. අංක 1 ටෙස්ට් පිල දෙසතියකින් ශ්‍රී ලංකාවේ | කෙළිමඬල
2018 අපේ‍්‍රල් මස 22 වැනි ඉරිදා
අංක 1 ටෙස්ට් පිල දෙසතියකින් ශ්‍රී ලංකාවේ
2017-07-08 18:32:42 | දමින්ද විජේසූරිය

ලෝකයේ ටෙස්ට් කණ්ඩායම් ශ්‍රේණිගත කිරීම අනුව අංක 1 ස්ථානය හිමිකරගෙන සිටින ඉන්දියාව සහ හත්වැනි ස්ථානය හිමි ශ්‍රී ලංකාව අතර පැවැත්වෙන ටෙස්ට් තරගාවලිය මේ මස 26 වැනිදා ගාල්ල අන්තර්ජාතික ක්‍රිකට් ක්‍රීඩාංගණයේදී ආරම්භ වේ. තරග තුනකින් සමන්විත මෙම තරගාවලියේ දෙවැනි තරගය කොළඹ එස්. එස්. සී. පිටියේදීද තුන්වැනි තරගය පල්ලෙකැළේ ක්‍රීඩාංගණයේදීද පැවැත්වේ.

ශ්‍රී ලංකා කණ්ඩායම මාස 13 ක් ඇතුළතදී ටෙස්ට් ශ්‍රේණිගත කිරීම් අතරේ අංක 1 හිමි කණ්ඩායමට මුහුණ දෙන දෙවැනි අවස්ථාව මෙයයි. පසුගිය වසරේදී ඕස්ටේ්‍රලියානු පිල ශ්‍රී ලංකාවේ සංචාරය කළ අවස්ථාවේදී ඕස්ට්‍රේලියානු පිලද ටෙස්ට් ශ්‍රේණිගත කිරීම් අනුව 1 වැනි ස්ථානයේ සිටියේය. එම ටෙස්ට් තරගාවලියේදී ඕස්ට්‍රේලියානු පිල පරදවා 3-0 ක තරගාවලි ජයක් ලබාගැනීමට ශ්‍රී ලංකා පිලට හැකිවිය.

ටෙස්ට් තරගාවලියට අමතරව එක්දින තරග 5 කට සහ විස්සයි 20 තරගයකටද ඉන්දීය පිල සහභාගි වේ. පළමු එක්දින තරගය දඹුල්ලේදීද ඉතිරි තරග පල්ලෙකැළේදී සහ කොළඹදී පැවැත්වේ. පසුගිය මාසයේ එංගලන්තයේදී පැවැති ශූරයන්ගේ කුසලාන තරගාවලියේ ඉන්දියාවට එරෙහිව ලකුණු 322 ක් සාර්ථකව හඹා ගිය ශ්‍රී ලංකා පිල එම තරගයෙන් කඩුලු 7 ක විශිෂ්ට ජයක් ලබාගත්තේය.

ඉන්දියාව සහ ශ්‍රී ලංකාව අතර අවසන් වරට පැවැති ටෙස්ට් තරගාවලියේදී (ශ්‍රී ලංකාවේදී) ඉන්දීය පිල 2-1 ක තරගාවලි ජයක් ලබාගත්තේය.


තරග කාල සටහන
■    ජූලි 26 - 30 : පළමු ටෙස්ට් තරගය ගාල්ල අන්තර්ජාතික ක්‍රීඩාංගණයේදී
■    අගෝස්තු 3 - 7 : දෙවැනි ටෙස්ට් තරගය කොළඹ එස්. එස්. සී ක්‍රීඩාංගණයේදී
■    අගෝස්තු 12 - 16 : තුන්වැනි ටෙස්ට් තරගය පල්ලෙකැළේ ක්‍රීඩාංගණයේදී
■    අගෝස්තු 20 - පළමු එක්දින තරගය දඹුල්ලේදී
■    අගෝස්තු 24 - දෙවැනි එක්දින තරගය පල්ලෙකැළේදී
■    අගෝස්තු 27 - තුන්වැනි එක්දින තරගය පල්ලෙකැළේදී
■    අගෝස්තු 31 - සිවුවැනි එක්දින තරගය ආර්. ප්‍රේමදාස ක්‍රීඩාංගණයේදී
■    සැප්තැම්බර් 3 - පස්වැනි එක්දින තරගය ආර්. ප්‍රේමදාස ක්‍රීඩාංගණයේදී
■    සැප්තැම්බර් 6 - විස්සයි-20 තරගය ආර්. ප්‍රේමදාස ක්‍රීඩාංගණයේදී

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...