. ශ්‍රී ලංකාවට ශූද්ධ ලකුණු වේගය පමණයි | කෙළිමඬල
2017 දෙසැම්බර් මස 12 වැනි අගහරුවාදා
ශ්‍රී ලංකාවට ශූද්ධ ලකුණු වේගය පමණයි
2017-07-13 13:54:19 | .

අන්තර්  ජාතික ක්‍රිකට් සභාව මෙහෙයවන 11 වැනි ලෝක කුසලාන කාන්තා ක්‍රිකට් තරගාවලිය රටවල් 8 ක සහභාගිත්වයෙන් පැවැත්වෙන අතර මේ වන විට ප්‍රසාද ලකුණු පුවරුවේ පෙරමුණ ගැනීමට එංගලන්ත පිල සමත්වී තිබේ.

පළමු වටය ලීග් ක්‍රමයට පැවත්වෙන මෙම තරගාවලියේ එක් රටක් සියළුම රටවල් සමඟ තරග කරන අතර පළමු වටයේ වැඩිම ප්‍රසාද ලකුණු ලබාගන්නා කණ්ඩායම් හතර පමණක් අවසන් පූර්ව වටයට සුදුසුකම් ලබයි. 

දකුණු අප්‍රිකාව හා ශ්‍රී ලංකා පිල අතර ඊයේ ටවුන්ටන්හිදී පැවති තරගයෙන් දකුණු අප්‍රිකාව ජය ලැබීමත් සමඟ ශ්‍රී ලංකා පිලට හත්  වැනි ස්ථානයේ  රැදි සිටීමට සිදුවිය.

ශ්‍රී ලංකා පිල මෙතෙක් තරග කළ තරග 6 ම පරාජය වී ප්‍රසාද ලකුණු නොලබා  ශුද්ධ ලකුණු වේගය අනුව හත් වැනි ස්ථානයට පත්ව ඇත.

ශ්‍රී ලංකාව සහ පාකිස්තානය මෙතෙක් සහභාගි වූ තරග සියල්ලම පරාජය වී ඇතත් ශූද්ධ ලකුණු වේගය අනුව ශ්‍රී ලංකා පිල 7 වැනි ස්ථානයේත් පාකිස්තානය 8 වැනි ස්ථානයේත් සිටිති. 

ප්‍රසාද ලකුණු පුවරුවේ පෙරමුණේ සිටින එංගලන්තය ලෝක කුසලාන ක්‍රිකට් ඉතිහාසයේ මෙතෙක් පැවති තරගාවලි 10න්  තුන් වතාවක් ජය ලබා ඇත. හය වතාවක් ශූරයන් වී ඇති ඕස්ට්‍රේලියාව මෙවර ප්‍රසාද ලකුණු පුවරුවේ දෙවන තැන ගනී. දකුණු අප්‍රිකාව තුන් වන තැනට පත්ව ඇත. එක් වරක් පමණක් ලෝක ශූරයන් වූ නවසීලන්තය ප්‍රසාද ලකුණු පුවරුවේ පස්වැනි ස්ථානයේ පසුවේ. 

පළමු වටයේ අවසන් තරගය ලෙස ශ්‍රී ලංකා පිල සහභාගී වන හත්වැනි තරගය  පකිස්ථානයට එරෙහිව ලෙස්ටර්හිදී අනිද්දා (15) පැවැත්වීමට නියමිතය.
 

කාන්තා ලෝක කුසලාන ක්‍රිකට් 2017
ප්‍රසාද ලකුණු පුවරුව
කණ්ඩායම  ත     ජ   ප   වි.නැ   ස  ශූ.ල.වේ ප්‍ර.ල
එංගලන්තය 6 5 1 0 0 1.217 10
ඕස්ට්‍රේලියාව 6 5 1 0 0 0.973 10
දකුණු අප්‍රිකාව  6 4 1 1 0 1.722 9
ඉන්දියාව 6 4 2 0 0 0.15 8
නවසීලන්තය 6 3 2 1 0 1.386 7
බටහිර ඉන්දීය කොදෙව්  6 2 4 0 0 -1.507 4
ශ්‍රී ලංකාව 6 0 6 0 0 -1.373 0
පකිස්තානය 6 0 6 0 0 -1.276 0

ත - තරග, ජ - ජයග්‍රහණ,  ප - පරාජය, වි.නැ - විසඳුම් නැති, ල.ස -ලකුණු සම,

ශු.ල.වේ - ශුද්ධ ලකුණු වේගය,  ප්‍ර.ල - ප්‍රසාද  ලකුණු 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පිතිකරුවෝ ශ්‍රී ලංකාව බේරාගනිති...
2017-12-06 16:00:46
ඉන්දියාවට එරෙහිව දිල්ලිහි ෆෙරෝස්ශා කොට්ලා ක්‍රීඩාංගණයේදී පැවැති තෙවැනි ටෙස්ට් තරගය ජය පරාජයෙන් තොරව අවසන් කරගැනීමට ශ්‍රී ලංකාව අද ...
දෝනිව දවාගත්තා නම්......
2017-12-11 19:04:24
වසර 17 ක වාර්තාවක් අලුත් කිරීමට තිබූ අනගි අවස්ථාවක් මහේන්ද්‍ර සිං දෝනි විසින් වළක්වන ලදි. ඉන්දීය කණ්ඩායම සිය මවුබිමේ පැවැති...
ශ්‍රී ලංකාවට කඩුලු 7 ක ජයක්...
2017-12-10 11:50:11
පරාජයන් වැළකට තිත තබමින් සුරංග ලක්මාල් ඇතුළු ශ්‍රී ලංකා පන්දු යවන්නන්ගේ විශිෂ්ට පන්දු යැවීම හමුවේ ධර්මසාලාහිදී අද (10 ව...
චන්දිමාල් - මැතිව්ස් ඉහළ නගිති...
2017-12-07 17:31:49
අන්තර් ජාතික ක්‍රිකට් සභාවේ නවතම ශ්‍රේණිගත කිරීම්වලට අනුව ටෙස්ට් පිතිකරුවන් අතර 9 වැනි ස්ථානය දක්වා ඉහළ නැගීමට ශ්‍රී ලංකා ටෙස්...