. මුයින් අලී එංගලන්තයට ජය ගෙනෙයි | කෙළිමඬල
2018 අපේ‍්‍රල් මස 22 වැනි ඉරිදා
මුයින් අලී එංගලන්තයට ජය ගෙනෙයි
2017-07-10 00:00:34 | ....

මුයින් අලීගේ (53/6) විශිෂ්ට පන්දු යැවීම හමුවේ ලෝඞ්ස්හිදී පැවැති පළමු ටෙස්ට් තරගයෙන් දකුණු අප්‍රිකාවට එරෙහිව ලකුණු 211 ක ජයක් හිමිකර ගැනිමට එංගලන්තය අද (09 වැනිදා) සමත් විය. 


ජයග්‍රහණය සදහා ලකුණු 331 ක ඉලක්කයක් හඹාගිය දකුණු අප්‍රිකාවට සියලුදෙනා දැවී රැස්කිරීමට හැකිවූයේ ලකුණු 119 ක් පමණි. දකුණු අප්‍රිකා මුල් පෙළ පිතිකරුවන් සිවුදෙනෙකු ලකුණු 28 ක් තුළ දැවී යාමත් සමගින් පස්වැනි කඩුල්ල සදහා එක් වූ කුයින්ටන් ඩි‘කොක් (18) සහ ටෙම්බා බවුමා (21) ඉනිම ගොඩනැගීම සදහා දැඩි උත්සහයක් දැරුවද ඊට හරස්වූ මොයින් අලී පස්වැනි කඩුල්ලේ සම්බන්ධතාවය ලකුණු 36 කට සීමා කරමින් ඩි‘කොක් දවාගත්තේය.


ඉනිම දෙකේදී ලකුණු 109 කට කඩුලු 10 ක් දවාගනිමින් විශිෂ්ට පන්දු යැවීමක නිරත වූ මොයින් අලී පළමු ඉනිමේදී අර්ධ ශතකයක්ද (87) රැස්කරමින් පිත්තෙන්ද දස්කම් දැක්වීමට සමත් විය. එංගලන්ත ක්‍රීඩකයකු ටෙස්ට් තරගයකදී කඩුලු 10 ක් සහ අර්ධ ශතකයක් ලබාගනිමින් දස්කම් දැක්වීමට සමත් වූයේ වසර 37 කට පසුවීම කැපී පෙනෙන සිදුවීමකි. මින් පෙර ඉයන් බොතම් 1980 වසරේදී ඉන්දියාවට එරෙහිව වන්කඬේ ක්‍රීඩාංගණයේදී මෙම දස්කම සිදුකර ඇත.


ලකුණු 94 කට කඩුලු 9 ක් දැවී තිබියදී වේගවත් පිතිහරඹයක නිරත වූ වර්නන් ෆිලැන්ඩර් සහ මෝන් මෝකල් අවසන් කඩුල්ල සදහා පන්දු 17 කදී ලකුණු 25 ක් සම්බන්ධතාවයක් ගොඩනැගීමට සමත්වූහ.


තෙවැනි දිනට ඊයේ (08 වැනිදා) තරගය නතර කරනවිට කඩුල්ලක් දැවී ලකුණු 119 ක් රැස්කරමින් ප්‍රභල ස්ථානයක සිටි එංගලන්තය අද දිනයේදී ලකුණු 233 කට සීමා කිරීමට දකුණු අප්‍රිකා පන්දු යවන්නෝ සමත් වූහ. ඇලෙස්ටයාර් කුක් (69) සහ ජොනී බෙයාස්ටෝ (51) අර්ධ ශතක රැස්කරමින් පිත්තෙන් දස්කම් දැක්වූහ. වමතින් දගපන්දු යවන ක්‍රීඩක කේශව් මහරාජ් කඩුලු 4 ක් ද වේගපන්දු යවන ක්‍රීඩකයින් වන මෝර්න් මෝකල් සහ කගිසෝ රබාඩා කඩුලු 3 බැගින් දවාගනිමින් පන්දුවෙන් දස්කම් දැක්වූහ.

 

එංගලන්ත පළමු ඉනිම - ඕවර 105.3 කදී සියලුදෙනා දැවී ලකුණු 458

දකුණු අප්‍රිකා පළමු ඉනිම - ඕවර 105 කදී සියලුදෙනා දැවී ලකුණු 361

එංගලන්ත දෙවැනි ඉනිම - ඕවර 87.1 කදී සියලුදෙනා දැවී ලකුණු 233

(ඇලෙස්ටයාර් කුක් 69, කීටන් ජෙනින්ග් 33, ගැරී බැලන්ස් 34, ජොනී බෙයාස්ටෝ 51, මාර්ක් වුඩ් 28, කේෂව් මහරාජ් 85/4, කගීසෝ රබාඩා 50/3, මෝර්න් මෝකල් 64/3)

දකුණු අප්‍රිකා දෙවැනි ඉනිම - ඕවර 36.4 කදී සියලුදෙනා දැවී ලකුණු 119

(ටෙන්බා බවුමා 21, මුයින් අලී 53/6, ලියම් ඩේවිසන් 34/2)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...