට්‍රේලියාව) - පැය 28.48:30
6 සයිමන් යේට්ස් (මහ බ්‍රිතාන්‍යය) - පැය 28.48:34
7 රොමේන් බර්ඩෙට් (ප්‍රංශය) - පැය 28.48:38
8 ඇල්බර්ටෝ කොන්ටඩෝර් (ස්පාඤ්ඤය) - පැය 28.48:43
9 නයිරෝ කුයින්ටනා (කොලෙම්බියාව) - පැය 28.48:45
10 රෆාල් මජ්කා (පෝලන්තය) - පැය 28.48:52


- 036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පැරණි ක්‍රීඩකයන්ගෙන් අලුත් සූදානමක්...
2018-05-23 11:43:56
ශ්‍රී ලංකා ක්‍රිකට් ක්‍රීඩාව නිසි මඟකට ගෙනඒම සඳහා ශ්‍රී ලංකා කණ්ඩායම නියෝජනය කළ ක්‍රීඩකයන්ගෙන් 80% කට වැඩි පිරිසක් ඒකර...
චෙන්නායි පිල අවසන් තරගයට...
2018-05-22 18:53:38
හුදකලා සටනක නිරතවූ ෆැෆ් ඩු ප්ලේසීස්ගේ විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ අවසන් මහ තරගය සඳහා සුදුසුකම් ලබාගැනීමට චෙන්...