. කිටෙල් සිවුවැනි ජයත් ලබයි | කෙළිමඬල
2018 ජූනි මස 23 වැනි සෙනසුරාදා
කිටෙල් සිවුවැනි ජයත් ලබයි
2017-07-12 21:49:20 | .

ප්‍රංශ පාපැදි සවාරියේ 10 වැනි අදියර ජය ගැනීමට මහ බ්‍රිතාන්‍යයේ මර්සෙල් කිටෙල් සමත් විය. කිලෝ මීටර් 213.5 ක දුරකින් සමන්විත වූ එම අදියර ප්‍රංශයේ පෙරිගුයෙක්ස් නරගයෙන් ආරම්භ වී බර්ජෙරැක් නගරයෙන් නිමාවට පත් විය. එම අදියර නිමා කිරීම සඳහා කිටෙල්ට ගත වූ කාලය පැය 4 යි විනාඩියකි.

මෙවර තරගාවලියේ දෙවැනි, හයවැනි සහ හත්වැනි අදියරවල ජයග්‍රාහකයා බවට පත්වූයේද කිටෙල්ය. ඒ අනුව මේ දක්වා අදියර 4 ක් ජයගැනීමට ඔහු සමත්ව සිටියි.

කිටෙල් සමග එක පොකුරේ පැමිණ තරගය අවසන් කළ ජර්මනියේ ජෝන් ඩෙගෙන්කොල්බ් 10 වැනි අදියරේ දෙවැනි ස්ථානයත්, නෙදර්ලන්තයේ ඩයිලන් ග්‍රොයෙන්වෙගන් තෙවැනි ස්ථානයත් හිමිකරගත්හ. ජර්මනියේ රුඩිගර් සෙලිං සහ නොර්වේහි ඇලෙක්සැන්ඩර් ක්‍රිස්ටෝෆ් පිළිවෙලින් එහි සිවුවැනි සහ පස්වැනි ස්ථාන වලට පත් වූහ.

10 වැනි අදියර ජයගැනීමට කිටෙල් සමත් වුවද, මුල් අදියර 9 නිමා කිරීමට ගතකළ කාලයත් සමග ගත්කල සමස්ත තරගයේ පෙරමුණ ගැනීමට ජර්මනියේ ක්‍රිස්ටෝපර් ෆෝම් සමත් විය. එහිදී අදියර 10 ක් නිසා කිරීම සඳහා ඔහුට ගත වී ඇති මුලු කාලය පැය 42.27:28 කි. ෆෝම්ට වඩා පැය 1.25:59 ක් පසුපසින් සිටින කිටෙල්ට සමස්ත තරගයේ ප්‍රතිඵලයට අනුව හිමිව ඇත්තේ 149 ස්ථානයයි.

සමස්ත තරගයේ ප්‍රතිඵලයට අනුව දෙවැනි ස්ථානයේ රැදී සිටින මහ බ්‍රිතාන්‍යයේ ජෙරේන්ට් තෝමස්, ෆෝම්ට වඩා තත්ත්පර 18 ක් පසුපසින් සිටින අතර එහි තෙවැනි ස්ථානයේ පසුවන ඉතාලියේ ෆැබියෝ අරූ, ෆෝම්ට වඩා තත්ත්පර 51 ක් පසුපසින් සිටියි.   

පාපැදි සවාරියේ 11 වැනි අදියර අද (12 වැනිදා) අයිමෙට් නරගයෙන් ආරම්භ වී පාවෝ නගරයෙන් අවසන් වීමට නියමිත අතර එහි මුලු දුර ප්‍රමාණය කිලෝ මීටර් 203.5 කි.


සමස්ත තරගයේ ප්‍රතිඵලය

1 ක්‍රිස්ටෝපර් ෆෝම් (මහ බ්‍රිතාන්‍යය) - පැය 42.27:28
2 ෆැබියෝ අරූ (ඉතාලිය) - පැය 42.27:46
3 රෝමේන් බර්ඩෙට් (ප්‍රංශය) - පැය 42.28:19
4 රිගොබර්ටෝ ඌරන් (කොලෙම්බියාව) - පැය පැය 42.28:23
5 ජකූබ් ෆුගල්සං (ඩෙන්මාකය) - පැය 42.29:05
6 ඩැනියෙල් මාටින් (අයර්ලන්තය) - පැය 42.29:12
7 සයිමන් යේට්ස් (මහ බ්‍රිතාන්‍යය) - පැය 42.29:30
8 නයිරෝ කුයින්ටනා (කොලෙම්බියාව) - පැය 42.29:41
9 මයිකල් ලන්ඩා (ස්පාඤ්ඤය) - පැය 42.30:34
10 ජෝජ් බෙනට් (නවසීලන්තය) - පැය 42.31:21


- 036

 

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...