. ශ්‍රී ලංකා නායකත්වය දිනේෂාට | කෙළිමඬල
2017 දෙසැම්බර් මස 15 වැනි සිකුරාදා
ශ්‍රී ලංකා නායකත්වය දිනේෂාට
2017-07-08 17:13:35 | ශානුක අරවින්ද

අාසියානු කුසලාන කාන්තා වොලිබෝල් ශූරතාවලියට සහභාගි වන ශ්‍රී ලංකා කණ්ඩායමේ නායකත්වය සඳහා ශ්‍රී ලංකා ගුවන් හමුදාවේ දිනේෂා ප්‍රසාදිනී නම් කර තිබේ. මෙම තරගාවලිය ලබන අගෝස්තු මස 9 වැනිදා සිට 17 වැනිදා දක්වා පිලිපීනයේ මැනිලා සහ ලගුනා යන නගර වලදී පැවැත්වීමට නියමිතය.

ක්‍රීඩිකාවන් 12 දෙනෙකුගෙන් සමන්විත ශ්‍රී ලංකා කණ්ඩායමට යුද හමුදා ක්‍රීඩිකාවන් 7 ක්ද, ගුවන් හමුදා ක්‍රීඩිකාවන් 3 ක්ද, වරාය අධිකාරිය සහ නාවික හමුදාව නියෝජනය කරමින් ක්‍රීඩිකාවක් බැගින්ද ඇතුළත්ව සිටිති.

මෙම තරගාවලියට රටවල් 14 ක් සහභාගි වන අතර ශ්‍රී ලංකාව ‘සී’ කාණ්ඩය යටතේ තරග වැදීමට නියමිතය. ‘සී’ කාණ්ඩයට අයත් සෙසු රටවල් වන්නේ වියට්නායමය, දකුණු කොරියාව සහ නවසීලන්තයයි.

එහිදී ශ්‍රී ලංකාව සහභාගිවන පළමු තරගය අගෝස්තු මස 9 වැනිදා වියට්නායමයට එරෙහිවද, දෙවැනි තරගය අගෝස්තු මස 10 වැනිදා දකුණු කොරියාවට එරෙහිවද, තෙවැනි තරගය අගෝස්තු මස 11 වැනිදා නවසීලන්තයට එරෙහිවද පැවැත්වේ.

යුද හමුදාවේ ඉරේෂා සුරංගනී ශ්‍රී ලංකා කණ්ඩායමේ උප නායකත්වය දරන අතර සුමිත් ජයලාල් මහතා කණ්ඩායමේ ප්‍රධාන පුහුණුකරු ලෙස කටයුතු කරයි. එන්. අයි. ප්‍රනාන්දු සහ සුසිරි මංගල යන මහත්වරු සහායක පුහුණුකරුවන් ලෙසද, එල්. පී. ජයවර්ධන මහත්මිය කාන්තාවන් භාර නිලධාරිනිය ලෙසද කණ්ඩායමට එක්ව සිටින අතර ටී. එස්. පෙරේරා මහතා කණ්ඩායමේ කලමණාකරු ලෙස තරගාවලියට සහභාගි වෙයි.


ශ්‍රී ලංකා කණ්ඩායම
දිනේෂ් ප්‍රසාදිනී (ගුවන් හමුදාව - නායිකා), ඉරේෂා සුරංගනී (යුද හමුදාව - උප නායිකා), හෂිනි ලක්ෂිකා (යුද හමුදාව), අප්සරා සෙව්මාලි (යුද හමුදාව), අයේෂා මධුරිකා (යුද හමුදාව), වාසනා මධුමාලි (වරාය අධිකාරිය), තිලිණි වාසනා (යුද හමුදාව), චතුරිකා ගයනි (ගුවන් හමුදාව), කාංචනා දිල්හානි (යුද හමුදාව), සංජීවනී කරුණාරත්න (යුද හමුදාව), අශානි චමෝදිකා (ගුවන් හමුදාව) සහ දිලූෂා සංජීවනී (නාවික හමුදාව)

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දෝනිව දවාගත්තා නම්......
2017-12-11 19:04:24
වසර 17 ක වාර්තාවක් අලුත් කිරීමට තිබූ අනගි අවස්ථාවක් මහේන්ද්‍ර සිං දෝනි විසින් වළක්වන ලදි. ඉන්දීය කණ්ඩායම සිය මවුබිමේ පැවැති...
ශ්‍රී ලංකාවට කඩුලු 7 ක ජයක්...
2017-12-10 11:50:11
පරාජයන් වැළකට තිත තබමින් සුරංග ලක්මාල් ඇතුළු ශ්‍රී ලංකා පන්දු යවන්නන්ගේ විශිෂ්ට පන්දු යැවීම හමුවේ ධර්මසාලාහිදී අද (10 ව...
ඉන්දියාවට ලකුණු 141 ක ජයක්...
2017-12-13 20:00:06
රෝහිත් ශර්මාගේ (නොදැවී 208) විශිෂ්ට පිතිහරඹය හමුවේ චන්දිගාර්ඞ්හිදී අද (13 වැනිදා) පැවැති දෙවැනි එක්දින තරගයෙන් ලකුණු 141 ක්...
ශ්‍රී ලංකාව පීඩනයෙන් මිදෙයි...
2017-12-12 21:13:18
පන්ජාබයේ මොහාලි නුවරදී හෙට (13 වැනිදා) පැවැත්වෙන දෙවැනි එක්දින තරගයේදී තමන් පීඩනයෙන් මිදී ඇතැයි ශ්‍රී ලංකා නායක තිසර පෙරේරා කියයි. එස්...